ಅಯ್ಯೋ, ನೀವು ದೂರ ಹೋದ್ರಿ! 'ಸಂಪದ'ದಲ್ಲೇ ಕನ್ನಡದಲ್ಲಿ ಬರೆಯುವುದು ಕಡಿಮೆಯಾಗಿ ಹೋಗಿದೆ. ಇನ್ನು ಅವರವರ ಬ್ಲಾಗುಗಳಲ್ಲಿ ಕನ್ನಡವನ್ನುಪಯೊಗಿಸ್ತಾರಾ?

ಬ್ಲಾಗಿನಲ್ಲಿ ಕನ್ನಡ ಉಪಯೋಗಿಸಿದರೆ ಕೆಲವರಿಗೆ ಪ್ರೆಸ್ಟೀಜು ಕಡಿಮೆಯಾಗುತ್ತದೆ. ಕೆಲವರಿಗೆ ತಮ್ಮ ಬ್ಲಾಗುಗಳನ್ನೋದುವ ಕನ್ನಡದವರಲ್ಲದ ಸ್ನೇಹಿತರಿಗೆ (ಬರೆದಿರುವುದರ ಬಗ್ಗೆಯೂ, ಯೂನಿಕೋಡ್ ಬಗ್ಗೆಯೂ) explanation ಕೊಡಬೇಕಾಗಿ ಬರುತ್ತದಾದ್ದರಿಂದ ಕನ್ನಡದಲ್ಲಿ ಬರೆಯುವ ಗೋಜಿಗೇ ಹೋಗುವುದಿಲ್ಲ. ನನ್ನ ಕಾಲೇಜು ಸಮಯದ ಸ್ನೇಹಿತರಲ್ಲೇ ಹಲವರು ಕನ್ನಡ ಪುಸ್ತಕಗಳನ್ನು ಓದುತ್ತಾರೆ (ಹಾಗಿರುವುದೇ ಸ್ವಲ್ಪ ರೇರ್ ಆಗಿದೆ). ಅವರಲ್ಲಿ ಹಲವರಿಗೆ 'ಸಂಪದ'ದ ಬಗ್ಗೆ ಗೊತ್ತು. ಕೆಲವರು 'ಸಂಪದ'ವನ್ನು ಓದುತ್ತಲೂ ಇರಬಹುದು. ಆದರೆ ಯಾರೂ ಇಲ್ಲಿ ಬರೆಯುತ್ತಿಲ್ಲ. ಮತ್ತೆ ಮತ್ತೆ ಹೇಳಲು ನನಗೂ ಬೇಜಾರು. ಉತ್ಸಾಹ ಇದ್ದೋರು ಬರೀಲಿ, force ಯಾಕೆ ಅಂತಂದ್ಕೊಂಡು ನಾನೂ ಸುಮ್ಮನಾಗಿಬಿಟ್ಟಿದ್ದೇನೆ.

ಇದೇ ರೀತಿಯ ತಾಣವನ್ನು ನಾನು ತಮಿಳಿಗೆ ಮಾಡಿದ್ದಿದ್ದರೆ ಕಥೆಯೇ ಬೇರೆಯಾಗಿರುತ್ತಿತ್ತು.

--
http://hpnadig.net/blog
http://kn.wikipedia.org

"ಹೊಸ ಚಿಗುರು, ಹಳೆ ಬೇರು"