ಇದನ್ನು ನಾನು ಒಪ್ಪುತ್ತೇನೆ.
ಆದರೆ ನಮ್ಮಿಬ್ಬರ ಸಮಸ್ಯೆಯಿರುವುದು ಅವರ ಭಾಷಣದ ಒಂದೇ ಒಂದು ತುಣುಕಿನಲ್ಲಿ ಅಂತ ಅನ್ಕಂಡಿರುವೆ.
೧. ಕೋಮು ಸೌಹಾರ್ದ್ಯದ ಬಗ್ಗೆ ಮಾತನ್ನಾಡುವ ರಾಜಕೀಯ ಪಕ್ಷಗಳು, ಬಿ.ಜೆ.ಪಿ ಮತ್ತು ಕಂ. ಯ ವಿರುದ್ಧ ಮಾತನ್ನಾಡಿದ್ದಾರೆ. ಸರಿ. ಇನ್ನೂ ಒಂದು ಹೆಚ್ಚೆ ಮುಂದೆ ಹೋಗಿ, ಈ ಸಂಘಟನೆಗಳ ಜೊತೆಗೆ ಹಿಂದುತ್ವವನ್ನೂ ಜರೆದಿದ್ದಾರೆ (ಇದನ್ನು ಮೇಲೆ ಹೇಳಿದಂತ ಅಚಿನ್ ಕೂಡ ಮಾಡಿದರು). ಇಂದಿನ ಐಕ್ಯತೆಗಾಗಲೀ ಸೌಹಾರ್ದ್ಯಕ್ಕಾಗಲೀ ಒಂದು ಧರ್ಮವನ್ನು ಜರೆಯದೇ ಬೇರೆ ದಾರಿಯೇ ಇಲ್ಲವೇ... ಇವರು ಸಾಧಿಸಲು ಹೊರಟಿರುವುದು ಸೌಹಾರ್ದ್ಯವೋ ಸಾಮಾಜಿಕ ನ್ಯಾಯವೋ? (ಎರಡೂ ವಿಭಿನ್ನ ಗುರಿಗಳು ತಾನೆ, ಸಾಮಾಜಿಕ ನ್ಯಾಯಕ್ಕೆ ಸೌಹಾರ್ದ್ಯವನ್ನು ಸೃಷ್ಟಿಸುವ ಹಂಗಿಲ್ಲವೆಂದು ನಂಬಿದ್ದೇನೆ. ಅದರಲ್ಲಿ ನ್ಯಾಯವಾದರೆ ಸಾಕು)

ಹೀಗೆ ಸೌಹಾರ್ದತೆಯ ಸಾಧನೆಗೂ ಹಿಂದುತ್ವವನ್ನು ನಿಂದಿಸಿಯೇ ಮುಂದೆ ಹೋಗುವುದು ಇವರು ಮಾಡುತ್ತಿರುವ ವಿಭಜನೆ, ಎಂದು ನನ್ನ ಅನಿಸಿಕೆ.

ಇನ್ನು, ಐಕ್ಯತೆ ಮತ್ತು ಸೌಹಾರ್ದ್ಯ, ಇವೆರೆಡೂ ಒಂದೆಯೇ/ಬೇರೆಯೇ, ಅವುಗಳಲ್ಲಿ ಯಾವುದು ಮುಖ್ಯ, ಐಕ್ಯತೆಯನ್ನು ಗಳಿಸಲು ಪ್ರಯತ್ನಿಸಬೇಕೇ ಬೇಡವೇ.. ಇವುಗಳ ಬಗ್ಗೆ ನಾನಿನ್ನೂ ಯೋಚಿಸಿಲ್ಲ, ಇವು ನಮ್ಮನ್ನು ಬೇರೆಡೆಗೆ ಕರೆದೊಯ್ಯಬಹುದು.

--

ಇರುವುದೆಲ್ಲವ ಬಿಟ್ಟು, ಇರದುದದೆಡೆಗೆ ತುಡಿವುದೇ ಜೀವನ