ಇಂಗ್ಲೀಷಿನಲ್ಲಿ ಪದಗಳನ್ನು ಬರೆಯೋದು ಒಂದು ರೀತಿಯಾದರೆ ಅವನ್ನು ಓದೋದು ಇನ್ನೊಂದು ತರಹ; ಸಂದರ್ಭಕ್ಕೆ ತಕ್ಕಂತೆ. ಇದೊಂದು ರೀತಿಯ ಗೊಂದಲವನ್ನುಂಟುಮಾಡುತ್ತದೆ. ಈ ರೀತಿಯ ಗೊಂದಲವೆಂದಾಕ್ಷಣ ನೆನಪಿಗೆ ಬರೋದು "ಬಂಗಾರದ ಮನುಷ್ಯ" ಚಿತ್ರದ ಒಂದು ಸಂಭಾಷಣೆ. ದ್ವಾರಕೀಶ್ ಪಾತ್ರ ಹೇಳುವಂತೆ "Cut = ಕಟ್ ಆದರೆ Put = ಪುಟ್; ಗೊಂದಲವೋ ಗೊಂದಲ!". ಇದು ಕೇವಲ ಒಂದು ಉದಾಹರಣೆ ಅಷ್ಟೆ. ಈ ಪದಗಳಲ್ಲಿ U ಎನ್ನುವ ಅಕ್ಷರ ಸಂದರ್ಭಕ್ಕೆ ತಕ್ಕಂತೆ ಉಚ್ಚಾರಣೆಯನ್ನು ಪಡೆಯುತ್ತದೆ.

ಇನ್ನೂ ವಿಚಿತ್ರ ಉಚ್ಚಾರಣೆಗೆ ಉದಾಹರಣೆ ಅಂದರೆ colonel ಅಂತ ಬರೆದು ಕರ್ನಲ್ ಅಂತ ಓದೋದು. ಉಸ್ಸಪ್ಪಾ, ಗೊಂದಲವೋ ಗೊಂದಲ.

- ಶ್ಯಾಮ್ ಕಿಶೋರ್