ನಾನು ಇದುವರೆಗೂ ಬಳಸುತ್ತಿದ್ದ ಕಗಪ ಕೀಲಿಮಣೆ ಸುಲಭವಾಗಿ ಉಪಯೋಗಿಸಲು ಸಾಧ್ಯವಾಗುತ್ತಿರಲಿಲ್ಲ. ಇದರಲ್ಲಿ ಪ್ರತಿ ಅಕ್ಷರವನ್ನು ಟೈಪ್ ಮಾಡಲು ಮೂರು, ನಾಲ್ಕು ಕೀಲಿಗಳನ್ನು ಒತ್ತಬೇಕಾಗುತ್ತದೆ. ಅದಕ್ಕಾಗಿ ನನ್ನದೇ ಆದ ಕೀಲಿಮಣೆ ನನಗಾಗಿ ಸಿದ್ದಪಡಿಸಿಕೊಳ್ಳಬೇಕು ಎಂದು ಈ ಕೆಲಸವನ್ನು ಪ್ರಾರಂಭಿಸಿದೆ. ನಂತರ ಗೂಗಲ್ ನಲ್ಲಿ ಕನ್ನಡದ ಬರಹಗಳನ್ನು ಹುಡುಕುವುದನ್ನು ಸುಲಭಗೊಳಿಸಬೇಕೆಂದು 'ಸುಲಭ ಗೂಗಲ್' ನ್ನು ತಯಾರಿಸಿದೆ.
ಅಂತರ್ಜಾಲವನ್ನು ಮನೆಯಿಂದಲೇ ಬಳಸುವವರು 'ಸುಲಭ ಗೂಗಲ್' ನ ಬಳಕೆಯನ್ನು ಕಂಡುಕೊಳ್ಳಲಾರರು. ಏಕೆಂದರೆ ಬರಹ ಡೈರೆಕ್ಟ್ ಬಳಸಿ ನೇರವಾಗಿ ಗೂಗಲ್ ಪುಟದಲ್ಲಿ ಕನ್ನಡವನ್ನು ಬಳಸಬಹುದು. ಆದರೆ ಒಂದು ಬ್ರೌಸಿಂಗ್ ಸೆಂಟರ್ ನಲ್ಲಿ ಕುಳಿತು ಅಂತರ್ಜಾಲವನ್ನು ಹುಡುಕುವವರಿಗೆ ಬರಹ ಡೈರೆಕ್ಟ್ ಬಳಸುವುದು ಸುಲಭವಲ್ಲ.
ಇನ್ನೊಂದು ಸನ್ನಿವೇಷ ಎಂದರೆ ನನ್ನ ಕಛೇರಿಯಲ್ಲಿ ಯಾವುದೇ ಹೊಸ ತಂತ್ರಾಂಶವನ್ನು ಇನ್ಸ್ಟಾಲ್ ಮಾಡುವುದನ್ನು ವೆಬ್ ಸೆನ್ಸ್ ಎಂಬ ತಂತ್ರಾಂಶವು ತಡೆಹಿಡಿಯುತ್ತದೆ. ಆದ್ದರಿಂದ ಬರಹ ಇಲ್ಲದೇ ಕನ್ನಡವನ್ನು ಅಂತರ್ಜಾಲದಲ್ಲಿ ಬಳಸಲು ತಂತ್ರಾಂಶವನ್ನು ರೂಪಿಸಲು ಯೋಚಿಸಿದೆ.
ಸುಲಭ ಗೂಗಲ್ ನ್ನು ಬಹಳಷ್ಟು ಜನರು ಬಳಸಿದ್ದಾರೆ ಮತ್ತು ಬಳಸುತ್ತಿದ್ದಾರೆ. ಅವರಿಗೆ ನನ್ನ ಧನ್ಯವಾಧಗಳು.
ನನ್ನ ಗೂಗಲ್ ಪುಟವನ್ನು ಎಷ್ಟು ಜನರು ಬಳಸುತ್ತಿದ್ದಾರೆ ಎಂದು ಗೂಗಲ್ ನಿಂದ ಪಡೆದ ಗ್ರಾಫ್ ನ್ನು ಇಲ್ಲಿ ಲಗತಿಸಿದ್ದೇನೆ.