ನಿಜ, ನೀವು ಹೇಳಿದ ಹಾಗೆ ಎಲ್ಲಾ ಹಿಂದಿಯ ಗ್ರಾಮ ಭಾಷೆಗಳಲ್ಲಿ ಈ ತರಹ ಇಲ್ಲ. ಉದಾ. ಅವಧಿ ಎಂದು ಕರೆಯುವ ಭಾಷೆಯಲ್ಲಿ ಇಂದಿಗೂ ನಾವು ಬರೆದ ಹಾಗೇ ಮಾತಾಡುವುದನ್ನು ನೋಡುತ್ತೇವೆ ಹಾಗೆಯೇ ಎಷ್ಟೋ ಗ್ರಾಮಾಂತರ ಪ್ರದೇಶಗಳಲ್ಲಿ ಇಂದಿಗೂ ಈ ತರಹದ ಭಾಷೆಗಳನ್ನು ’ದೆಹಾತಿ’ ಎಂದು ಕರೆಯುತ್ತಾರೆ. ಇಂದು ನಮಗೆ ಕೇಳಿಬರುವ ಹಿಂದಿ ನಿಜವಾದ ಮತ್ತು ಶುಧ್ಧ ಹಿಂದಿ ಅಲ್ಲ (ಇದಕ್ಕೆ ನಿದರ್ಶನ ಹಳೆಯ ಹಿಂದಿ ಚಲನಚಿತ್ರಗಳು), ಇದನ್ನು ’ಹಿಂದೂಸ್ತಾನಿ’ ಎಂದು ಕರೆಯುತ್ತಾರೆ. ಅದು ಆಡು ಭಾಷೆಯಾಗಿ ಉರ್ದುವಿನ ಬಹಳಷ್ಟು ಪದಗಳನ್ನು ಎರವಲು ಪಡೆದಿದೆ ಮತ್ತು ಆಡು ಭಾಷೆಯಲ್ಲಿ ಮಾರ್ಪಾಡಾಗಿ ಇಂದು ಬರಹಕ್ಕೆ ಮತ್ತು ನುಡಿಗೆ ಸಂಬಂಧವಿಲ್ಲದ ಹಾಗಾಗಿದೆ.