ಎನ್ರಪಾ ಹುಡುಗರಾ, ನಿಮಗೂ ದೊಡ್ಡ ಮಂದಿ ಚಾಳಿ ಬಿತ್ತೇನು? ಮನಗಂಡ ಬಿರುಸಿಲೇ ಕಿತ್ತಾಡಾಕತ್ತೇರಿ!!

ಇರಲಿ, 'ಉಲಿ' ಬಗ್ಗೆ ನನಗೊಂದು ಡೌಟ್, ನಲಿ-ನಲಿವು, ಸುಳಿ-ಸುಳಿವು ಈ ಎರಡು ಮಾದರಿಗಳಲ್ಲಿ, 'ನಲಿ','ಸುಳಿ' ಇವು ಕೆಲಸಪದಗಳು, 'ನಲಿವು','ಸುಳಿವು' ಇವು ಹೆಸರುಪದ(Noun)ಗಳು. ಹಾಗೆಯೇ 'ಉಲಿ-ಉಲಿವು', ಉಲಿ ಇದು ಕೆಲಸಪದ. "ನಾನು ಹೀಗೆಂದು ಉಲಿದೆನು", "ಗಿಳಿ ಉಲಿಯಿತು" ಹೀಗೆ ಅದರ ಬಳಕೆ. "ನಾನು ಅಲ್ಲಿಗೆ ಹೋಗಿದ್ದೆ, ಮಂದಿಯ ಸುಳಿವೇ ಇರಲಿಲ್ಲ" ಇಲ್ಲಿ ಬರೀ "ಮಂದಿಯ ಸುಳಿ ಇರಲಿಲ್ಲ" ಅಂದರೆ ತಿಳಿಯುವದಿಲ್ಲ(ಅಭಾಸವಾಗುತ್ತೆ). ನಮ್ ಕಡೆ ಆಡುಮಾತಿನಲ್ಲಿ ಉಲಿವು(ಉಲು) ಬಳಕೆಯಲ್ಲಿದೆ.

ದೂರದ ಬಳಕೆ ಹೀಗಿದೆ,
ದೂರದ ಊರು - ದೂರದೂರು.
ದೂರದ ಉಲಿವು - ದೂರದುಲಿವು.

ದೂರ + ಉಲಿ ಈ ಸೇರಿಕೆಯಲ್ಲಿ ಎರಡೂ ಪದಗಳು ಇಡಿಯಾಗಿಲ್ಲ. ಅರರ್ಧ ಅದಾವ್ರಿ.