ಈ ಮಂಗಳವಾರದ ವಿಚಾರದಲ್ಲಿ ನಮ್ಮ ಬಳಗದಲ್ಲಿ ಸಖತ್ ಚರ್ಚೆಗಳಾಗಿ (ಜಗಳಕ್ಕೆ ಹೊರಳುವುದೊಂದು ಬಾಕಿ) ಹೋಗಿವೆ. ಏನಪ್ಪಾ ಎಂದರೆ, ನಮ್ಮ ಮನೆಯಲ್ಲಿ ಎಷ್ಟೊಂದು ಒಳ್ಳೆಯ ಕೆಲಸಗಳು ಮಂಗಳವಾರದಂದೇ ಆಗಿವೆ. ಇದೆಲ್ಲ ಗೊತ್ತಿದ್ದೂ, ನಮ್ಮ ಬಳಗದವರು "ಅಯ್ಯೋ ನಿಮ್ಮ ಮನೆಯಲ್ಲಿ ಮಂಗಳವಾರ ಒಳ್ಳೆಯ ಕೆಲಸ ಆಗಿರಬಹುದು, ನಮ್ಮ ಮನೆಯಲ್ಲಿ ಆಗಲ್ಲ" ಎಂದು ಮಂಗಳವಾರದಂದು ಯಾವ ಸಮಾರಂಭವನ್ನೂ ಅಥವಾ ಮಹತ್ತರವಾದ ಕೆಲಸವನ್ನು ಒಡರ್ಚುವುದೇ ಇಲ್ಲ. ಇನ್ನು ಆ "ಸಾಕ್ಷಾತ್ಕಾರ" ಸಿನಿಮಾದಲ್ಲಂತೂ ಒಲವೇ ಜೀವನ ಸಾಕ್ಷಾತ್ಕಾರ ಎಂಬುದನ್ನು ಮರೆತು ಪಾಪ ಅವಳನ್ನು "ಅಂಗಾರಕ ದೋಷದ ಹೆಣ್ಣು" ಎಂದು ನೆಗಳ್ಚಿ ಮದುವೆಯನ್ನೇ ನಿಲ್ಲಿಸುತ್ತಾರೆ.