ಅಚಿನ್ ವನಾಯಕ್ ಅವರ ವಿಚಾರಧಾರೆಗಳನ್ನು ಸಮಗ್ರವಾಗಿ, ಚೆನ್ನಾಗಿ ಚಿತ್ರಿಸಿದ್ದೀರ. ಬರಹ ದೊಡ್ಡದಿದ್ದರೂ ಚೆನ್ನಾಗಿ ಓದಿಸಿಕೊಂಡು ಹೋಯಿತು, ಧನ್ಯವಾದಗಳು. ಮಂಗಳೂರಿನ ಈ ಸಭೆಯ ಸುದ್ದಿ ಇನ್ನು ಮೇಲೆ ಹಲವು ದಿನ ನಮ್ಮಲ್ಲಿ ಚರ್ಚೆಯಾಗಲಿಕ್ಕುಂಟು, ಈ ಮಾತುಕತೆಯನ್ನು ನೀವೆ ಶುರುಮಾಡಿದ್ದು ಒಳ್ಳೆಯದಾಯಿತು.

ಈ ಮಾತು ತೀರಾ ವಿವಾದಾಸ್ಪದವಾದರೂ ನಾನು ಇದಕ್ಕೆ ಒಪ್ಪುತ್ತೇನೆ. ಆದರೆ,

ಇದನ್ನು ಇಷ್ಟು ಸುಲಭವಾಗಿ ಒಪ್ಪಲು ನನ್ನ ಹಿಂದು ಮನಸ್ಸು ಹಿಂಜರಿಯುತ್ತಿದೆ. ಈ ಮಾರ್ಗವು ಕಷ್ಟಸಾಧ್ಯ, ಆದರೆ ಅಸಾಧ್ಯವಲ್ಲ ಅಂತ ನನ್ನ ಅನಿಸಿಕೆ. ಅದೃಷ್ಟವಶಾತ್ ಹಿಂದುಗಳಲ್ಲಿ ಕೆಲವರಾದರೂ ಬದಲಾಗಿದ್ದಾರೆ, ದೈನಂದಿಕ ಜೀವನದಲ್ಲಿ ಸಮಾನತೆಯನ್ನು ಕಂಡುಕೊಂಡಿದ್ದಾರೆ. ಇದನ್ನು ಈ ೪೦ - ೫೦ ವರ್ಷದಲ್ಲಿ ಸಾಧಿಸಿರುವುದೇ ಹಿಂದುತ್ವದಲ್ಲಿ ಸಮಾನತೆಯನ್ನು ಸಾಧಿಸುವ ಹಂಬಲವಿದೆ ಎನ್ನುವುದಕ್ಕೆ ಸಾಕ್ಷಿ.

ಇತಿಹಾಸವನ್ನು ಎಲ್ಲರೂ ತಮ್ಮ ತಮ್ಮ ಅನುಕೂಲಕ್ಕೆ ಬಳಸಿಕೊಂಡಿದ್ದಾರೆ. ಕೇವಲ ಬಲಪಂಥೀಯರ ಮೇಲೆ ಕೈಮಾಡಿ ತೋರಿಸುವುದು ಕೋಮುಸೌಹಾರ್ದತೆಗೆ ಸಹಕಾರಿಯಲ್ಲ ಎಂದು ನನ್ನ ಅನಿಸಿಕೆ. ಈಗಾಗಲೆ ಕರ್ನಾಟಕದಲ್ಲಿ ಹೊತ್ತಿ ಉರಿಯುತ್ತಿರುವ ಈ ವಿಷಯಕ್ಕೆ ಅಚಿನ್ ತುಪ್ಪ ಸುರಿಯುವುದು ಬೇಡಿತ್ತು.

ಕೊನೆಯದಾಗಿ,

ಅಮೇರಿಕನ್ ರಾಷ್ಟ್ರೀಯತೆ ಬೆಳೆಯಲು ಅಲ್ಲಿಯ ಸಮಾಜ ಆರೋಗ್ಯಕರವಾಗಿದೆ ಎಂದರೆ ನನ್ನನ್ನೂ ಸೇರಿ ಹಲವು ಜನ ಒಪ್ಪದೇ ಇರಬಹುದು. ಸಮಾಜದಲ್ಲಿ ಸಂಸ್ಕೃತಿಯಷ್ಟೇ ಮುಖ್ಯವಾದ ಹಲವು ವಿಷಯಗಳು ರಾಷ್ಟ್ರೀಯತೆಯನ್ನು ರೂಪಿಸುತ್ತವೆ, ಹಾಗು ಅಮೇರಿಕ ವಿಷಯದಲ್ಲಿ ಈ ಎಲ್ಲಾ (ಸಂಸ್ಕೃತಿಯನ್ನೂ ಸೇರಿ, ಆರ್ಥಿಕ, ರೇಸ್, ಕ್ಲಾಸ್, ಇತಿಹಾಸ ಮತ್ತಿತರ) ವಿಷಯಗಳು ಆರೋಗ್ಯಕರ ಸಮಾಜವನ್ನು ಸೃಷ್ಟಿಸಲು ಸಹಾಯಕಾರಿಯಾಗಿಲ್ಲ. ಜೊತೆಗೆ ಅಮೇರಿಕನ್ ರಾಷ್ಟ್ರೀಯತೆ ಇಡೀ ಜಗತ್ತಿಗೆಷ್ಟು ಮುಳುವಾಗಿದೆ ಎಂಬುದನ್ನು ಹೊಸದಾಗಿ ಹೇಳಬೇಕಾಗಿಲ್ಲವಲ್ಲ!ಆದರೆ, ಅಮೇರಿಕನ್ ಸಮಾಜವನ್ನು ಎಡಪಂಥೀಯರೊಬ್ಬರು ಆರೋಗ್ಯಕರವಾಗಿದೆ ಎಂದು ಬಣ್ಣಿಸಿರುವುದು ಆಶ್ಚರ್ಯಕರವೇ!

ಒಟ್ಟಿನಲ್ಲಿ, ನೀವು ಬಹಳ ಶ್ರಮ ತೆಗೆದುಕೊಂಡು ಎಡಪಂಥೀಯರೊಬ್ಬರ ವಿಚಾರಧಾರೆಯನ್ನು ಚೆನ್ನಾಗಿಯೇ ಕೊಟ್ಟಿದ್ದೀರಿ, ನಿಮ್ಮ ಅನಿಸಿಕೆಗಳ ಬಗ್ಗೆ ನನಗೆ ಹೆಚ್ಚಿನ ಕುತೂಹಲವಿದೆ. ಖಂಡಿತ ಅದನ್ನು ಸಂಪದದಲ್ಲಿ ಪ್ರಕಟಿಸಿ.
--

ಇರುವುದೆಲ್ಲವ ಬಿಟ್ಟು, ಇರದುದದೆಡೆಗೆ ತುಡಿವುದೇ ಜೀವನ