ಧನ್ಯವಾದ.. !

ಈ ಕೆಳಗಿನ ಮಾತುಗಳಲ್ಲಿ ಕುಹುಕ, ವ್ಯಂಗ್ಯ, ತಮಾಷೆ, ಯಾವುದೂ ಇಲ್ಲ. ಅವನ್ನು ಹೇಗಿದೆಯೋ ಹಾಗೆ ಇವೆ. ಅಚ್ಚಕನ್ನಡದಲ್ಲಿ ಬರೆದಿಲ್ಲ ಅಂತ ನನಗೆ ಗೊತ್ತಿದೆ.
------------------------------------------------------------------------------------------

ನಾನು 'ಹಿಂದು ಸಿದ್ದಾಂತ' ಏನು ಎಂದು ಕೇಳಿದ್ದೇ ದೊಡ್ಡ ತಪ್ಪಾಗಿದೆ ಎಂಬಂತೆ ಐತಾಳರು, ಪ್ರಚಂಚರು ಹೇಳಿಬಿಟ್ಟಿದ್ದಾರೆ. ಅವರಿಗೆ ನಾನು ಹೃನ್ಮನದಿಂದ ಚಿರಋಣಿ.

'ನಾವು ಯಾವುದನ್ನು ನಂಬುವೆವೂ, ಅದು ಏನು ಎಂದು ತಿಳಿಯಬೇಕು' ಎಂದು ಓದಿದ ನೆನಪು. ನಾನು 'ಹಿಂದು' ಕರೆಯಿಸಿಕೊಳ್ಳವುದರಿಂದೇ, ನನಗೆ ಇದರ ಬಗ್ಗೆ ಆಸಕ್ತಿ ಇದೆ.

ನನಗೆ ಒಬ್ಬರು ಕರೆ ಮಾಡಿ 'ನೀನು ಯಾಕೆ ಹಿಂದು ಸಿದ್ದಾಂತವನ್ನು ಪ್ರಶ್ನಿಸುವೆ, ಮುಸ್ಲಿಮ್ ಧರ್ಮವನ್ನು ಪ್ರಶ್ನಿಸು' ಎಂದಿದ್ದರು. ಅದಕ್ಕೆ ನಾನು ಮೊದಲು ನನ್ನನ್ನು ಈ ಧರ್ಮಕ್ಕೆ ಸೇರಿರುವವನು ಎಂದು ಮಂದಿ ಕರೆಯುವರಲ್ಲ, ಆ ಧರ್ಮವನ್ನು ತಿಳಿಯುವೆನು ಎಂದಿದ್ದೆ.

ನನಗೆ ದಿಟವಾಗಿ ಬೇಸರ ತಂದ ಸಂಗತಿ, ಈ ಮಾತುಕತೆ "ವೈಯಕ್ತಿಕ ನಿಂದನೆ", 'ಹೆಸರಿಡುವಿಕೆ"ಯಲ್ಲಿ ಮುಗಿದುದು.

ಯಾರಾದರೂ 'ಹಿಂದು ಸಿದ್ದಾಂತ' ಏನು ಅಂದರೆ ಅದಕ್ಕೆ ಉತ್ತರವೀಯ್ಯಬೇಕಾದುದು, ಹಿಂದು ಎಂದು ಹೇಳಿಕೊಳ್ಳವುವರಿಗೆ ಬರಬೇಕು ಅಂತ ಅಂದುಕೊಂಡಿದ್ದು ತಪ್ಪಾಗಿದೆ.

"ಒಟ್ಟಿನಲ್ಲಿ ನಾನು ಹಿಂದು 'ಅಂತೆ' ಹಾಗೆ ಎಲ್ಲರೂ ಕರೆಯುವರು. ಆದರೆ ನನ್ನನ್ನು ಕೇಳಬೇಡಿ 'ನನಗೆ ನಾನು ಏಕೆ ಹಿಂದು, ಹಿಂದು ಅಂದರೆ ಏನು ಅಂತ ಗೊತ್ತಿಲ್ಲ" ಎಂದು ಹೇಳವ ಪಾಡು ನನ್ನದು(ನಮ್ಮದು).

ಐತಾಳರು ಮತ್ತು ಪ್ರಪಂಚರು, ಮತ್ತೆ ಹಲವು ನನ್ನ ಮಾತುಗಳಿಂದ ಬಲು ಬೇಸರಪಟ್ಟುಕೊಂಡು ನಂದುಕೊಂಡಿದ್ದಾರೆ ಎಂದು ಎಣಿಸಿ, ಅವರ 'ನಂದುಕೊಂಡದಕ್ಕೆ' ನಾನು ಮರುಗುವೆನು.