ಕನ್ನಡ ಚಿತ್ರಗಳಿಗೆ ತಮ್ಮದೇ ಆದ ಅನನ್ಯತೆ ಇದೆಯೇ? ಇವನ್ನು ಟಿ.ವಿ.ಯಲ್ಲಿ ನೋಡುವಾಗ ಮ್ಯೂಟ್ ಮಾಡಿಬಿಟ್ಟರೆ ಯಾವ ಭಾಷೆಯದ್ದೆಂದು ಊಹಿಸುವುದು ಕಷ್ಟ. ಆದರೆ ಯಾವುದೇ ಮಲಯಾಳಂ, ತಮಿಳು ಸಿನಿಮಾಗಳನ್ನು ನೋಡಿ. ಅದೆಷ್ಟೇ ಕಮರ್ಷಿಯಲ್ ಆಗಿದ್ದರೂ ಅದರಲ್ಲಿ ಆ ನೆಲದ, ಆ ಭಾಷೆಯ ಸಂಸ್ಕೃತಿ ಸ್ವಲ್ಪವಾದರೂ ಇರುತ್ತದೆ. ಕನ್ನಡ ಸಿನಿಮಾ ಕನಿಷ್ಠ ಕನ್ನಡದ ಬೇರೆ ಬೇರೆ ಡಯಲೆಕ್ಟುಗಳನ್ನಾದರೂ ಬಳಸುತ್ತದೆಯೇ? ಇಲ್ಲ ಅದೇ ಹಳೇ ಮೈಸೂರು ಕನ್ನಡ. ಉಳಿದ ಭಾಗದ ಕನ್ನಡಗಳೆಲ್ಲವೂ ತಮಾಷೆಗೆ ಇಲ್ಲವೇ ವಿಲನ್ ಗೆ.

ಇನ್ನು ಈ ಚಿತ್ರಗಳು ಬಳಸುವ ಹಳೇ ಮೈಸೂರು ಕನ್ನಡವಾದರೂ ಯಾವುದು? ಇತ್ತೀಚೆಗೆ ನಗರಗಳ ಸ್ಲ್ಯಾಂಗ್ ಬಳಕೆಯಾಗುತ್ತಿದೆ. ಇಲ್ಲದಿದ್ದರೆ ಅದೇ ಬ್ರಾಹ್ಮಿನಿಕಲ್ ಟರ್ಮಿನಾಲಜಿಯ ಭಾಷೆ. ಒಂದು ಸಂಸ್ಕೃತಿ. ದಲಿತ ಬಂಡಾಯದ ಲೇಖಕರು ಬರದೇ ಹೋಗಿದ್ದರೆ ಕನ್ನಡ ಸಾಹಿತ್ಯ ನಿಜವಾದ ಅರ್ಥದಲ್ಲಿ ಬೂಸಾ ಆಗಿರುತ್ತಿತ್ತು. ಈಗ ಸಿನಿಮಾ ಮಾತ್ರ ಬೂಸಾ ಆಗಿದೆ.
ರಮೇಶ್ ಸಮಗಾರ