ಎಡರ ತೊಡರ ತೇರಿನೊಳ್ ಪೋಪ ಮೇಲ್ಮೆಯಂ
ದುಡಿಮೆಯಂ ಪೆಸರಿತ್ತಿ ಪೊಗಳುವರಂತೆ
ಉಂಡು ತಿಂದೊರಗುವ ನಾಂಬನಂ ಬಾಳ್ವೆಯಂ
ನಡೆಯೆಂದು ಹೊತ್ತದಂ ತೆಗಳುವುದಂತೆ

ಎಡರು = ಕಷ್ಟ, troble
ತೊಡರು = obstacle, ವಿಘ್ನ
ತೇರು = ರಥ
ಮೇಲ್ಮೆ = ಘನತೆ, ಹಿರಿಮೆ, fame, glory
ಒರಗು = ಮಲಗು
ನಾಂಬ = ಸೋಂಬೇರಿ, ಸೋಮಾರಿ, lazy

ಬದುಕಲ್ಲಿ ಎಡರು ತೊಡರುಗಳನ್ನು ಎದುರಿಸಿಕೊಂಡ ಹೋಗುವವನ ಮೇಲ್ಮೆಯನ್ನು ದುಡಿಮೆಯನ್ನು, ಅವನ ಹೆಸರು ಹೇಳಿ ಮಂದಿ ಹೊಗಳುವರು. ಇದನ್ನು ಬಿಟ್ಟು ಬರೀ ತಿಂದುಂಡು ಮಲಗಿ ಹೊತ್ತು-ಕಳೆಯುವ ನಾಂಬನ ಬಾಳ್ವೆಯನ್ನು ಹೊತ್ತು/ಕಾಲವು ತೆಗಳುವುದು!

- ಮಾಯ್ಸ !!