ಪವನಜ ಅವರಿಗೆ ನಮಸ್ಕಾರಗಳು.

ಥಟ್ ಅಂತ ಹೇಳಿ ಕಾರ್ಯಕ್ರಮದ ಬಗ್ಗೆ ಒಳ್ಳೆಯ ಮಾತುಗಳನ್ನು ಆಡಿದುದಕ್ಕೆ ಧನ್ಯವಾದಗಳು. ವಿಶೇಷ ಕಾರ್ಯಕ್ರಮವನ್ನು ಕ್ವಿಜ್ ರೂಪದಲ್ಲಿಯೇ ನಡೆಸಬಹುದು. ಈ ಹಿಂದೆ ಜಗ್ಗೇಶ್, ಸಿಹಿಕಹಿ ಚಂದ್ರು, ಬಿ.ಜಯಶ್ರೀ, ರಾಜೇಶ್ ಕೃಷ್ಣನ್, ರಾಜೂ ಅನಂತಸ್ವಾಮಿ, ಮಂಜುಳ ಗುರುರಾಜ್ ಮುಂತಾದವರನ್ನು ಕರೆಸಿದಾಗ ಕ್ವಿಜ್ ರೂಪದಲ್ಲಿಯೇ ಕಾರ್ಯಕ್ರಮವನ್ನು ರೂಪಿಸಿದೆವು. ಗಣ್ಯರು ಒಪ್ಪಿದಲ್ಲಿ ನಮ್ಮದೇನೂ ಅಭ್ಯಂತರವಿಲ್ಲ. ಚಂದ್ರಶೇಖರ ಕಂಬಾರ, ನಿಸ್ಸಾರ್ ಅಹಮದ್ ರಂತಹ ಹಿರಿಯರನ್ನು ಕರೆಯಿಸಿದಾಗ, ಅವರಿಂದ ನಮ್ಮ ಕಾರ್ಯಕ್ರಮಕ್ಕೆ ಮಾರ್ಗದರ್ಶನ ಪಡೆಯುವುದು ನಮ್ಮ ಮುಖ್ಯ ಉದ್ದೇಶವಾಗಿರುತ್ತದೆ. ಜೊತೆಗೆ ಜನಸಾಮಾನ್ಯರಿಗೆ ಪರಿಚಯವಿಲ್ಲದ ಅವರ ಹಿರಿಮೆಯನ್ನು ತೋರುವ ಪ್ರಯತ್ನವನ್ನು ಮಾಡಲಾಗುತ್ತದೆ. ನೀವು ನೀಡಿದ ಸಲಹೆಯನ್ನು ೧೦೦೦ ನೆಯ ಕಂತಿನಲ್ಲಿ ತರಲು ಖಂಡಿತಾ ಪ್ರಯತ್ನಿಸುತ್ತೇವೆ.

ನಾ.ಸೋಮೇಶ್ವರ