ಕಛೇರಿಯಲ್ಲಿ ವರ್ಡ್ ಫೈಲ್ ಕಡ್ಡಾಯವಾಗಿದ್ದರೆ ಅದು ನಿಮ್ಮ ಗ್ರಹಚಾರ. ಆದರೆ ಅತಿಯಾಯ್ತು ಎನ್ನುವುದಕ್ಕೆ ನಾ ಏನು ಹೇಳಲಿ? ಇದು ರಹಸ್ಯದ ಫಾರ್ಮ್ಯಾಟು, ಮೈಕ್ರೊಸಾಫ್ಟಿಗೆ ಪರೋಕ್ಷವಾಗಿ ಇನ್ನಷ್ಟು ಬೇರೂರುವಂತೆ ನೀವೂ ಕೈಜೋಡಿಸಿರುತ್ತೀರಿ, ಮಿಗಿಲಾಗಿ ಅದು ಎಷ್ಟು ಸ್ವಾತಂತ್ರ್ಯ ಕಸಿದುಕೊಳ್ಳುವ ಕಂಪೆನಿಯೊಂದರ ಅಪಾಯಕಾರಿ ಸಂಚು ಎಂಬ ನಿಜವಿಷಯ ತಿಳಿಸಿದರೆ - ತೊಂದರೆಯಿಲ್ಲ ಅದೇ ಇರಲಿ ಎನ್ನುವವರಿಗೆ ಏನು ಹೇಳಲಾಗುವುದು?

ವರ್ಡ್ ಫೈಲ್ ಯಾಕೆ ಬಳಸುವುದು ಒಳ್ಳೆಯದಲ್ಲ ಎಂಬುದರ ಬಗ್ಗೆ ಲೇಖನದಲ್ಲಿ ಮಾಹಿತಿಯಿದೆ. ಆದ್ದರಿಂದಲೇ ಲೇಖನವನ್ನು ಮತ್ತೊಮ್ಮೆ ಓದಿ ನೋಡಿ ಎಂದದ್ದು. ನಿಮಗೆ ಬೇಡಿ ತೊಡಿಸಿ ಗಲೀಜು ತಿನ್ನಿಸುತ್ತಿದ್ದಾರ್ರಪ್ಪ, ಬಿಟ್ಟು ಹೊರಬರೋದು ಒಳಿತು ಎಂದರೆ - ಬೇಡ ನನಗಿದೆ ಚೆನ್ನಾಗಿದೆ ಎಂದರೆ ಏನು ಹೇಳುತ್ತೇವೆ ಹೇಳಿ? ನನಗಂತೂ ಇಂತಹ ಕಾಮೆಂಟುಗಳನ್ನು ಓದಿ ನಗು ಬರುತ್ತದೆ ಅಷ್ಟೆ. ಆದರೆ ನಮ್ಮಲ್ಲಿ ಹಲವರಿಗೆ ತಂತ್ರಾಂಶಗಳಲ್ಲಿನ ಸ್ವಾತಂತ್ರ್ಯದ ಪರಿಚಯವಾಗಲಿ, ಅದರ ನಿಜವಾದ ಪ್ರಾಕ್ಟಿಕಲ್ ಅನುಭವವಾಗಲಿ ಇಲ್ಲದಿರುವುದರಿಂದ ಕೆಲ ಮಟ್ಟಿಗೆ ಹಲವರು ತೆಗೆದುಕೊಳ್ಳುವ ಧೋರಣೆಯೂ ಅರ್ಥವಾಗುತ್ತದೆ. ಇನ್ನು ಕೆಲವು ವರ್ಷಗಳನ್ನು ಗಣಕ ಜಗತ್ತಿನಲ್ಲಿ ಕಳೆಯಿರಿ, ಆಗ ನಿಮಗಿದರ ಮೌಲ್ಯ ತಿಳಿಯುತ್ತದೆ. ಇದರ ಬಗ್ಗೆಯೊಮ್ಮೆ ವಿವರವಾಗಿ ಬರೆಯುವೆ.

(ಇಲ್ಲಿ ಮುಕ್ತ ತಂತ್ರಾಂಶ ಪ್ರತಿಪಾದಕರು ಅಥವ ಮೈಕ್ರೊಸಾಫ್ಟು ಬಳಕೆದಾರರು ಎಂಬ ಭೇದವಿಲ್ಲವಿಲ್ಲವೆಂಬುದನ್ನು ಗಮನದಲ್ಲಿಟ್ಟುಕೊಳ್ಳಿ. ನೀವು ಎಕ್ಸ್ ಪಿ ಬಳಕೆದಾರರಾದ ಮಾತ್ರಕ್ಕೆ ನಿಮಗೇನು ವಿಶೇಷವಾಗಿ treat ಮಾಡೋದಿಲ್ಲ, ವರ್ಡ್ ಫೈಲುಗಳ ವಿಷಯದಲ್ಲಿ ಮೈಕ್ರೊಸಾಫ್ಟಿನವರು. ನೀವು ಬರೆದ ಡಾಕ್ಯುಮೆಂಟು ಕೂಡ ರಹಸ್ಯ ಫಾರ್ಮ್ಯಾಟಿನಲ್ಲೇ save ಮಾಡಲಾಗುತ್ತದೆ ಮತ್ತು ಹಾಗೆಯೇ ಇರಿಸಲಾಗುತ್ತದೆ. ನಿಮಗೆ ಬೇಡವೆಂದರೂ ಬರೆದವರ ಬಗ್ಗೆ ಮಾಹಿತಿಯನ್ನು ಅದರೊಂದಿಗೆ ಕೂಡಿಸಿಕೊಳ್ಳುತ್ತದೆ. ಇಂತಹವನ್ನೆಲ್ಲ ಅದು ಶೇಖರಿಸಿಡುವುದರಿಂದ ನೀವು ಬರೆದದ್ದಕ್ಕಿಂತ ಎಷ್ಟೋ ಜಾಸ್ತಿ ಗಾತ್ರದ್ದಾಗಿರುತ್ತದೆ ಫೈಲು. ನೀವು ಕಟ್ಟಿಸುತ್ತಿರುವ ಮನೆ ಹೇಗಿರಬೇಕೆಂಬುದನ್ನೂ ನಿಶ್ಚಯಿಸಲಾಗದಂತಹ ಪರಿಸ್ಥಿತಿ ಇದು - ನಿತ್ಯ ಜೀವನದಲ್ಲಿ, ಕಛೇರಿ ಕೆಲಸದಲ್ಲಿ ನಿಮಗೆ ಗೊತ್ತಾಗೋದಿಲ್ಲ. ಮ್ಯಾಟ್ರಿಕ್ಸ್ ನೋಡಿದ್ದೀರಾ? DRM ಬಗ್ಗೆ ಕೇಳಿದ್ದೀರಾ?)