ಶ್ಯಾಮ್,
ಅಚಿನ್ ಹೇಳಿದ್ದನ್ನೆಲ್ಲ ಮುಖಬೆಲೆಗೆ ಒಪ್ಪುವುದಂತೂ ಖಂಡಿತ ನನ್ನ ಉದ್ದೇಶವಲ್ಲ. ಮತ್ತು ನನಗೆ ಈ ಎಡ ಬಲದ ಹಂಗಿಲ್ಲ, ಅಂಥ ಯಾವುದೇ ವಿಚಾರಧಾರೆಯ ಭಕ್ತನೂ ನಾನಲ್ಲ. ನಾನು ಮಾರ್ಕ್ಸ್ ಓದಿದವನಲ್ಲ. ಈ ದೃಷ್ಟಿಯಿಂದ ದಯವಿಟ್ಟು ನನ್ನನ್ನು ನೋಡಬೇಡಿ.

ಏನನ್ನೇ ಆದರೂ ನಿಮ್ಮಂತೆ ವಾದಿಸುವುದು, ಮಥಿಸುವುದು ಅಗತ್ಯ. ಕೊನೆಗೂ ವಿಚಾರಗಳೇನೂ ಮೇಲಿಂದ ಧುಮುಕುವುದಿಲ್ಲ, ಅನುಭವದಿಂದ, ತಿಳಿಯಾದ ಮನದ ಗ್ರಹಿಕೆಯಿಂದ ಮತ್ತು ಮಂಥನದಿಂದ ಅವು ಸ್ಪಷ್ಟವಾಗಬೇಕಷ್ಟೇ. ನೀವು ಆ ಹಾದಿಯನ್ನು ತೋರಿಸಿದ್ದೀರಿ. ನಿಮಗೆ ವಂದನೆಗಳು.

ಗಾಂಧಿ ದೇಶದ ಒಗ್ಗಟ್ಟು, ಸಮಾನತೆಯನ್ನು ಸ್ವಾತಂತ್ರ್ಯ ಹೋರಾಟಕ್ಕೆ ಬಳಸಿಕೊಂಡ ರೀತಿಯಲ್ಲಿ ಹಿಂದೂ ಧರ್ಮದಲ್ಲೂ ಎಲ್ಲರನ್ನೂ ಬೆಸೆಯಬಲ್ಲ ಸಮಾನ ಅಂಶ ಇತ್ತು ಎಂಬುದಕ್ಕೆ ಪುರಾವೆ ಸಿಗುತ್ತದೆ. ಆದರೆ ಗಾಂಧಿ ಅದನ್ನು ಸಾಧಿಸುವಾಗಲೂ ಅಸ್ಪೃಶ್ಯತಾ ನಿವಾರಣೆಯ ಪ್ರಯತ್ನ ಬಿಡಲಿಲ್ಲ ಅಲ್ಲವೆ? ಅಂಬೇಡ್ಕರ್ ಗಾಂಧಿ ವಿಧಾನವನ್ನು ಒಪ್ಪಲಿಲ್ಲ, ನಿಜ. ಆದರೂ ಗಾಂಧಿ ಸ್ವಾತಂತ್ರ್ಯ ಹೋರಾಟಕ್ಕೆ ಬೆಂಬಲ ಕಡಿಮೆಯಾದೀತೆಂದು ತಮ್ಮ ಇತರ ಜಾತಿನಾಶ ಕಾರ್ಯಕ್ರಮಗಳಿಂದ ಹಿಂದೆ ಸರಿಯಲಿಲ್ಲ. ಯಾಕೆಂದರೆ ಗಾಂಧಿಗೆ ರಾಜಕೀಯ ಉದ್ದೇಶಗಳಿರಲಿಲ್ಲ. ಉದ್ದೇಶದಲ್ಲಿ ಸ್ವಾರ್ಥವಿದ್ದಾಗ ಜನರನ್ನು ಬೆಸೆಯುವುದು ಕಷ್ಟ. ಆರ್.ಎಸ್.ಎಸ್. ಆಯ್ದುಕೊಂಡ ಮಾರ್ಗದ ಬಗ್ಗೆ ಯೋಚಿಸುವಾಗ, ಗೋಳ್ವಾಲ್ಕರ್ ಬರೆದ ಪುಸ್ತಕದ ಹಿನ್ನೆಲೆಯಲ್ಲಿ ಇದನ್ನು ನೋಡಬೇಕೆನಿಸುತ್ತದೆ.

ಅಮೆರಿಕನ್ ರಾಷ್ಟ್ರೀಯತೆಯ ಬಗ್ಗೆ ನೀವು ಬರೆದಿರುವುದು ಹೆಚ್ಚು ಸರಿಯಾಗಿದೆ. ಅದು ನಿಜ.

ಚರ್ಚೆಗೆ ಉತ್ತಮ ಗುಣಮಟ್ಟದ ನಾಂದಿ ಹಾಕಿದ್ದೀರಿ, ಕೊನೆತನಕ ಅದು ಉಳಿಯಲಿ ಎಂದು ಬಯಸುತ್ತೇನೆ. ಪ್ರತಿಕ್ರಿಯೆಗಾಗಿ ಧನ್ಯವಾದಗಳು.