ರಾಹು ಮತ್ತು ಕೇತು ಇವೆರಡಕ್ಕೂ ಖಗೋಳಶಾಸ್ತ್ರದ ಪರಿಭಾಷೆಯಲ್ಲಿ nodes ಎಂದು ಹೆಸರು.

ಭೂಮಿ ಸೂರ್ಯನ ಸುತ್ತ ಸುತ್ತುವ ಕಕ್ಷೆಯ ಸಮಪಾತಳಿ (plane) ಮತ್ತು ಚಂದ್ರ ಭೂಮಿಯ ಸುತ್ತ ಸುತ್ತುವ ಕಕ್ಷೆಯ ಸಮಪಾತಳಿ, ಎರಡೂ ಒಂದೇ ಅಲ್ಲ. ಹಾಗಾಗಿ, ಚಂದ್ರನ ಪಥದ ಪಾತಳಿ ಭೂಮಿಯ ಕಕ್ಷೆಯ ಪಾತಳಿಯನ್ನು ಎರಡು ಕಡೆ ಸಂಧಿಸುತ್ತದೆ. ಈ ಎರಡೂ ಬಿಂದುಗಳೇ node ಗಳು. ಒಂದಕ್ಕೆ acending node ಎಂತಲೂ, ಇನ್ನೊಂದಕ್ಕೆ descending node ಎಂತಲೂ ಹೆಸರು. ಇವುಗಳೇ ನಮ್ಮ ರಾಹು-ಕೇತುಗಳು.

ಅವನ್ನು ಛಾಯಾಗ್ರಹಗಳೆನ್ನಲು ಇದೇ ಕಾರಣ. ಏಕೆಂದರೆ ಅಲ್ಲಿ ಕಾಣಿಸಲು ಏನೂ ಇರುವುದಿಲ್ಲ. ಒಂದು ವೇಳೆ ಅಲ್ಲಿ ಚಂದ್ರನೋ, ಸೂರ್ಯನೋ ಬಂದರೆ, ಅಲ್ಲಿ ಭೂಮಿಯ, ಅಥವಾ ಚಂದ್ರನ ನೆರಳು ಮಾತ್ರ ಕಾಣುತ್ತದೆ (ಅದೇ ಗ್ರಹಣ). ಅದಕ್ಕೆ ಅವು ನೆರಳಿನ ಗ್ರಹಗಳು.

-ಹಂಸಾನಂದಿ