ಸುನೀಲರೆ,
ನಿಮ್ಮ ಒಳ್ಳೆ ಮಾತುಗಳಿಗೆ ವಂದನೆಗಳು.
ನೀವು ಹೇಳಿದ ರಂಗಪ್ರಯೋಗ ಕುತೂಹಲಕಾರಿಯಾದ್ದು. ಬೆಂಗಳೂರಿನಲ್ಲಿ ತುಂಬಾ ಹಿಂದೊಮ್ಮೆ ನಾನೊಂದು ಅಂಥದೇ ಫ್ರೆಂಚ್ ಪ್ರಯೋಗ ನೋಡಿದ್ದೆ. ಹೆಸರು ನೆನಪಿಲ್ಲ. ಒಂದು ಮರಳುಗಾಡನ್ನು ದಾಟುವ ಪ್ರತಿಮೆಗಳು. ಅದರಲ್ಲಿ ಕತೆಯೆಂಬುದೂ ಇರಲಿಲ್ಲ. ಪ್ರತಿಮೆಗಳ ಸರಪಳಿ ಅನ್ನಬಹುದು. ಅಂಥ ಪ್ರಯೋಗಗಳಿಗೆ ಸೋಲು-ಗೆಲುವು ಎಂಬುದು ಇರುವುದಿಲ್ಲ!

ನಿಮಗೆ ನಿಗೂಢವೆನಿಸುವ ನನ್ನ ಬರಹಗಳು ಒಂದು ನಿರ್ದಿಷ್ಟ ಪ್ರತಿಕ್ರಿಯೆಯಾಗಿ ಶುರುವಾಗಿ ಪ್ರಶ್ನಿಸುತ್ತಾ ಹೋಗಿ ಈ ರೂಪ ತಳೆಯುವುದು ನನಗೂ ಸೋಜಿಗವೆ. ಅದರಲ್ಲೂ ಬೇರೆಯವರನ್ನು ಕೇಳುವ ಪ್ರಶ್ನೆಗಿಂತ ನನಗೆ ನಾನೇ ಕೇಳಿಕೊಂಡ ಪ್ರಶ್ನೆಗಳು ಹೆಚ್ಚು ಪ್ರಾಮಾಣಿಕ ಪ್ರಶ್ನೆಗಳಾಗಿರುತ್ತವೆ. ಓದಿದವರಲ್ಲೂ ಕೆಲವು ಪ್ರಶ್ನೆಗಳನ್ನು ಹುಟ್ಟಿಸಿದರೆ ಖುಷಿಗೊಳ್ಳುತ್ತೇನೆ.

ಅಂದ ಹಾಗೆ, ಮುಂಗಾರು ಮಳೆ ನಾನು ನೋಡಿಲ್ಲ. ಸಿಡ್ನಿಯಲ್ಲಿ ಜೂನ್ ತಿಂಗಳಲ್ಲಿ ತೋರಿಸುತ್ತಾರಂತೆ. ಆಗುತ್ತದಾ ನೋಡಬೇಕು. ಅದರಲ್ಲೂ ಇಂಥದೇ ಮಾತಿರುವುದು ಕೇಳಿ ಅರೆ ಅನಿಸಿತು!