ಪ್ರತ್ಯೇಕ ರಾಜ್ಯದ ಬೇಡಿಕೆ ಹೊಸದೇನಲ್ಲ. ಇದು ಎಲ್ಲ ಕಡೆ ನಡೆಯುತ್ತಿದೆ. ಯಾವುದೇ ಒಂದು ಪ್ರಾಂತದ ಅಭಿವೃದ್ಧಿ, ಇತರೆ ಭಾಗಗಳಿಗೆ ಹೋಲಿಸಿದಾಗ, ಹಿಂದೆ ಉಳಿದರೆ ಈ ಬೇಡಿಕೆ ಬರುತ್ತದೆ. ಇದು ತುಳುನಾಡಿಗೆ ಮಾತ್ರ ಸೀಮಿತವಾಗಿಲ್ಲ. ಉತ್ತರ ಕರ್ನಾಟಕ, ಕೊಡಗು, ಭಾಗಗಳಿಂದಲೂ ಈ ಬೇಡಿಕೆ ಬಂದಿತ್ತು. ಈ ರೀತಿ ಕೆಲವು ಪ್ರಾಂತಗಳನ್ನು ಕಡೆಗಣಿಸುವುದು ನಮ್ಮ ರಾಜಕಾರಣಿಗಳ ಒಂದು ದೊಡ್ಡ ದುರಾಭ್ಯಾಸ. ಮುಖ್ಯವಾಗಿ ರಾಜ್ಯದ ಒಂದು ಮೂಲೆಯಲ್ಲಿರುವ ಬೆಂಗಳೂರನ್ನು ರಾಜಧಾನಿಯಾಗಿ ಮಾಡಿದ್ದೇ ದೊಡ್ಡ ತಪ್ಪು. ಕನ್ನಡದ ಮೇಲೆ ತಮಿಳಿನ ಅತಿಯಾದ ಹೇರಿಕೆಗೂ ಇದೇ ಕಾರಣ.

ತುಳು ಲಿಪಿಯಿಂದ ಮಲಯಾಳ ಲಿಪಿ ಹುಟ್ಟಿತು ಎಂದು ನಾನು ಹೇಳಿಲ್ಲ. ಮಲಯಾಳಂ ಲಿಪಿಗಿಂತ ತುಳು ಲಿಪಿ ಹಳೆಯದು ಎಂದು ಮಾತ್ರ ನಾನು ಹೇಳಿದ್ದು. ಅದೂ ನಾನು ಇತರರು ಹೇಳಿದ್ದನ್ನು ಪುನರುಚ್ಚರಿಸಿದ್ದು ಮಾತ್ರ. ದಕ್ಷಿಣ ಭಾರತದ ಭಾಷೆಗಳಲ್ಲಿ ಅತಿ ಹಳೆಯದು ತಮಿಳು. ಎಲ್ಲಕ್ಕಿಂತ ಕಡಿಮೆ ಪ್ರಾಯದ್ದು ಮಲಯಾಳಂ ಎಂದು ಭಾಷಾ ಸಂಶೋಧಕರು ಹೇಳಿರುವುದನ್ನು ಓದಿದ ನೆನಪು. ದಾಖಲೆಗಳನ್ನು ಕೇಳಬೇಡಿ. ಮಲಯಾಳಂ, ತುಳು ಲಿಪಿಗಳು ತಮಿಳಿನಿಂದ ಕವಲೊಡೆದು ಬಂದಿದ್ದರೆ ಅದರಲ್ಲಿ ಆಶ್ಚರ್ಯವಿಲ್ಲ.

ಸಿಗೋಣ,
ಪವನಜ
-----------
Think globally, Act locally