’ಸಭೆಯನ್ನುದ್ದೇಶಿಸಿ ಮಾತಾಡುವುದು ’ ಕನ್ನಡದ ವ್ಯಾಕರಣಕ್ಕೆ ವಿರುದ್ಧವಲ್ಲ...

ಮಹೇಶರೇ,

ನೀವು ’ಸಭೆಯನ್ನುದ್ದೇಶಿಸಿ ಮಾತಾಡುವ’ ಬಗ್ಗೆ ನೀವು ಎತ್ತಿರುವ ತಕರಾರು ನನಗೆ ಒಪ್ಪಿಗೆಯಿಲ್ಲ.
ಸಭೆಯನ್ನು (ಎರಡನೇ ವಿಭಕ್ತಿ) ’ಕುರಿತು’ ಮಾತನಾಡುವುದು ಎಂಬ ಪ್ರಯೋಗ ಕನ್ನಡದ್ದೇ..ಯಾಕೆಂದರೆ ’ಕುರಿತು’ ಅಚ್ಚಗನ್ನಡದ ಒರೆಯೇ! ’ಕುರಿತು’ ಪದ ಎರಡನೇ ವಿಭಕ್ತಿಯ ಜೊತೆಯಲ್ಲೇ ಬಳಕೆಯಾಗುವುದು.

ಹಾಗಾಗಿ ಇಲ್ಲಿ ಸಂಸ್ಕೃತ ವ್ಯಾಕರಣದ ಹೇರಿಕೆ ನನಗೆ ಕಾಣಲಿಲ್ಲ.

ಹಾಂ; ಕನ್ನಡದಲ್ಲೂ ಇಂಗ್ಲಿಷ್ನಲ್ಲಿರುವ ಹಾಗೆ spoken ಹಾಗೂ formal ಎಂಬ ವಿಧಗಳಿವೆ ತಾನೆ? ಹಾಗೆ spoken ಕನ್ನಡದಲ್ಲಿ ’ಕುರಿತು” ಎಂಬ ಶಬ್ದದ ಉಪಯೋಗ ಅಷ್ಟಾಗಿ ಕಾಣುವುದಿಲ್ಲ. ಆದರೆ ಸಭೆ ಸಾಮಾನ್ಯವಾಗಿ ಒಂದು formal event ಆಗಿರುವುದರಿಂದ ಅದನ್ನು ಕುರಿತು ಎರಡು ಮಾತಾಡಿದರೆ ತಪ್ಪೇನಿಲ್ಲ. ಸಭೆಗೆ ಮಾತಾಡುವುದೇ ಅಷ್ಟೊಂದು ಸರಿಯಾಗಲಿಕ್ಕಿಲ್ಲ.