ಸುರೇಶರೆ ನೀವೇನೇ ಹೇಳಿ ನಿಮ್ಮ ಈ ಕಾಮೆಂಟು ನನಗೆ ತುಂಬಾ ಇಷ್ಟವಾಯಿತು. ಇದು ವ್ಯಂಗ್ಯಕ್ಕಾಗಿಯೇ ಬರೆದದ್ದಿರಲಿ ಅಥವಾ ಕನ್ನಡದ ಬಗ್ಗೆ ಮನದಾಳದ ನಿಜವಾದ ಕಾಳಜಿಯೇ ಆಗಿರಲಿ ಏನೇ ಆದರೂ ತಲೆಬುಡವಿಲ್ಲದ ಇತರ ಕಾಮೆಂಟುಗಳಿಗಿಂತ ಇದು ಚೆನ್ನಿಹುದು. :ಚಪ್ಪಾಳೆ: ಸುರೇಶರೇ, ಇಸ್ಮಾಯಿಲರ ಲೇಖನವನ್ನು ನಾನು ಎಂದೋ ಓದಿದ್ದೆ. ಆದರೆ ಇಸ್ಮಾಯಿಲರ ಆ ಲೇಖನದಲ್ಲಿ ಹುದುಗಿರುವ ಆಶಯವನ್ನು ಗ್ರಹಿಸಿದ ನಂತರ ಅದಕ್ಕೆ ನಾನು ರಿಪ್ಲೈ ಮಾಡುವ ಪ್ರಮೇಯವೇ ಬರಲಿಲ್ಲ. ಏಕೆಂದರೆ ಕನ್ನಡದಲ್ಲಿ ನಮ್ಮ ಜ್ಞಾನದ ತುಡಿತ ಮತ್ತು ಇಸ್ಮಾಯಿಲರು ಪ್ರಸ್ತಾಪಿಸಿದ ವಾಸ್ತವತೆ ಎರಡೂ ತಾಳೆಯಾಗುತ್ತದೆ. ಅವರು ಪ್ರಸ್ತಾಪಿಸಿದ್ದನ್ನು ಮತ್ತೊಮ್ಮೆ ನೋಡಿ.

೧. ಕಬಾಬ್, ಟಿಕ್ಕಾಗಳ ಮಸಾಲೆಗೇ ಕನ್ನಡ ಜಗ್ಗಲಿಲ್ಲ. ಅಂದರೆ ಕನ್ನಡ ಜಗ್ಗಿಲ್ಲ. ಜಗ್ಗುವುದೂ ಇಲ್ಲ. ಕನ್ನಡವು ತನಗೆ ಏನೇನು ಬೇಕೋ ಅದನ್ನು ಎಲ್ಲ ಕಡೆಯಿಂದಲೂ ತನ್ನದಾಗಿಸಿಕೊಂಡು ಬರುತ್ತಲೇ ಇದೆ. ಇವುಗಳನ್ನು ನಾವ್ಯಾರೂ ವಿರೋಧಿಸುವುದಿಲ್ಲ. ಆದರೆ ಸಮಸ್ಯೆಯಿರುವುದು "ಎಲ್ಲಿಂದ ಬೇಕಾದರೂ ಹೊಸತನ ಬರಲಿ, ಕನ್ನಡದಿಂದ ಮಾತ್ರ ಬೇಡ" ಎನ್ನುವಂತಹ ಮನಸ್ಥಿತಿಯಲ್ಲಿ. ಇದೂ ಕೂಡ ನಮ್ಮ ಇಸ್ಮಾಯಿಲರೇ ಹರಿಬಿಟ್ಟದ್ದು. ನೀವು ಅದನ್ನು ಮಿಸ್ ಮಾಡಿಕೊಂಡಿದ್ದರೆ ಅಲ್ಲಿ ನೋಡಿ. ಹಾಗೆಯೇ, ಕನ್ನಡವೇ ಎಲ್ಲ, ಸಂಸ್ಕೃತ ಬಿಸಾಕಿ, ಉರ್ದು ಪಾರ್ಸಿ ಬಿಸಾಕಿ ಎನ್ನುವಂತಹ ಕಾಮೆಂಟು, ಲೇಖನಗಳನ್ನು ನಾವು ಬರೆದದ್ದು ನಿಮ್ಮ ಕಣ್ಣಿಗೆ ಬಿದ್ದಿದ್ದರೆ ಅದನ್ನು ಬೆತ್ತಲಾಗಿಸಿ.

೨. ಇಸ್ಮಾಯಿಲರು "ಕನ್ನಡವು ಸಸ್ಯಾಹಾರಿ ಭಾಷೆ" ಎಂದರೇ ಹೊರತು "ಪುಳಿಚಾರು ಭಾಷೆ" ಎನ್ನಲಿಲ್ಲ. ಕನ್ನಡವು ಕೇವಲ ಪುಳಿಚಾರು ಭಾಷೆ ಎಂದೇನಾದರೂ ಅವರು ಹೇಳಿದ್ದರೆ ವಸ್ತುನಿಷ್ಠವಾಗಿ, "ಇವರು ಸಂಸ್ಕೃತ ವಿರೋಧಿಗಳು, ಹಳಗನ್ನಡದ ಧೂಳೆಬ್ಬಿಸುವವರು, ಪಂಡಿತೋತ್ತಮರು" ಎಂಬಂತಹ ತಲೆಬುಡವಿಲ್ಲದ ವೈಯಕ್ತಿಕ ಮಟ್ಟದ ವ್ಯಂಗ್ಯಗಳನ್ನೂ ಮೀರಿ ಅದು ಸುಳ್ಳೆಂದು ನಿರೂಪಿಸುತ್ತಿದ್ದೆವು.

ಮಾಂಸಾಹಾರಿಯಲ್ಲದ ನಿಮಗೆ ಮಾಂಸಾಹಾರಕ್ಕೆ ಸಂಬಂಧಪಟ್ಟ ಪದಗಳ ಬಗೆಗಿನ ಕುತೂಹಲ ಸಹಜವಾದದ್ದೇ. ಆ ಸಹಜಕುತೂಹಲವನ್ನು ನಾನು ತಣಿಸುತ್ತೇನೆ ಎಂದು ನನ್ನ ಮೇಲೆ ನಂಬಿಕೆಯಿಟ್ಟಿದ್ದಕ್ಕೆ ನನ್ನಿ. ಆದರೆ ನಂಬಿಕೆ ಉಳಿಸಿಕೊಳ್ಳಲು ಹೋಗಿ, ಇಸ್ಮಾಯಿಲರ ಆಶಯಕ್ಕೆ ತಡೆಯೊಡ್ಡುವದು ನನಗೆ ಇಷ್ಟವಿಲ್ಲ. ಇಸ್ಮಾಯಿಲರೇನು ಕಡಿಮೆಯವರಲ್ಲ, ನನಗಿಂತ ಹೆಚ್ಚು ಓದಿಕೊಂಡಿದ್ದಾರೆ. ಅವರೇ ಮಾಂಸಾಹಾರದ ಬಗ್ಗೆ ತಿಳಿಸಿಕೊಡುತ್ತಾರೆ, ಕೇಳಿ ನೋಡಿ, ಬೇಕಿದ್ದರೆ.

ಸುನಿಲ್ ಸೈಡ್ ಡಿಶಸ್ ಬಗ್ಗೆ ಬರೆದಿದ್ದನ್ನು ಓದಿದಾಗ ನಮ್ಮ ಸರ್ಕಾರ ಕನ್ನಡದಲ್ಲೇ ಹೋಟೆಲ್ ಮೆನು ಮುದ್ರಿಸಬೇಕೆಂದು ಆದೇಶ ಹೊರಡಿಸಿದ್ದರ ನೆನಪಾಯಿತು.

ತುಂಬಾ ಕುತೂಹಲಕಾರಿಯಾಗಿದೆ. ಸರ್ಕಾರ ಕನ್ನಡದಲ್ಲಿ ಮೆನು ಮುದ್ರಿಸಬೇಕು ಅಂತ ಹೇಳಿತ್ತೋ ಅಥವಾ ತಿಂಡಿಯ ಹೆಸರುಗಳನ್ನು ಅನುವಾದ ಮಾಡಿ ಮುದ್ರಿಸಬೇಕು ಅಂತ ಹೇಳಿತ್ತೋ, ತಿಳಿಯದು. ಇದನ್ನು ತಿಳಿಸಿಕೊಟ್ಟಿದ್ದರೆ ಚೆನ್ನಾಗಿರುತ್ತಿತ್ತು. Hot Dogಅನ್ನು ಶಾಖಶ್ವಾನ ಅಂತ ಯಾರಾದರೂ ಬರೆದಿದ್ದರೆ ? ಇಂತಹ ಮಾನಸಿಕ ಕೊಳಕನ್ನಲ್ಲವೇ ಪತ್ರಿಕೆಗಳು ಬೆತ್ತಲು ಮಾಡಬೇಕಿರುವದು.