೧. ಪ್ರತಿಯೊಬ್ಬನಿಗೂ ವಕೀಲರನ್ನು ನಿಯೋಜಿಸಿಕೊಳ್ಳುವ ಹಕ್ಕು ಇದೆ. ( ಹೌದು - ಅತ್ಯಂತ ನೀಚ ಅಪರಾಧಿಗೂ ಕೂಡ ). ಈ ರೀತಿ ಇರುವಾಗ ಕಫೀಲ್ ಅಹ್ಮದ್ ತಂದೆ ತಾಯಂದಿರಿಗೆ ಅದನ್ನು ಕೊಡಬಾರದು ಎನ್ನಲು ಯಾವ ಆಧಾರ ಇದೆ? ಅವರನ್ನೂ ಅಪರಾಧಿಗಳನ್ನಾಗಿ (ಅಪರಾಧ ಸಾಬೀತಾಗದೆ) ಮಾಡಲು ಪತ್ರಕರ್ತರಿಗಾಗಲೀ, ಪೋಲೀಸರಿಗಾಗಲೀ ಹಕ್ಕಿಲ್ಲ. ಅಷ್ಟಕ್ಕೂ ಯಾರದೋ ದುಡ್ಡು ( ವಕೀಲ = ದುಡ್ಡು ) ನಮಗೇಕೆ ಉರಿ? ಅಕಸ್ಮಾತ್ ಕಫೀಲನ ತಂದೆ-ತಾಯಂದಿರೂ ಇದರಲ್ಲಿ ಭಾಗಿಯಾಗಿದ್ದರೆ, ಕೇಸು ಹಾಕಿ ಕೋರ್ಟಿಗೆ ಹೋದರೆ, ಅವರಿಗೆ ವಕೀಲರು ಸಿಕ್ಕದೇ ಹೋದರೆ, (ರೆ-ರೆ-ರೆ....), ಅವರ ಪರವಾಗಿ ನ್ಯಾಯಾಲಯವೇ ವಕೀಲರನ್ನು ನೇಮಿಸುತ್ತದೆ. ಆಗ TNNನವರು ಹೀಗೆ ಬರೆಯುತ್ತಾರೋ?

೨. ನಕ್ಸಲರೂ ರಾಜಕಾರಣಿಗಳೇ ಸ್ವಾಮಿ. ಅವರಿಗೂ ಅವರ ಅಜೆಂಡಾ ಸಾಧಿಸಲು ಹಣಕಾಸು-ಬೆಂಬಲದ ಅವಶ್ಯಕತೆ ಇದೆ. ಇದೆಲ್ಲಾ ಮಾಡಲು ಅವರು ತುಳಿಯಲ್ಪಟ್ಟಿದ್ದಾರೆ ಎಂದು ಅನಿಸಿದವರ ಸಹಾಯಕ್ಕೆ ಧಾವಿಸುವ ಮುಖವಾಡ ಹಾಕುತ್ತಾರೆ. ಅದಕ್ಕೂ ಹೆಚ್ಚಾಗಿ ಮಾರ್ಕ್ಸಿಸಂನ (ಹಾಗೂ ಅದರ ಉಪಜಾತಿಗಳ) "comradeship"ಗೂ, ಮುಸ್ಲಿಮರ "brotherhood"ಗೂ ಬಹಳ ಹೋಲಿಕೆಗಳಿವೆ. "ಅತ್ತೂ ಕರೆದೂ ಔತಣ ಹಾಕಿಸಲಿಕ್ಕೆ" ಇದೂ ಕಾರಣ ಇರಬಹುದು.

ಕೊಸರು: ಪಾಪ ಆ ಪತ್ರಿಕಾ ಪ್ರತಿನಿಧಿಗೆ ಎಲ್ಲೋ ಮಾತಾಡಿಸುವ ಅವಕಾಶ ನಿರಾಕರಿಸಿರಬೇಕು. ಅದಕ್ಕೇ ಸ್ವಲ್ಪ ಮುನಿಸಿಕೊಂಡು ಬರ್ದಿದ್ದಂತಿದೆ.
ಕೊತ್ತಂಬರಿ: ಲಿಬರಲ್ ಅಥವಾ ವಿಚಾರವಾದಿ ಅಥವಾ "ನಕ್ಸಲ್ ಬೆಂಬಲಿಗ" ( ಗಮನಿಸಿ ನಕ್ಸಲ್ ಬೇರೆ ಜಾತಿ!!) ಆಗೋದು ಹೇಗೆ? ಇಲ್ಲಿದೆ ನೋಡಿ

ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ