ಗಾನಕೋಗಿಲೆ ಎಂದಾಗ ಅಲ್ಲಿ ಕೋಗಿಲೆ ಗಂಡೋ ಹೆಣ್ಣೋ ಅಂತ ಗೊತ್ತಾಗುವುದಿಲ್ಲ. 'ಮಯೂರಿ' ಅಂದಾಗ ಅದು ಹೆಣ್ಣು ನವಿಲು ಅಂತ ಸ್ಪಷ್ಟವಾಗುತ್ತದೆ, ಅಲ್ಲಿಯೇ ಸಮಸ್ಯೆ ಬರುವುದು. 'ಹಂಸದಂತೆ ನಡೆದು ಬಂದಳು' ಎನ್ನುವಾಗ ಅಭಾಸವೆನಿಸುವುದಿಲ್ಲ, ಯಾಕೆಂದರೆ ಹಂಸ ಗಂಡೂ ಇರಬಹುದು ಹೆಣ್ಣೂ ಇರಬಹುದು.

ಗಮನ = ನಡೆಯುವುದು, ಆಗಮನ = ಬರುವುದು, ನಿರ್ಗಮನ = ಹೋಗುವುದು, ಗಜಗಮನೆ / ಗಜಗಾಮಿನಿ = ಗಜದಂತೆ ನಡೆಯುವವಳು. ಇದರಲ್ಲಿ ತಪ್ಪೇನಿಲ್ಲ. ಗಜದಂತೆ ಬರುವವಳು ಅಂತ ಹೇಳಹೊರಟರೆ ಮಾತ್ರ ಗಜಾಗಮನೆ ಸರಿ.