ಹಂಸಾನಂದಿಯವರೇ, ನಿಮ್ಮ ಈ ಬರಹಕ್ಕಾಗಿ ಸವಿಯೊದಗು. ನೀವು ಈ ಲೇಖನವನ್ನು ಕೊಂಕಿಗಾಗಿಯಲ್ಲದೆ, ತೆಳುನಗು ಬರಿಸುವ ಧಾಟಿಯಲ್ಲಿ ಬರೆದಿರುವಿರೆಂದು ನಂಬುವೆ. ಈ ಹೊತ್ತಿನಲ್ಲಿ ಕಳೆದ ತಿಂಗಳ ಒಂದು ನಲ್ಗಲೆತದಲ್ಲಿ ನಡೆದ ಒಂದು ಸನ್ನಿವೇಶ ನೆನಪಿಗೆ ಬರುತ್ತದೆ.

ಪ್ರೀತಿ ಏಕೆ ಭೂಮಿ ಮ್ಯಾಲೆ ಹಾಡಿನಲ್ಲಿ, ೦೨:೧೦-೩:೨೦ರ ಸಾಗದಲ್ಲಿ ಈ ಸಾಲು ಬರುತ್ತದೆ, "ನಿನಗ್ ಏಳದೆ, ನಿನ್ನ ಪ್ರೀತಿಯ ನಾ ಮಾಡಿದೆ, ಕಾರಣ ನೀ ಕೇಳಲು ಇನ್ನೇಕೆ ಬರದೆವೋದೆ. ಅನಿಸಿದೆ ನನಗ್ ಅನಿಸಿದೆ, ನೀ ಒಪ್ಪಿದೆ ಇನ್ನೇನಿದೆ, ಕಾಯದೆ ತಡಮಾಡದೆ ಬಾ ನಿನ್ನ ದಾರಿಕಾದೆ, ಕೂಗಿ ಕೂಗಿ ಕರೆದರು ನಾನು, ಕೇಳಲಿಲ್ಲವೇ, ಒಮ್ಮೆ ಬಂದುವೋಗೆ ನೀನು ಕರುಣೆಯಿಲ್ಲವೇ...ಆಆಆಆಆಆ..ಈ ಪ್ರೀತಿ ಯಾಕೆ ಭೂಮಿ ಮ್ಯಾಲೆ.....ಮಣ್ಣಾದರೆ ಈ ಪ್ರೀತಿ ಇಲ್ಲೇ...ಹ್ಮ್‌ಹ್ಮ್‌ಹ್ಮ್‌ಹ್ಮ್...."

ಈ ಪ್ರೀತಿ ಏಕೆ ಭೂಮಿ ಮೇಲಿದೆ ಚಿತ್ರದ ಹಾಡುಗಳ ಬಗ್ಗೆ ಮಾತು ಬಂದಾಗ, ಅದೇನೋ ಈ ಬರದೆವೋದೆ, ಬಂದುವೋಗೆ ಅಂಥ "ಕೆಟ್ಟದಾಗಿ" ಹಾಡಿರುವ ಬಗ್ಗೆ ಒಂದು ಚರ್ಚೆ ಜೋರಾಗಿ ನಡೆಯುತ್ತಿತ್ತು. ಈ ಬಂದುವೋಗೆ ಎಂಬ ಬಳಕೆಗಳನ್ನು ಏನೂ ಓದದ ಇಲ್ಲಿಟರೇಟ್ಸ್ ಮಾತನಾಡುವ ಬಗೆ ಅಂತ ವಾದ ಸರಿ ಆಯ್ತು ಕಣ್ರಪ್ಪಾ ನಾವುಗಳು ಓದಿಕೊಂಡ ಲಿಟರೇಟ್ಸೇ ? ಎಂದರೆ ಹೌದು ಎನ್ನೋದೇ? "ಮುಂದುವರಿದ" ಹಳ್ಳಕ್ಕೆ ಆ ಚಣದಲ್ಲಿ ನಾವೆಲ್ಲರೂ ಬಿದ್ದದ್ದು ಯಾರಿಗೂ ಹೊಳೆಯಲೇ ಇಲ್ಲ. ನೀವುಗಳು ಇನ್ನೂ ಬಿದ್ದಿಲ್ಲವಾದರೆ,
ಮುಂದು + ಪರಿ(ಹೊಸಗನ್ನಡದಲ್ಲಿ ಹರಿ) = ಮುಂದುವರಿ, ಮುಂದೆ + ಪೋಗು(ಹೊಸಗನ್ನಡದಲ್ಲಿ ಹೋಗು) = ಮುಂದೆವೋಗು, ನನೆ + ಬಿಲ್ಲ = ನನೆವಿಲ್ಲ, ಪರುಮೆ + ಮರಿ = ಪರುಮೆವರಿ.
ಈ ಮುಂದುವರಿ ಪದವನ್ನು ಮುಂದಿಟ್ಟುಕೊಂಡು ಬರದೆವೋದೆ ಎನ್ನುವವರು ಹಿಂದುಳಿದವರಲ್ಲ ಎಂದು ಸಾರಬೇಕಾಯಿತು