ಶ್ರೀಕಾಂತ್ ಮಿಶ್ರಿಕೋಟಿಯವರ ಪರ್ಮಿಶನ್ ಊಹಿಸಿಯೇ ಈಗ ಸ್ವಲ್ಪ ಕಾಲೆಳೆಯಿಂಗ್... (ಅಥವಾ, ದಂತಕಥೆಯ ಬಗ್ಗೆ ಆದ್ದರಿಂದ ’ಹಲ್ಲು ಕಿರಿಯಿಂಗ್’ ಎಂದು ಬೇಕಾದರೂ ಅಂದ್ಕೊಳ್ಳಿ)

೧. ಒಂದೇ ಸಾಲಿನ ದಂತ ಕಥೆ ಎಂದಿರಿ. ಮೇಲಿನ ಸಾಲು ಅಥವಾ ಕೆಳಗಿನ ಸಾಲು (ಐ ಮೀನ್ ದಂತಗಳದ್ದು)

೨. ಒಂದೇ ಸಾಲಿನ ದಂತ ಕಥೆ ಎಂದಿರಿ. ತಲಾ ಎರಡು ಚುಕ್ಕಿಗಳುಳ್ಳ ಆ ನಾಲ್ಕು ಸಾಲುಗಳು ಏನು? ದಂಥಕಥೆಯ ಭಾಗವಲ್ಲವೇ?

೩. ಅತೀ ಸಣ್ಣ ದಂತ ಕಥೆ. ೩೨ ಹಲ್ಲುಗಳ ಪೈಕಿ ಕೆಳಗಿನ ಸಾಲಿನ ನಡುವಿನ ನಾಲ್ಕು ದಂತಗಳು ಅತೀ ಸಣ್ಣವು ಎಂದು ನನ್ನ ಡೆಂಟಿಸ್ಟ್ ಈಗಷ್ಟೇ ಕನ್‌ಫರ್ಮಿಸಿದರು. ಆದ್ದರಿಂದ ಇದು ಆ ನಾಲ್ಜು ದಂತಗಳ ಕಥೆಯಿರಬಹುದೇ?

೪. "ದಂತಕಥೆ ಅಂದರೇನು? ಹಲ್ಲಿಗೇನು ಸಂಬಂಧ?" ಎಂದು ಕೇಳಿದ್ದೀರಿ. ದಂತಕಥೆಯನ್ನೋದುವಾಗ ಹಲ್ಲಿ ಲೊಚಗುಟ್ಟಿದರೆ ಅದು ನಿಜವಾಗುತ್ತದಂತೆ! (ಅಂದರೆ ದಂತಕಥೆಯಲ್ಲ, ಹಲ್ಲಿ ಲೊಚಗುಟ್ಟಿದ್ದು)

==========

ಈಗ ಗಂಭೀರ ಪ್ರತಿಕ್ರಿಯೆ.

’ದಂತಕಥೆ’ ಪದಮೂಲದ ಬಗ್ಗೆ ಮಹೇಶ್ ಕೊಟ್ಟಿರುವ ವ್ಯಾಖ್ಯಾನ ನನಗೂ ಸರಿಯೆಂದು ತೋರುತ್ತಿದೆ.

==========

ಇತಿ

ಶ್ರೀವತ್ಸ ಜೋಶಿ