ಯಾವುದು ಎಲ್ಲಿಂದ ಬಂದಿದೆಯೋ ಗೊತ್ತಿಲ್ಲ. ಅಯ್ಯಂಗಾರರ ನುಡಿಯಲ್ಲಿ ಕನ್ನಡ-ತಮಿಳು ಅಲ್ಲದ ಕೆಲವು ಶಬ್ದಗಳು ಕೂಡ ಇದೆ. ಕೆಲವಂತೂ ಹುಟ್ಟು ಹಾಕಿದ ಶಬ್ದಗಳೇ ಅಂತೆ (ಅಚ್ಚ ಹೆಮ್ಮಿಗೆ/ಹೆಬ್ಬಾರ್ "ಪಾಟಿ"ಯನ್ನು ಕೇಳಿದರೆ ಹೇಳಿಯಾರು )
classic ಉದಾಹರಣೆಗಳು:
ಹಾಂ/ಹಾಮ್ - ಮನೆ ( ಇದು ಇಂಗ್ಲಿಷ್ home ನಿಂದ ಬಂದದ್ದೇ?? )
ವಾರ್ಚ್ಚೊಲ್ಕೊ - ಮಾತಾಡಿಕೋ (ಇದು ಪ್ರಾಯಶಃ ಸಂಸ್ಕೃತ+ತಮಿಳಿನ ಕಾಂಬಿನೇಶನ್)

ಅದಲ್ಲದೇ ಒಂದು ಪಂಗಡದವರ ಭಾಷೆ ಇನ್ನೊಂದು ಪಂಗಡಕ್ಕಿಂತ ಭಿನ್ನ. ಅಯ್ಯಂಗಾರರು ನೆಲೆಸಿದ ಜಾಗದಿಂದ ಪ್ರಭಾವಿತರಾದರು ಅನ್ನಿಸುತ್ತೆ. ಊರಿನ ಹೆಸರೇ ಇಂದಿಗೂ ಪಂಗಡ/ದೇಸಿ ಗುರುತಿಸುವಲ್ಲಿ ಬಳಕೆಯಾಗುತ್ತದೆ. ಅಲ್ಲದೇ ಅನೇಕ ಕನ್ನಡ ಅಯ್ಯಂಗಾರರಿಗೆ ತಮಿಳು ಓದಲು ಬರೆಯಲು ಬರುವುದಿಲ್ಲ. ತಮಿಳು ಓದಲೇಬೇಕಾದರೆ (ಅಪರೂಪವಾಗಿ ಪೂಜೆಯ ಸಮಯದಲ್ಲಿ) ಕನ್ನಡ ಲಿಪಿಯನ್ನೇ ಬಳಸುವುದು. ಮಾತನಾಡುವ ತಮಿಳಂತೋ ಬಿಡಿ. ಮದುರೈ ಗೆಳೆಯ ಒಬ್ಬ ನಿನ್ನ ಭಾಷೆಯನ್ನು ತಮಿಳು ಎಂದು ಕರೆದು ತಮಿಳನ್ನು ಕೊಲ್ಲಬೇಡ ಎಂದಿದ್ದ. . ಆದರೆ ಕನ್ನಡ ಬಾರದ ಕರ್ನಾಟಕದ ಅಯ್ಯಂಗಾರಿ ಪಿಳ್ಳೆಯನ್ನು ನಾನಿನ್ನೂ ನೋಡಿಲ್ಲ.

ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ