ಮಹೇಶ್ ಇವತ್ತು ಇಲ್ಲಿ ಮಂಗಳೂರಿನಲ್ಲಿ ಮಾಧ್ಯಮಗಳು ಮತ್ತು ಕೋಮುವಾದ ಅಂತ ಸೆಮಿನಾರ್ ನಡೆಯುತ್ತಿದೆ. ಎರಡು ದಿನ. ಕರ್ನಾಟಕದ ಉದ್ದಗಲದಿಂದ ಸುಮಾರು ಇನ್ನೂರು ಮಂದಿ ಪತ್ರಕರ್ತರು ಬಂದಿದ್ದಾರೆ. ಅವರನ್ನೆಲ್ಲ ನೋಡಿದರೆ ಎಷ್ಟು ಖುಶಿಯಾಗುತ್ತೆ ಅಂತೀರ! ಅವರಿಗೆ ಇದು ಒಂದು ಕಡೆ ಹೊಟ್ಟೆಪಾಡು, ಇನ್ನೊಂದು ಕಡೆ ಆದರ್ಶ. ಇವರೆಲ್ಲ ಇಲ್ಲಿ ಗೌರಿ ಲಂಕೇಶ್, ಸಂಕರ್ಷಣ ಠಾಕೂರ್ (ತೆಹಲ್ಕ), ಜಿ. ರಾಜಶೇಖರ್, ಅಚಿನ್ ವನಾಯಕ, ಪಟ್ಟಾಭಿರಾಮ ಸೋಮಯಾಜಿ, ಪಮೇಲಾ ಫಿಲಿಪೋಸ್, ರಾಜಾರಾಮ್ ತೋಳ್ಪಾಡಿ, ಭಾನುತೇಜ್, ಇಸ್ಮಾಯಿಲ್, ಸನತ್ ಕುಮಾರ್ ಬೆಳಗಲಿ ಎಲ್ಲರ ಮಾತುಗಳನ್ನು ಕೇಳುತ್ತ ಜೀರ್ಣಮಾಡಿಕೊಳ್ಳುತ್ತಿರುವಾಗ ನನಗೆ ನಿಮ್ಮದೇ ನೆನಪು. ಜಾತಿ, ಧರ್ಮ ಅವುಗಳ ಪರಿಕಲ್ಪನೆ, ಕೋಮುವಾದ, ಮಾಧ್ಯಮಗಳು.....ಎಲ್ಲದರ ಬಗ್ಗೆ ಸುದೀರ್ಘವಾಗಿ ಬರೆಯಲು ಪ್ರಯತ್ನಿಸುತ್ತೇನೆ. ನಾಳೆಯೂ ಸೆಮಿನಾರು ಇದೆ. ಎಲ್ಲ ತುಂಬ ಚೆನ್ನಾಗಿ ನಡೆಯುತ್ತಿದೆ. ನೀವೂ ಎಲ್ಲ ಇರಬೇಕಿತ್ತು ಅನಿಸುತ್ತಿದೆ....