ಬೆಂಗಳೂರು ಕನ್ನಡವು ಇಲ್ಲಿರುವ ನಾನಾ ಭಾಷೆಗಳಿಂದ ಅನೇಕ ಪದಗಳನ್ನು ಒಳ ಸೇರಿಸಿಕೊಂಡಿದೆ. ಇದೂ ಸಹ ಭಾಷೆಯ ವಿಸ್ತರಣೆ.
ಈ ಮೊದಲು ಆಂಗ್ಲ ಭಾಷೆಯಿಂದ 'ಬಸ್', 'ಕಾರ್', 'ರಬ್ಬರ್' ಇತ್ಯಾದಿ ಶಬ್ದಗಳು ಕನ್ನಡಕ್ಕೆ ಸೇರಿವೆ. ಹಿಂದಿ, ಸಂಸ್ಕೃತದಿಂದ ಹೀಗೆ ಇನ್ನೂ ಅನೇಕ ಉದಾಹರಣೆಗಳನ್ನು ಕೊಡಬಹುದು. ಈ ಬಗ್ಗೆ 'ಪ್ರಜಾವಾಣಿ'ಯ 'ಇದೋ ಕನ್ನಡ' ತಪ್ಪದೇ ಓದಿ.

ಈಗ ಬೆಂಗಳೂರಲ್ಲಿ ಆಡು ಭಾಷೆಯಲ್ಲಿ ಗೆಳೆಯ ಎಂಬ ಅರ್ಥ ಬರುವ ಹಿಂದಿಯ 'ಯಾರ್' ಹಾಗೂ ತಮಿಳಿನ 'ಮಚ್ಚಾ' ಬಳಕೆಯನ್ನು ಕಾಣಬಹುದು. ಇವೂ ಸಹ ಕನ್ನಡದ ಮುಖ್ಯವಾಹಿನಿಯಲ್ಲಿ ಸೇರಿಕೊಳ್ಳಬಹುದು.

ನಾವು ಹೀಗೇ ಮುಂದುವರೆದರೆ ಬೆಂಗಳೂರು ಕನ್ನಡದ ಶಬ್ದಕೋಶ ಶುರು ಮಾಡಬಹುದು. ಏನಂತೀರಿ?
-----
ಶಶಿಧರ