ಅನಿವಾಸಿಗಳೇ,

ರಾಜಕೀಯ ನಿಲುವುಗಳ ಬಗ್ಗೆಯ ನಿಮ್ಮ ಮಾತುಗಳನ್ನು ನಾನಿನ್ನು ಅರ್ಥೈಸಿಕೊಳ್ಳುತ್ತಿದ್ದೇನೆ. ಅದರ ಬಗ್ಗೆ ನನಗಿನ್ನೂ ಏನು ಹೊಳೆದಿಲ್ಲ.

ಅಮೇರಿಕದ ಬಗ್ಗೆ ಅಚಿನ್ ಹೇಳಿದ ಮಾತುಗಳು ನೇರವಾಗಿ ಅಮೇರಿಕ ದೇಶದ ರಾಷ್ಟ್ರೀಯತೆಯನ್ನು ಜಾಗತಿಕ ಸಂದರ್ಭದಲ್ಲಿ ನೋಡಿದ್ದಲ್ಲ ಎಂಬುದು ನಿಜವೇ. ಆದರೂ ಅದನ್ನು ನಾನು ಪ್ರಸ್ತಾಪಿಸಿದ್ದು (ಜಗ್ಗಿದ್ದು if you will ) ಗೆ ಎರಡು ಕಾರಣವಿದೆ.
ಒಂದು. ಬಾಯಿ ಚಪಲ, ಇದು ನನ್ನ ಪೂರ್ವೋದ್ದೇಶ.
ಭಾರತದಂತಹ ದೇಶದ ರಾಷ್ಟ್ರೀಯತೆಯ ಬಗ್ಗೆ ಮಾತನ್ನಾಡುವಾಗ ಅದಕ್ಕೆ ತೀರ ವಿಭಿನ್ನವಾಗಿರುವ ಅಮೇರಿಕದ ವಿಷಯವು ಅಷ್ಟು ಪ್ರಸ್ತುತವಲ್ಲ ಎಂದು ಭಾವಿಸಿ, ಅದರ ಬಗ್ಗೆ ಹಗೂರವಾಗಿ ಮಾತನ್ನಾಡಿದರೆ ಹೆಚ್ಚು ತಪ್ಪಾಗಲಾರದು ಎಂದು ಹೀಗೆ ಹೇಳಿದೆ. ಇದನ್ನು ಬೇಕಿದ್ದರೆ ಕಡೆಗಣಿಸಬಹುದು.
ಎರಡು:

"ಒಳ್ಳಗೊಳ್ಳುವ ರಾಷ್ಟ್ರೀಯತೆ"ಯನ್ನು ಆಶಯವನ್ನಾಗಿ ಇಟ್ಟುಕೊಳ್ಳದೇ ಇರಲು ಸಾಧ್ಯವೇ?

"ಒಳಗೊಳ್ಳುವ ರಾಷ್ಟ್ರೀಯತೆಯ ಒಂದು ಆರೋಗ್ಯಕರ ಸಮಾಜವಿದೆ". ಅದನ್ನು "ಒಳಗೊಳ್ಳುವ ರಾಷ್ಟ್ರೀಯತೆ" "ಆರೋಗ್ಯಕರ ಸಮಾಜದ" ಒಂದು ಅಂಗ ಎಂದು ಮಾತ್ರ ನಾನು ಅರ್ಥೈಸಿಕೊಂಡದ್ದು. ರಾಷ್ಟ್ರೀಯತೆಯನ್ನು ಅದು ರೂಪಿಸುತ್ತದೆ ಎಂಬ ತದ್ವಿರುದ್ಧ ಅರ್ಥದಲ್ಲಿ ಅಲ್ಲ.

ನನ್ನನ್ನು ನಂಬಿ , ನಾನು ಈ ವಿಷಯಗಳ ಬಗ್ಗೆ ಇಷ್ಟು clear ಆಗಲ್ಲದಿದ್ದರೂ, ಸ್ಥೂಲವಾಗಾದರೂ ಯೋಚಿಸಿದ್ದೇನೆ. ಅಮೇರಿಕ ದೇಶದಲ್ಲಿ ಒಳಗೊಳ್ಳುವ ರಾಷ್ಟ್ರೀಯತೆಯ ಆಶಯ ಇದೆಯೋ ಇಲ್ಲವೋ ಕಾಣೆ. ಆಶಯ ಒಳ್ಳೆಯದೇ.

ಆದರೆ ಈಗಾಗಲೇ ತಮ್ಮನ್ನೇ ತಾವು ಅಮೇರಿಕನ್ ಎಂದು ತಿಳಿದಿರುವ ಜನರು, ಅವರ "ಬರಮಾಡಿಕೊಳ್ಳುವ" ತವಕ ಹಾಗು ಅವರ ಗುಲಾಮರಾಗಿದ್ದವರು (ಆಫ್ರಿಕನ್, ಚೀನಿ) ಮತ್ತು ಹೊಸದಾಗಿ ವಲಸೆ ಬಂದ/ಬರುತ್ತಿರುವ ಜನರ "ಒಳಗೊಳ್ಳುವ" ಭಾವನೆಗಳು: ಇವೆರಡೂ ರಾಷ್ಟ್ರೀಯತೆ ಎಂಬ ಪದದ ಅರ್ಥಕ್ಕೆ ಹತ್ತಿರವಲ್ಲ ಎಂದು ನನಗೆ ಅನ್ನಿಸಿದ್ದಿದೆ.

ಈ "ಒಳಗೊಳ್ಳುವ" ವಿಷಯದ ಚಲನೆಗಳನ್ನು ಸಾಂಸ್ಕೃತಿಕ ಅಧ್ಯಯನಗಳಲ್ಲಿ ವಿಶದವಾಗಿ ದಾಖಲಿಸಲಾಗಿದ್ದರೂ, ವಲಸೆಗಾರರಲ್ಲಿ ಇರುವ ರಾಷ್ಟ್ರೀಯತೆಯ ಭಾವನೆ ಕೆಲವೊಮ್ಮೆ ನಿಜವಾಗಿದ್ದರೂ, ಅಮೇರಿಕನ್ನರೇ ತಮ್ಮ ಸಮಾಜ ಈ ಒಳಗೊಳ್ಳುವ ಪಥದಲ್ಲಿ ಎಷ್ಟು ಮುಂದೆ ಸಾಗಿದೆ ಎಂಬುದನ್ನು ಇನ್ನೂ ಕಂಡುಕೊಂಡಂತಿಲ್ಲ.

ಇದು ಈ ದೇಶದ collective conscious ಬಗ್ಗೆ ನನ್ನ ಅನಿಸಿಕೆಯಾದರೆ, ನನಗಾದ ಆ ದೇಶದ ಅನುಭವ ತೀರ ವಿಭಿನ್ನವಾದದ್ದು. ಅಮೇರಿಕದಲ್ಲಿರುವ ಕ್ಲಾಸ್ ವಿಭಜನೆ, ಈ ಕ್ಲಾಸ್ ಗಳಿಗನುಗುಣವಾಗಿ ಆಯ ಜನರ "ಒಳಗೊಳ್ಳುವ"ಭಾವನೆಗಳು, ರಾಷ್ಟ್ರೀಯತೆಯ ಭಾವನೆಗಳು ತೀರಾ ವಿಭಿನ್ನವಾಗಿರುವುದನ್ನು ಗಮನಿಸಿದ್ದೇನೆ.

ಇವೆಲ್ಲವನ್ನು, ಇದರ ಜೊತೆಗೆ ಭಾರತದ ಇಂದಿನ ಸಂದರ್ಭವನ್ನು ಗಮನಿಸಿದಾಗ ಈ ವಿಷಯದಲ್ಲಿ ಅಮೇರಿಕನ್ ಹೋಲಿಕೆ ಸಮಂಜಸವಲ್ಲ ಎಂದು ಅನಿಸಿತು.

(ಅಮೇರಿಕದಲ್ಲಿ ಪ್ರಸಿದ್ಧವಾಗಿರುವ 30 days ಎಂಬ ಸಾಕ್ಷಚಿತ್ರವನ್ನು, ಇತ್ತೀಚೆಗೆ ಬಂದ ಸಾಚಾ ಬ್ಯಾರೆನ್ ಕೋಹೆನ್ ಅವರ ಚಿತ್ರ ಬೋರಾಟ್ ಚಿತ್ರ, ಹಾಗು ಅಲಿ.ಜಿ ಪಾತ್ರಗಳು ಇವುಗಳನ್ನು ಸಾಧ್ಯವಾದರೆ ನೋಡಿ)

--

ಇರುವುದೆಲ್ಲವ ಬಿಟ್ಟು, ಇರದುದದೆಡೆಗೆ ತುಡಿವುದೇ ಜೀವನ