ರೋಹಿತರೇ,
ಸಂವತ್ಸರಚಕ್ರವೆಂಬುದು ಎಲ್ಲ ನಾಗರೀಕತೆಗಳಲ್ಲೂ ಕಂಡುಬರುತ್ತದೆ. ಭಾರತದಲ್ಲಿ ಸಂವತ್ಸರಗಳು ಅರುವತ್ತು ವರ್ಷಗಳ ಚಕ್ರವಾಗಿ ತಿರುಗುತ್ತಲಿರುತ್ತವೆ. ಪ್ರತಿವರ್ಷಕ್ಕೊಂದು ಹೆಸರು - ಪ್ರಭವ, ವಿಭವ, ಶುಕ್ಲ.. ಇತ್ಯಾದಿ. ಇವಕ್ಕೆ ಆಧಾರ ಜ್ಯೋತಿಷ ಶಾಸ್ತ್ರವೇ ಇರಲಿ ಪೂರ್ವಿಕರ ಸೂಕ್ಷ್ಮ ಸಂಶೋಧನೆಯೇ ಇರಲಿ, ಈ ಹೆಸರುಗಳು ಆಯಾ ವರ್ಷದ ಆಗುಹೋಗುಗಳನ್ನು ಸೂಚಿಸುವ ಪದಗಳೇ ಆಗಿರುತ್ತವೆ. ಉದಾಹರಣೆಗೆ:

ಬಹುಧಾನ್ಯ ಸಂ|| => ದೇಶದಲ್ಲಿ ಧಾನ್ಯಗಳು ವರ್ಧಿಸಿ, ಕಣಜ ತುಂಬುತ್ತದೆ(ಕ್ರಿ.ಶ. ೧೯೯೮)
ವ್ಯಯ ಸಂ|| => ಹಿರಿಯ ತಲೆಗಳ ಕಣ್ಮರೆ, ಅಧಿಕ ಖರ್ಚು (೨೦೦೬)
ಹಾಗೆಯೇ,
ಸರ್ವಜಿತ್ ಸಂ|| ಎಲ್ಲ ಕಾರ್ಯಸಿದ್ಧಿಗಳನ್ನು ಕೊಟ್ಟು ಗೆಲುವನ್ನು ನೀಡುವ ವರ್ಷ(೧೯೪೭, ೨೦೦೭)ವಾದ್ದರಿಂದ ಭಾರತಕ್ಕೆ ಉನ್ನತಿಯನ್ನು ನೀಡುವ ಕಾಲ ಎಂದು ಎಲ್ಲರ ನಂಬುಗೆ.

ಈ ಸರ್ವಜಿತ್ ನಮ್ಮ ನಿಮ್ಮೆಲ್ಲರ ಕಾರ್ಯಸಿದ್ಧಿಯನ್ನು, ಗೆಲುವನ್ನು ತರಲೆಂದು ಆಶಿಸುತ್ತಾ ಯುಗಾದಿಯ ಶುಭಾಶಯಗಳು!

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.