ಅಶೋಕ್, ಅದು ಅತ್ಯಂತ ಸುಲಭದ ಮಾತು. ನಾನು ಒಬ್ಬ ಟೆಕ್ಸ್ಟಲ್ ಇಂಜಿನಿಯರ್- ನಿಮಗೆ ತಿಳಿದಂತೆ. ೩೭ ವರ್ಷದ ಬಹುದೊಡ್ಡಪಾಲಿನ ಸೇವಾವೃತ್ತಿ, ಈ ನಿಟ್ಟಿನಲ್ಲೇ ಆದದ್ದು. ಒಂದು ವೇಳೆ ನಾನು ಇಷ್ಟೂ ಹೇಳಲಿಲ್ಲ ಅಂತಿಟ್ಕೊಳ್ಳಿ , ನೀವೇ ನನ್ಗೆ ತರಾಟೆಗೆ ತೆಗೆದ್ಕೊಳ್ತಿದ್ರಿ. ಅಲ್ವೆ. ಅನ್ನ- ಬಟ್ಟೆ, ಇರಕ್ಕೆ ಒಂದ್ ನೆಲೆ- ಮಿಲಿಯಗಟ್ಟಲೆ ಕಾಲದಿಂದ ಮನುಕುಲದ ಪರಂಪರೆಗೆ ಬಂದಿದೆ. ಅದರಲ್ಲೇ ನಾವು ಮುಂದುವರೀತಿದೀವಲ್ಲ. ಹತ್ತಿ -ಉದ್ಯೋಗ, ಸಂಶೋಧನೆಯ ಉಗಮ ಸ್ಥಾನವಾದ ಮುಂಬೈನ ಮಾಟುಂಗಾದಲ್ಲಿರುವ, Central Institute of Research on Cotton Technology (CIRCOT ) ’ತಾಯಿಮನೆ ’ಯಲ್ಲಿ ಕೆಲ್ಸ ಮಾಡಿದ್ದರ ಫಲ.

ಭಾರತದಲ್ಲಿ ಹತ್ತಿಬಟ್ಟೆಗಳ ಬಗ್ಗೆಯಾಗಲಿ, ಟೆಕ್ಸ್ಟೈಲ್ಸ್ ಬಗ್ಗೆಯಾಗಲಿ ಇನ್ನೂ ಯಾವ ಸಂಸ್ಥೆಯೂ ಆಗ ( ೧೯೨೫) ರಲ್ಲಿ ಹುಟ್ಟಿರಲಿಲ್ಲ. ನಾವೇ ಮೊದಲಿಗರು. ನಮ್ಮ ಮೈಸೂರಿನವರೆ ಆದ ಡಾ. ಸಿ. ನಂಜುಂಡಯ್ಯನವರು, ಬೊಂಬಾಯಿನ Bombay Textile Research Association,( BTRA ) ನ್ನು ಹುಟ್ಟುಹಾಕಿ ಬೆಳಸಿದ "ಘಟಾನುಘಟಿ ವ್ಯಕ್ತಿ ". ಅವರು ನಮ್ಮಲ್ಲಿ ಡೈರೆಕ್ಟರ್ ಆಗಿದ್ರು. ಮೇಲಾಗಿ ಅವ್ರು ಯಾರ್ ಗೊತ್ತೆ ? ಡಾ. ಸಿ. ವಿ. ರಾಮನ್ನರ ಅಚ್ಚು-ಮೆಚ್ಚಿನ ವಿದ್ಯಾರ್ಥಿ ! ಇನ್ನೇನಾದರು ಬೇಕಾದರೆ ಹೇಳಿ. ಸಂಕೋಚ ಪಟ್ಗೊಬೇಡಿ.