'ಸಂಪದ'ದಂತಹ ತಾಣವನ್ನು ತಮಿಳಿಗೆ ಮಾಡಿದ್ದರೆ ಕಥೆಯೇ ಬೇರೆಯಾಗುತ್ತಿತ್ತು, ಎನ್ನುವ ತಮ್ಮ ಮಾತು ನಿಜವೇ ಆದರೂ, ಕೆಲವೊಂದು ವಿಷಯಗಳಲ್ಲಿ ನಾವು ಹಿಂದಿದ್ದೇವೆ ಅನಿಸುತ್ತದೆ. ನನ್ನ ಅರಿವಿನಂತೆ, ಕನ್ನಡವನ್ನು ಹೆಮ್ಮೆಯಿಂದ ಬಳಸುವ ಯುವಜನತೆ ಸಾಕಷ್ಟು ಇದ್ದಾರೆ. ಲೇಖನ/ಸಾಹಿತ್ಯ... ಹೀಗೆ ಕನ್ನಡವನ್ನು ಕೇವಲ ಈ ಕ್ಷೇತ್ರಗಳಲ್ಲಷ್ಟೇ ಮೀಸಲಿಡದೆ, ಯುವಜನತೆಯ ದಿನಬಳಕೆಯ ವಿಷಯಗಳಲ್ಲಿ ಕನ್ನಡವನ್ನು ಸೂಕ್ಷ್ಮವಾಗಿ ನಿಲ್ಲಿಸಬೇಕು. ತಮಿಳಿನಲ್ಲಿ ಇಂತಹ ಉದಾಹರಣೆ ಎಂದರೆ, "ಗಾನಾ" ಮಾದರಿ. ಇದರಲ್ಲಿ ಕಾಣುವುದೇನೆಂದರೆ, ಜಾಹಿರಾತಿನಲ್ಲಿ ಹಾಡುಗಳು ಬಹುಶಃ ತಮಿಳಿನಲ್ಲೇ ಇದ್ದು, ಮಧ್ಯೆ ಆಂಗ್ಲಭಾಷೆಯ Punchline ಗಳನ್ನು ಸೇರಿಸುವುದು... ಹೀಗೆ ಬೇರೆ ಬೇರೆ ನಿಟ್ಟಿನಲ್ಲಿ ಯುವಜನತೆಯನ್ನು ಭಾಷೆಯತ್ತ ಸೆಳೆಯುವ ಸಫಲ ಕೆಲಸಗಳನ್ನು ಮಾಡಲಾಗಿದೆ. ನೋಡುವುದಕ್ಕೆ/ಕೇಳುವುದಕ್ಕೆ ಮೊದಲಿಗೆ ಅಸಂಬದ್ಧವೆನಿಸಿದರೂ, ಭಾಷಾಪ್ರೇಮವನ್ನು ಬೆಳೆಸುವುದಕ್ಕೆ ಒಂದು ಸಾಧನವಾಗಿದೆ.

ಹಾಗೆಯೇ ಕನ್ನಡವನ್ನು ಅಂತರ್ಜಾಲದಲ್ಲಿ ಸುಲಭವಾಗಿ ಬರೆಯುವ ಸಾಧನಗಳ ಅವಶ್ಯಕತೆಯೂ ಸಾಕಷ್ಟಿದೆ. ಇವೆಲ್ಲ ಏನೇ ಆದರೂ ನಾವು ನೀವುಗಳಂತೂ ಕನ್ನಡವನ್ನು ಬಿಡದೆ ಬಳಸೋಣ... ಹನಿ ಹನಿಗೂಡಲಿ, ಅಂತರ್ಜಾಲದಲ್ಲಿ ಕನ್ನಡ:-)

ವಂದನೆಗಳೊಂದಿಗೆ,
ರವಿಶಂಕರ