ಆದರೆ "ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ" ಎನ್ನುವುದೇ ಹೞಗನ್ನಡ ಶೈಲಿಯಲ್ಲಿರುವ ಮಾತು. ಹಳಗನ್ನಡ ಶೈಲಿಯಲ್ಲಿ ಹಳಗನ್ನಡದ ಅಕ್ಕರ!!

ಈ ಮಾತು ತುಂಬಾ ಇಷ್ಟವಾಯಿತು. ಹಳಗನ್ನಡದ ವಾಕ್ಯಕ್ಕೆ ಹಳಗನ್ನಡದ ಅಕ್ಷರ. ಇದು ಒಪ್ಪತಕ್ಕ ಮಾತು. ನಾನು ಇನ್ನು ಮುಂದೆ ಇದನ್ನು ಬಳಸುವಾಗ ಬಾೞ್ಗೆ ಎಂತಲೇ ಬಳಸುತ್ತೇನೆ. ಏಕೆಂದರೆ ಬಾಳ್ಗೆ ಎಂದರೆ ಚಾಕುವಿಗೆ, ಕತ್ತಿಗೆ. ಸಿರಿಗನ್ನಡವು ನಮ್ಮ ಅರೆಮರಿಕೆ ಮತ್ತು ಅಱಿ(ರಿ)ಯಮಿಕೆ ಎಂಬ ಕತ್ತಿ, ಚಾಕುಗಳಿಗೆ ಆಹುತಿಯಾಗುವುದು ಬೇಡ.

ಕನ್ನಡದ ಕರುಳ ಬಳ್ಳಿಯನ್ನು ನಾವುಗಳೇ ಕತ್ತರಿಸುವುದು ಯಾವ ಜನ್ಮಕ್ಕೂ ಬೇಡ. ಅದೇನೋ ಗೊತ್ತಿಲ್ಲ ಈ ಱ ಮತ್ತು ೞ ಅಕ್ಷರಗಳಲ್ಲಿ ಏನೋ ಮೋಡಿಯಿದೆ. ಅದರಲ್ಲೂ ೞ ನನಗೆ ತುಂಬಾ ಸುಂದರವಾಗಿ ಕಾಣುತ್ತದೆ .

ಈ ಱ ಮತ್ತು ೞ ಗಳನ್ನು ಬಳಸುವ ಆಯ್ಕೆಯನ್ನು ಲೇಖಕನಿಗೇ ಬಿಟ್ಟರೆ ಹೇಗೆ ? ಹಾಗೆಯೇ ಹೊಸಗನ್ನಡದಲ್ಲಿ ಬರೆಯುವಾಗ ಯಾವುದು ಸುಲಭವೆನಿಸುವದೋ ಅದನ್ನೇ ಬಳಸೋಣ ಏನಂತೀರಾ ?