http://en.wikipedia.org/wiki/Kalabhras

ಕಳಭ್ರ ಅನ್ನೋ ಅರಸತನವಂತೆ, ಅವರು ಕನ್ನಡಿಗರಿರಬವುದಂತೆ, ಅವರು ತಮಿಳರ ಮೇಲೆ ಬಲು ಹಿಂದೇ, ನುಗ್ಗಿ ಅವರ ಸಂಗ ಕಬ್ಬವನ್ನೆಲ್ಲ ಹಾಳುಗೈದರಂತೆ! ಬುರುಡೇ ಪುರಾಣವಂತೆ .

ಇದರ ಬಗ್ಗೆ ಹೆಚ್ಚು ಆಸಕ್ತಿ ಇರುವವರು ಸ್ವಾಮಿ ಅವರ ತಮಿಳುತಲೆಗಳ ನಡುವೆ ಓದಬಹುದು.
ಈ ಎಲ್ಲ ಹುಚ್ಚ್ಗಾಟಕ್ಕೂ ಒಂದೋ ಎರಡೋ ಶಾಸನಗಳಲ್ಲಿರುವ ಕೆಲವು ಹೇಳಿಕೆಗಳೇ ಕಾರಣ. "ಕಳಪ್ಪಿರನೆಂಬನ್ ಕಲಿಯರಸನ್" ಎಂಬುದನ್ನು ನೀಲಕಂಠ ಶಾಸ್ರ್ತ್ರಿಅವರು ಕಳಭ್ರನೆಂಭ ಕೆಟ್ಟ ರಾಜ ಎಂದು ಅರ್ಥೈಸಿದ್ದರಿಂದಲೇ ಈ ವಾದಕ್ಕೆ ಪುಟ ಸಿಕ್ಕಿದ್ದು ಎಂದು ಸ್ವಾಮಿ ಅವರ ವಾದ.
ಕಲಿ ಎಂಬ ಪದಕ್ಕೆ, ಕನ್ನಡದಲ್ಲೂ ವೀರ ಎಂಬ ಅರ್ಥ ಇರುವುದನ್ನು ನಾವು ಗಮನಿಸಬೇಕು.

ದುರ್ವಿನೀತ ಗಂಗ ಕೆಲವು ಕಾಲ ಕೊಂಗುನಾಡು (ಈ ಪದವನ್ನು ತಮಾಷೆಗೆ ಅಥವಾ ಅಣಕವಾಡಲು ಹೇಳುತ್ತಿಲ್ಲ್ - ಕೊಂಗುನಾಡು ಎಂಬುದು ತಮಿಳುನಾಡಿನ ಒಂದು ಭಾಗ. ಸೇಲಂ, ಈರೋಡ್, ಧರ್ಮಪುರಿ ತಿರುಪ್ಪೂರ್ ಮೊದಲಾದ ಪ್ರದೇಶವನ್ನು ಒಳಗೊಳ್ಳುತ್ತೆ ಕೊಂಗುನಾಡು. ಆದ್ದರಿಂದ ಕೊಂಗ ಎಂದರೆ, ಈ ಭಾಗದಿಂದ ಬಂದ ತಮಿಳ ಎಂದಷ್ಯೇ ಅರ್ಥ.) ಪ್ರದೇಶವನ್ನು ಆಳಿದ್ದನೆಂದು ಆಧಾರ ಇದೆಯಂತೆ. ಇವನೇ ಈ ’ಕಳಭ್ರ’ನೆನ್ನುವ ಕಲಿಯರಸ ಇದ್ದಿರಬೇಕು ಎಂಬುದು ಸ್ವಾಮಿ ಅವರ ವಾದ. ಗಂಗರ ಲಾಂಛನವೂ ಕಳಭ್ರ = ಆನೆ, ಅನ್ನೋದನ್ನ ನಾವು ನೆನಸಿಕೊಳ್ಳಬಹುದು.

-ಹಂಸಾನಂದಿ