ಈದಿನ ಸ್ವಲ್ಪ ಸೈಡ್ ಡಿಶಸ್ ನೋಡೋಣ.

ಚಟ್ನಿಪುಡಿ - ಇದನ್ನು ಮಾಡುವುವರು ಸ್ವಲ್ಪ ಗಟ್ಟಿಗರಾಗಿರಬೇಕು. ಏಕೆಂದರೆ ಇದಕ್ಕೆ ಕಷ್ಟವಾದ ಸೀನು ಬರಿಸುವ ಪದಗಳನ್ನು ಹುರಿದು, ಅವುಗಳನ್ನು ಮಿಕ್ಸಿಗೆ ಹಾಕಿ ಪುಡಿಮಾಡಿಕೊಳ್ಳಬೇಕು. ಈ ಚಟ್ನಿಪುಡಿ ಒಂದು ರೀತಿ ಎಲ್ಲದಕ್ಕೂ ಬಳಸಬಹುದು. ಪದಗಳಿಗೆ ಚಟ್ನಿಪುಡಿ ಸೇರಿದಾಗ ಒಂದು ರೀತಿ ಇಸುಕಿದಂತಾಗುತ್ತದೆ. ಚಟ್ನಿಪುಡಿ ಗುಂಪಿಗೆ ಸೇರುವ ಮತ್ತಷ್ಟು ಪದಗಳು ಮೆಣಸಿನಪುಡಿ, ಹುಳಿಪುಡಿ, ವಾಂಗೀಭಾತ್ ಪುಡಿ, ಮೆಂತಿಟ್ಟು..

ಉಪ್ಪಿನಕಾಯಿ - ಇದೂ ಕೂಡ ಒಂದು ರೀತಿ ಚಟ್ನಿಪುಡಿ ಕುಟುಂಬಕ್ಕೆ ಸೇರಿದ್ದು. ಇದಂತೂ ತುಂಬಾ ರುಚಿ. ಮಾಡುವುದಕ್ಕೆ ತುಂಬಾ ದಿನಗಳು ಬೇಕು. ಕೆಲವೆಡೆ ಬಿಸಿ ಉಪ್ಪಿನಕಾಯಿ ದಿಢೀರ್ ಅಂತ ಮಾಡುವ ಪರಿಪಾಠವಿದೆ. ಅಂದ ಹಾಗೆ, ಅನೇಕ ಬಗೆಯ ಉಪ್ಪಿನಕಾಯಿಗಳು ಉಂಟು.
೧. ಗುಂಡಾಗಿರುವ ಮೂಗಿನ ಸಹಾಯದಿಂದ ಮಾಡಿದರೆ ನಿಂಬೆಹಣ್ಣಿನಂತಹ ಪದಗಳು ಸಿಗುತ್ತವೆ.
೨. ಮಾವಿನಕಾಯಿಯಿಂದ ಉಪ್ಪಿನಕಾಯಿ ಮಾಡಿಕೊಳ್ಳುವಾಗ ವಾಟೆಯನ್ನು ತೆಗೆದು ಉಪ್ಪಿನಕಾಯಿ ಮಾಡಿಕೊಳ್ಳಬೇಕು. ಇಲ್ಲದಿದ್ದರೆ ಕಹಿಯಾಗುತ್ತದೆ.

ಅಮ್ಮ ಮಾಡಿಕೊಟ್ಟ ಉಪ್ಪಿನಕಾಯಿಯಾದರೆ ತುಂಬಾ ರುಚಿಯಾಗಿರುತ್ತದೆ. ಹಾಗೆಯೇ, ಯಾವುದೇ ಉಪ್ಪಿನಕಾಯಿಯನ್ನು ಮಾಡುವುದಕ್ಕೆ ಅರಿವೆಂಬ ಕಾಪಿಗಳನ್ನು (ಪ್ರಿಸರ್ವೇಟೀವ್ಸ್) ಬಳಸಲೇಬೇಕು.

ಸಂಡಿಗೆ - ಇದು ಈಗೀಗ ರೆಡಿಮೇಡಾಗಿ ಅಂಗಡಿಗಳಲ್ಲಿ, ಅಂತರ್ಜಾಲದಲ್ಲಿ ಕೋಶಗಳ ರೂಪದಲ್ಲಿ ಸಿಗುತ್ತಿದ್ದರೂ, ಅನೇಕ ಮನಗಳಲ್ಲಿ ಇನ್ನೂ ಇವುಗಳನ್ನು ಮಾಡುವ ಪದ್ದತಿ ಇದೆ. ಮಾದರಿಗೆ, ಪದಗಳನ್ನು ನೆನೆಹಾಕಿ, ನಂತರ ಬೇಯಿರಿ, ಹಬೆಯಾಡುತ್ತಿರುವಾ, ಸಂಡಿಗೆಯಾಕಾರದಲ್ಲಿ ಲಟ್ಟಿಸಿ, ಪ್ಲಾಸ್ಟಿಕ್ ಕವರಿನ ಮೇಲೆ ಹಾಕಿ, ಬಿಸಿಲಲ್ಲಿ ಒಣಗಿಸಬೇಕು. ಪೂರ್ತಿ ಒಣಗಿದ ನಂತರ ಎಣ್ಣೆಯಲ್ಲಿ ಕರಿದು ತಿನ್ನುವುದು ತುಂಬಾ ತುಂಬಾ ಸುಲಭ. ಕರಿಯುವುದೇನೋ ಸುಲಭ ಆದರೆ ತಯಾರು ಮಾಡುವುದೇ ಎಲ್ಲಕ್ಕಿಂತ ಕಷ್ಟ.

ಧಿಡೀರ್ ತಿಂಡಿ - ಈಗೀಗ ದರ್ಶಿನಿ, ಫಾಸ್ಟ್ ಫುಡ್ ಜಂಕ್ಫುಡ್ಗಳು ಜಾಸ್ತಿಯಾಗಿರುವುದರಿಂದ, ಏನೂ ಯೋಚಿಸದೆ, ಎಲ್ಲೆಲ್ಲಿ ಏನೇನಿದೆಯೋ ಎಲ್ಲವನ್ನೂ ಅದರ ಮುಂದಿನ ಆಗುಹೋಗುಗಳನ್ನು ತಿಳಿಯದೆ, ಮುಕ್ಕುವ ಪದ್ದತಿಯೂ ಜಾರಿಯಲ್ಲಿದೆ

ನಿಮ್ಮ ಲೇಖನ ಓದಿದವರಿಗೆ ನಗು ತಡೆಯಲು ಸಾಧ್ಯವೇ ಇಲ್ಲವೇನೋ. ನನ್ನಿ.