ಪ್ರತಿಕ್ರಿಯೆಗಳಿಗೆ ಧನ್ಯವಾಧಗಳು. ಅಶೋಕ್ ಕುಮಾರ್ ರವರು ತಮ್ಮ ಹಿಂದಿನ ಪ್ರತಿಕ್ರಿಯೆಯಲ್ಲಿ ಹೊಸ ಕೀಲಿಮಣೆ ಕಲಿಯುವುದು ಕಿರಿಕಿರಿ ಎಂದು ಅಭಿಪ್ರಾಯಪಟ್ಟರು. ಈ ಕಿರಿಕಿರಿಯನ್ನು ಹೋಗಲಾಡಿಸುವುದು ಹೇಗೆ ಎಂದು ಯೋಚಿಸಿದಾಗ ಹೊಳೆದ ಉಪಾಯ ಕ್ಲಿಕ್ಕಿಸುವ ಕೀಲಿಮಣೆ.

• ಹುಡುಕುವ ಸೇವೆ ಗೂಗಲ್ ನಿಂದ ಎರವಲು ಪಡೆದಿದ್ದು. ಅವರ Google COOP ಸೇವೆ ಇದನ್ನು ಸಾಧ್ಯವಾಗಿಸಿದೆ.
• ಕೀಲಿಮಣೆ ಬಳಸಿ ರೂಪಿಸಿದ ತಂತ್ರಕ್ಕೆ ಬಹಳ ಸಮಯ ಹಿಡಿಯಿತು. ನನಗೆ ಸಿಗುವ ಬಿಡುವಿನ ಸಮಯವೆಂದರೆ ರಾತ್ರಿ ಹತ್ತರ ನಂತರ ಮತ್ತು ಹನ್ನೆರಡರ ವರೆಗೆ. ಶನಿವಾರ ಮತ್ತು ಭಾನುವಾರದ ಕೆಲವು ಗಂಟೆಗಳನ್ನು ನನ್ನ ಈ ಕೆಲಸಕ್ಕೆ ತೊಡಗಿಸಿಕೊಂಡಿದ್ದೇನೆ. ಕ್ಲಿಕ್ಕಿಸುವ ಕೀಲಿಮಣೆ ತಂತ್ರವನ್ನು ಬಹಳ ಸುಲಭವಾಗಿ ರೂಪಿಸಿದೆ.
• ಕನ್ನಡದ ತಂತ್ರಜ್ಞಾನ ಇನ್ನೂ ಪಕ್ವವಾಗಬೇಕಿದೆ. ತುಂಗಾ ಫಾಂಟನ್ನು ಬಳಸಿದರೆ "ಮ್ + ಊ = ಮೂ" ಮತ್ತು "ಯ್ + ಊ = ಯೂ " ಎಂದು ಮೂಡುತ್ತದೆ. ಇದನ್ನು ಸರಿಪಡಿಸಲು "Arial Unicode MS" ಫಾಂಟನ್ನು ಬಳಸಿದೆ. ಆಗ ಕಂಡುಬಂದದ್ದೇನಂದರೆ ಙ ಮತ್ತು ಞ ಅಕ್ಷರಗಳು ಅದಲು ಬದಲಾಗಿ ಮೂಡುತ್ತಿವೆ. ನೀವು ನನ್ನ ಶೋಧ ಪುಟದಲ್ಲಿ ಮ ಅಥವಾ ಯ ಅಕ್ಷರದ ಮೇಲೆ ಕ್ಲಿಕ್ ಮಾಡಿ ನೋಡಿ. ಕಾಗುಣಿತಗಳು ಸರಿಯಾಗಿ ಮೂಡಿಬರುವುದು ಕೆಲವರಾದರೂ ಕಾಣುತ್ತೀರಿ. ಹಾಗೂ ಙ ಮತ್ತು ಞ ಗಳು ಅದಲು ಬದಲಾಗಿರುವುದನ್ನು ಕಾಣುತ್ತೀರಿ.
• ಒಪೆರಾದ ಬಗ್ಗೆ ಅಶೋಕ್ ಕುಮಾರ್ ಪ್ರಶ್ನೆ ಕೇಳಿದ್ದೊ ಅಥವಾ ಕೆಲಸ ಮಾಡುತ್ತಿದೆ ಎಂದು ಹೇಳಿದ್ದೋ ತಿಳಿಯಲಿಲ್ಲ. ನನ್ನ ಬಳಿ ಒಪೆರಾ ತಂತ್ರಾಂಶ ಇಲ್ಲ. ಆದ್ದರಿಂದ ಅದರಲ್ಲಿ ಪರೀಕ್ಷಿಸಲು ಸಾಧ್ಯವಾಗಿಲ್ಲ.
• ಮಹೇಶರವರೆ, .nr ಯಾವ ದೇಶ ಎಂದು ನನಗೆ ತಿಳಿದಿಲ್ಲ. http://karnataka.110mb.com/google.html ನೆನಪಿನಲ್ಲಿಟ್ಟುಕೊಳ್ಳುವುದು ಕಷ್ಟ. ಅದಕ್ಕೆ ಅದನ್ನು ಹ್ರಸ್ವಗೊಳಿಸಲು co.nr ನಿಂದ ಉಚಿತ ಸೇವೆಯನ್ನು ಎರವಲು ಪಡೆದು http://searchkannada.co.nr ನ್ನು ಮಾಡಿದ್ದೇನೆ. ಪುಟದ ಮೇಲ್ಭಾಗದಲ್ಲಿರುವ co.nr ಐಕಾನ್ ಮೇಲೆ ಕ್ಲಿಕ್ ಮಾಡಿ ಹೆಚ್ಚಿನ ಮಾಹಿತಿ ಪಡೆಯಿರಿ.