ಯಾಮಿನಿಯವರೆ,

ನೀವು ಕ್ಷಮೆ ಕೇಳಬೇಕಿಲ್ಲ.!!! ಒಂದು ಸಂಗತಿ ತಿಳೀದೇ ಇರುವುದು ತಪ್ಪಲ್ಲ.!

ನೀವು ಹೇಗೆ ಬರೆದರೂ ಸರಿಯೇ.... ನಾವು ಅದನ್ನೇ ಹೇಳ ಹತ್ತಿರುವುದು..

ಬಾಗ್ಯ/ಬಾಗಿಯ/ಭಾಗ್ಯ ಎಲ್ವೂ ಸರಿ.. ಬರಿ ಭಾಗ್ಯ ಒಂದೇ ಅಲ್ಲ. ( ಇದನ್ನೇ ಶಂಕರಬಟ್ಟರ ಹೊತ್ತಗೆಗಳೂ ಹೇಳುವುದು )

ಇದನ್ನೇ ಕನ್ನಡವನ್ನು ಕಠಿಣ ಮಾಡಿರುವ ಸಂಸ್ಕೃತಪದಗಳು" ಕಿರುಬರಹದಲ್ಲಿ ಹೇಳಬಯಸಿದ್ದು.

ಪಟ್ಟಣದವರಿಗೆ, ಮೇಲುಮಂದಿಗೆ( ಮೇಲು ಅಂತ ಅಂದುಕೊಂಡೋರು ), ಇಂಗ್ಲೀಸು-ಸಂಸ್ಕ್ರುತ ಕಲಿತವರಿಗೆ, ಚೆನ್ನಾಗಿ ಓದಿಕೊಂಡವರಿಗೆ ಈಗ ಇರುವ ಕನ್ನಡ ಸುಲಬ, ಕಾರಣ ಅವರಿಗೆ( ಒಂದು ಪಂಗಡಕ್ಕೆ ) ಅದು ಚೆನ್ನಾಗಿ ಗೊತ್ತು.

ಆದರೆ, ನಮಗಿಂತ ಹೆಚ್ಚು ಪಾಟಿಯಲ್ಲಿ( quantity)ಯಲ್ಲಿ ಇರುವ, ಕನ್ನಡವನ್ನು ಬಿಟ್ಟು ಬೇರಾವ ನುಡಿಯನ್ನೂ ಅರಿಯದ, ತಮ್ಮನ್ನು ತಮ್ಮ ನುಡಿಯನ್ನು, ಉಲಿ(pronounce)ಯನ್ನು ಕೀಳೆಂದು ಮೋಸ ಮಾಡುವವರ, ಇದುರು ನಿಲ್ಲಲು ಅರಿವು/ತಿಳಿವು ಸಾಲದೇ ಒದ್ದಾಡುವವರು, ಕೀಳರಿಮೆ ಪಡುವವರು, ನಮ್ಮಂತೆ ತಾವು ಆಡುವುದನ್ನು, ಉಂಕಿಸುವುದನ್ನು(think), ಹೇಳಬಯಸುವುದನ್ನು, ಸಲೀಸಾಗಿ ಹೇಳಬೇಕಾದರೆ ಅವರಿಗೆ ಅವರದೂ ಕೂಡ ಅಣ್ಣೆಗನ್ನಡ, ಮೇಲ್ಗನ್ನಡ. ಅದುವೇ ದಿಟವಾದುದು ಎಂಬ ನಂಬಿಕೆ, ದೈರ್ಯ, ಮೇಲರಿಮೆ ಬರಬೇಕು. ತಿಳಿದವರು, ಅರಿತವರು, ಓದಿಕೊಂಡವರು ಬರಿಸಬೇಕು.

ಇಂದು 'ಮೇಲು' ಎಂದು ಬಡೆದುಕೊಳ್ಳುವವರ ಅಬ್ಬರದಲ್ಲಿ ಅವರ ದನಿ ಕೇಳದೇ ಹೋಗಿದೆ. ಈ ಮೇಲು ಜನರೇ ಕನ್ನಡಕ್ಕೂ ಕಟ್ಟುಪಾಡುಗಳನ್ನು, ಉಚ್ಚಾರದೋಷವೆಂಬ ಬೇಲಿವನ್ನು, ಅವರಿಗೆ ಉಲಿಯಲೇ ಆಗದ ಒರೆ(ಪದ)ಗಳ ಹೊರೆಯನ್ನು ,'ಶಿಷ್ಟ-ಸಭ್ಯ' ಎಂಬ ಗರ್ಭಗುಡಿಯನ್ನು, ಕಟ್ಟಿ ಅವರನ್ನು ದೂರ ತಳ್ಳಿ, ಹೊರಗಿರಿಸಿದೆ.

ಈ 'ಮೇಲು'ಮಂದಿ ಕನ್ನಡ ಬೇಡವಾದರೆ, ಇಂಗ್ಲೀಸಾಡುವರು, ಸಂಸ್ಕೃತ-ಪಾಡುವರು, ಹಿಂದಿ ಕಲಿಯುವರು, ಅವರಿಗೆ ಕನ್ನಡ ಬರಿ ಜುಟ್ಟಿನ ಮಲ್ಲೆ, ತಮ್ಮ ಪಾಂಡಿತ್ಯ ಪ್ರದರ್ಶನ, ತಾನು ದೊಡ್ಡ thinker ಎಂದು ತೋರಿಸುವ ತೋರಿಕೆಯ tool, ಕನ್ನಡ ನೆಲದಲ್ಲಿ ತಮ್ಮ ಹಿಡಿತದಲ್ಲಿ 'ಅರಿವಿನ ಕೋಟೆ'ಯನ್ನು ಬಿಗಿಯಾಗಿ ಇಟ್ಟುಕೊಳ್ಳುವ ambition. ಒಟ್ಟಿನಲ್ಲಿ ಒಂದು ಶೋಕಿಯ ಸರಕು..!!!

ಆದರೆ ಈ 'ಕೆಳ'ಮಂದಿಗೆ ಬರುವುದು ಕನ್ನಡವೊಂದೇ, ಅದೇ ಅವರ ಕೂಳುಗಳಿಸುವ ದಾರಿ, ಅದೇ ಅವರು ಜಗತ್ತನ್ನು ನೋಡುವ ಕಣ್ಣುಗಳು, ಕೇಳುವ ಕಿವಿಗಳು. ಅವರ ಮೂಗಿಗೆ ಬಲು ತೂಕವಾದ, ತೊಂದರೆಯಾದ, ಸಂಸ್ಕ್ರತ-ಇಂಗ್ಲೀಸು-ಉರ್ದು ಮುಂತಾದ ಹೊರನುಡಿಗಳ ಕಪ್ಪು-ಕನ್ನಡಕ ಬೇಡ. ಆ ಕನ್ನಡಕ ಅವರಿಗೆ ಕಣ್ಣು ದೋಷವನ್ನು ಕೊಡುವುದೇ ಹೊರತು, ಸರಿಯಾಗಿ ಕಾಣಿಸುವುದಿಲ್ಲ. ಆದರೆ ಅದನ್ನು ಇಂದು ಬಲವಂತವಾಗಿ, ಅವರಿಗೆ ಅರಿಯದಂತೆ ಮೋಸದಿಂದ ತೊಡಲಾಗುತ್ತಿದೆ.
ಅವರಿಗೆ "ಕುಕ್ಕುಟ ಪಾಲನೆ, ಬಾಹ್ಯಾಕಾಶ, ಗರ್ಭಣಿ ಶುಶ್ರುಷೆ, ನಿಧನ, ಭೋಜನ, ಖ್ಯಾತ, ಬೃಹತ್" ಬೇಡ, ಬದಲಿಗೆ ಕೋಳಿ ಸಾಕಣೆ, ಹೊರಬಾನು, ಬಸುರಿ ಆರೈಕೆ, ಸಾವು/ತೀರಿಕೊ, ಊಟ/ಕೂಳು, ಹೆಸರುವಾಸಿ, ದೊಡ್ಡ" ಬೇಕು.

======================================
ನನ್ನ ಕೈಯಲ್ಲಿ ಎಲ್ಲವೂ ಆಗದು. ಆಗುವದನ್ನೂ ಮಾಡದೇ ಹೋದರೆ .........