ಲಂಚದ ಮಹಾತ್ಮೆಯನ್ನು ಬದಿಗಿಟ್ಟರೆ, ಇದೊಂದು ಉತ್ತಮ ನಡೆ ಎಂದು ನನ್ನ ಅಂಬೋಣ.

ನಾನು ವಾಸಿಸುತ್ತಿರುವ ಈ ಊರಿನ (ಸಿಂಗಪುರ) ಸುದ್ದಿಯನ್ನು ಕೇಳಿದರೆ ನೀವೆನ್ನುತ್ತೀರೋ? ಕೆಂಪು ದೀಪವಿದ್ದರೂ ನೀವು ನಿಮ್ಮ ಗಾಡಿಯನ್ನು (ವಾಹನವನ್ನು) ಚಲಾಯಿಸಿದಿರಿ ಅನ್ನಿ ! ವೇಗವಾಗಿ ಹೋಗುವ ಇತರ ವಾಹನಗಳಿಂದ ಒಂದು ವೇಳೆ ಬದುಕುಳಿದರೆ, ಕಾದಿದೆ ಮುಂದೆ ನಿಮಗೆ. ನಿಮ್ಮ ಮನೆ ಬಾಗಿಲಿಗೆ ಛಾಯಾಚಿತ್ರ ಸಮೇತ (ಎಲ್ಲಿ, ಎಷ್ಟು ಹೊತ್ತಿಗೆ ಇತ್ಯಾದಿ ನಮೂದಿಸಿ ನೀವು ಕೆಂಪು ದೀಪ ಹಾರುತ್ತಿರುವ ಚಿತ್ರ) ’ಮಾಮು’ ರಶೀದಿ ಕಳುಹಿಸುತ್ತಾನೆ. ಇದಕ್ಕೆ ೧೨೦ ಡಾಲರ್ ದಂಡ ತೆರುವುದರ ಜೊತೆ, ನಿಮ್ಮ ವಾಹನ ಚಲಾವಣೆಗೆ ಒಂದು ವರ್ಷ ರಜೆ ! ಸಾಕೇ..?

ಆದ ಕಾರಣ ವಾಹನ ಚಲಾವಣೆಯ ಪರವಾನಗಿ ಗಳಿಸುವುದೆಂದರೆ ಇಲ್ಲಿ ಗಜ ಪ್ರಸವವೇ ಸರಿ. ಓರ್ವ ಸಾಮಾನ್ಯನಿಗೆ ಪರವಾನಗಿ ಸಿಗಲು ಕಡಿಮೆ ಸಮಯವೆಂದರೆ ಒಂದೂವರೆ ವರ್ಷ ಅಷ್ಟೇ! ಏನಂತೀರಿ..?