ನಮ್ಮಲ್ಲಿ ಒಬ್ಬರ ಹೆಸರು ದ್ರೌಪದಿ ಅಂತ ನೀವೇ ಊಹಿಸಿ ಅದರ ಪರಿಣಾಮಗಳನ್ನು.

ಜೋಸೇಫರೇ, ಮುಂದುವರಿ ಹಾಗು ಮುಂದುವರೆಯ ಬಗ್ಗೆ.

ನಿಂತಲ್ಲಿಯೇ ನಿಲ್ಲದೆ ಮುಂದಕ್ಕೆ ಹರಿಯುತ್ತಾ ಸಾಗುವುದು ಎನ್ನುವುದನ್ನೇ ಮುಂದುವರಿಯುವುದು ಎನ್ನಬಹುದಲ್ಲದೇ ಮುಂದುವರೆಯುವುದು ಎಂದರೆ ಏನಂತೀರಿ?

ಮುಂದು + ಪರಿ = ಮುಂದುವರಿ.
ಪರಿ - ಹರಿ, ಹರಿಯುವಿಕೆ, ಓಟ, ಕಾಲುವೆ, ಹೊನಲು, ದಾರಿ, ಬಗೆ(ರೀತಿ)

ಮುಂದು + ಪರೆ = ಮುಂದುವರೆ.
ಪರೆ - ವಿಸ್ತಾರ, ಅಗರ, ಹರಡು, ಹಬ್ಬು, ಚದರು, ಕೆದರು, ಬೆಳಗ್ಗೆ, ಸುಸಿಲು(ಕಾಲ್ಯ), ಎರೆ, ಪರಿ, ಪೊರೆ.

ಪರಿ - ಹರಿಯುವುದು, ಪರೆ - ಹರಡುವುದು ಎರಡರ ನಡುವಿನ ಅರ್ಥಸೂಕ್ಷ್ಮತೆಯೇ ಆ ಎರಡು ಪದಗಳು ಅಷ್ಟು ಎಗ್ಗಿಲ್ಲದೆ ಬಳಕೆಯಲ್ಲಿರುವುದಕ್ಕೆ ಕಾರಣವಿರಬಹುದು.