ವೈಭವ ಅವರೆ,

ನಿಮಗೆ ಇದು ಹಿಡಿಸಿದ್ದು ಸಂತೋಷ. ನೀವು ಹೇಳಿದ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳುತ್ತೇನೆ. ನಾನು ಹಿಂದೆಯೇ ಹೇಳಿದ್ದೊಂತೆ, ಪ್ಯಾಟರ್ನ್ ಮ್ಯಾಚಿಂಗ್  ಬೆಳೆಸಿಕೊಳ್ಳಬೇಕಾದರೆ, ಒಂದೇ ದಾರಿ. ಹೆಚ್ಚು ಹೆಚ್ಚು ಸಂಗೀತವನ್ನು ಆಲಿಸಬೇಕು. ಮೊದಮೊದಲು ಅಷ್ಟಾಗಿ, ಅರ್ಥವಾಗದಿರಬಹುದು. ಹಾಡ್ತಾ ಹಾಡ್ತಾ ರಾಗ ಎನ್ನುವ ಹಾಕೆ, ಕೇಳ್ತಾ ಕೇಳ್ತಾ ರಸಿಕರಾಗಬಹುದು.

ಬಹಳ ತಾಂತ್ರಿಕವಾಗಿ ಹೋಗಬಾರದೆಂದು, ಸ್ವಲ್ಪ ಕಡುಮೆ ವಿವರಗಳನ್ನು ಕೊಟ್ಟಿದ್ದೆ. ನಾನು ಮೋಹನ ರಾಗವನ್ನು ಮೊದಲಿಗೆ ಎತ್ತಿಕೊಂಡದ್ದಕ್ಕೂ ಇದೇ ಕಾರಣ, ಏನೆಂದರೆ, ಇದು ಒಂದು ಸರಳ ರಾಗ. ಹಾಗೆಂದರೆ, ಪ್ರಸಿದ್ಧ ಸಂಗೀತಗಾರರು ಇದನ್ನು ಹಾಡುವುದಿಲ್ಲ ಎಂದಲ್ಲ. ಆರಂಭದ ಕಲಿಕೆಯವರೂ ಪ್ರಯತ್ನಿಸಲು ಸುಲಭವಾದ ರಾಗ ಇದು. ಹಾಗಾಗಿ ಪರಿಚಯಿಸಲೂ ಸುಲಭ ಎಂದು ತೆಗೆದುಕೊಂಡೆ.

ಮುಂದಿನ ಭಾಗಗಳಲ್ಲಿ, ಹೊಸ ಹೊಸ ಪದಗಳನ್ನು ವಿವರಿಸುತ್ತಾ ಹೋಗೋಣ. ಮೋಹನ ಮುರಳಿಯನ್ನಿನ್ನಷ್ಟು ಸವಿಯೋಣ. ಈ ರಾಗಕ್ಕೇ, ಇನ್ನೂ ೨-೩ ಭಾಗಗಳಾಗಬಹುದು ಎಂದೆನಿಸುತ್ತಿದೆ.

ಇನ್ನು ತೋಡಿ ರಾಗದ ವಿಷಯ. ಇದು ಕರ್ನಾಟಕ ಸಂಗೀತದ ಒಂದು specialty ರಾಗ ಎನ್ನಬೇಕು. ಏಕೆಂದರೆ, ಹಿಂದೂಸ್ತಾನಿಯಲ್ಲು ಇಂತಹ ರಾಗ ಇಲ್ಲ. ಅಷ್ಟೇಕೆ, ಇನ್ನಾವ ಸಂಗೀತ ಪದ್ಧತಿಯಲ್ಲೂ ನಮ್ಮ ತೋಡಿ ಭೈರವಿಯಂಥ ರಾಗಗಳಿಲ್ಲ. ಅವುಗಳ ಮೇಲೂ ಮುಂದೆ ಬರೆಯುವ ಆಸೆಯಿದೆ.

-ಹಂಸಾನಂದಿ