ಇದೇನು ಹೊಸ ವಿಷಯವಲ್ಲ. ಹಿಂದೂಗಳನ್ನೆಲ್ಲಾ ಒಂದು ಮಾಡಲು ಹೊರಟವರು ತಮ್ಮ ತಪ್ಪನ್ನು ಮುಚ್ಚಿಟ್ಟುಕೊಳ್ಳುವ ಇತಿಹಾಸವನ್ನು ಸೃಷ್ಟಿಸುವ ಬಗೆಯೇ ಹೀಗೆ. ಶೂದ್ರರನ್ನು ಪಂಚಮರನ್ನೂ ಇನ್ನಿಲ್ಲದಂತೆ ಶೋಷಿಸಿದವರು/ಶೋಷಿಸುತ್ತಾ ಇರುವವರು ಅವರ ಓಟುಗಳನ್ನು ಕಳೆಕೊಳ್ಳಬಾರದು ಎಂಬ ಕಾರಣಕ್ಕೆ ಮುಸ್ಲಿಂ ಭಯವನ್ನು ಹುಟ್ಟಿಸಿದರು. ಇದಕ್ಕಾಗಿ ಭವ್ಯ ಭಾರತೀಯ ಪರಂಪರೆಯ ಇತಿಹಾಸವನ್ನು ಸೃಷ್ಟಿಸಲು ಹೊರಟರು. ಹರಪ್ಪ ನಾಗರಿಕತೆ ಆರ್ಯರದ್ದು ಎಂದು ಸಾಧಿಸುವುದಕ್ಕಾಗಿ ಅಲ್ಲಿ ಇಲ್ಲದೇ ಇದ್ದ ಕುದುರೆಯನ್ನೂ ಸೃಷ್ಟಿಸಿದರು. ಹರಪ್ಪದಲ್ಲಿ ದೊರೆತ ಸೀಲುಗಳನ್ನು ಓದಿಯೇ ಬಿಟ್ಟಿದ್ದೇವೆ ಎಂದು ಎನ್ ಎಸ್ ರಾಜಾರಾಂ ಎಂಬ ಸ್ವಘೋಷಿತ ಇತಿಹಾಸಕಾರರು ಹೇಳಿದರು. ಜತೆಗೆ ಸೀಲುಗಳಲ್ಲಿ ಇದ್ದ ಹೋರಿಯ ಚಿತ್ರವನ್ನು ಫೋಟೋಶಾಪ್ ನಲ್ಲಿ ಬದಲಾಯಿಸಿ ಕುದುರೆಯಾಗಿಸಿದರು. ಇದನ್ನು ಭಾರತದ ಬಹುತೇಕ ಪತ್ರಿಕೆಗಳು ನಿಜವೆಂದು ನಂಬಿ ವರದಿ ಪ್ರಕಟಿಸಿದವು. ಕೊನೆಗೆ ಇದರ ಹಿಂದಿನ ಫೋಟೋಶಾಪ್ ರಹಸ್ಯ ಬಯಲಾಯಿತು.(http://www.hinduonnet.com/fline/fl1720/17200040.htm)

ಘಟೋತ್ಕಚನ ಅಸ್ಥಿ ಪಂಜರದ ವಿಷಯವೂ ಅಷ್ಟೇ. ಬಹಳ ಜಾಣತನದಿಂದ ಕತೆಯನ್ನು ಹೆಣೆಯಲಾಗಿದೆ. ಇದನ್ನು ಹೊಸದಿಗಂತದಂಥ ಕೋಮುವಾದಿ ಪತ್ರಿಕೆ ಪ್ರಕಟಿಸಿರುವುದೂ ಸರಿಯಾಗಿದೆ. ಕರಾವಳಿಯಲ್ಲಿ ಹಿಂದೂ-ಮುಸ್ಲಿಂ ಗಲಭೆಗಾಗಿ ಸದಾ ಪ್ರಯತ್ನಿಸುತ್ತಿರುವ ಈ ಪತ್ರಿಕೆಯಲ್ಲಿ ಬಂದದ್ದನ್ನು ನಿಜವೆಂದು ಕರಾವಳಿಯವರಾರೂ ನಂಬುವುದಿಲ್ಲ.

ರಮೇಶ್ ಸಮಗಾರ