ಮಹೇಶರೇ,

ನೀವು ಬರೆದಿರುವುದು ಅರೆಸತ್ಯ ಮಾತ್ರ.

ವೇದ ಭಾಷೆಯ ತಾಯಿ, ಮತ್ತು ಅವೆಸ್ಟನ್ ತಾಯಿ ಎರಡೂ ಒಂದೇ ಎಂದು ಹೇಳಿದರೆ ನಿಜ ಸಂಗತಿಗೆ ಇನ್ನೂ ಹತ್ತಿರವಾಗುತ್ತದೆ. ಅವೆಸ್ಟನ್ ಮತ್ತು ವೇದಕಾಲದ ಸಂಸ್ಕೃತ ಒಂದೇ ಕಾಲದಲ್ಲಿ ಬೆಳೆದು ಬಂದವು. ಝಾರತುಷ್ಟ್ರ ಇದ್ದದ್ದು ಸುಮಾರು ಬುದ್ದನ ಕಾಲದಲ್ಲಿ, ಎಂದರೆ, ಆವೆಸ್ಟನ್ classical ಸಂಸ್ಕೃತದ ಕಾಲದಲ್ಲಿನ್ನೂ ಪ್ರಚಲಿತವಾದಿತ್ತು.

ಅವೆಸ್ಟನ್ ಮತ್ತು ಸಂಸ್ಕೃತ ಎರಡಕ್ಕೂ ಮೂಲ ಇನ್ನೂ ಮೊದಲಿನ pre-historic proto-indo-iranian ಇದ್ದಿರಬೇಕು. ನಿಮ್ಮ ಮಾತಿನ ಪ್ರಕಾರ ಒಂದರಿಂದ ಒಂದು ಹುಟ್ಟಿದಂತಾಗುತ್ತದೆ. ಅದು ಸರಿ ಅಲ್ಲ. ಇದಕ್ಕೆ ಇನ್ನೊಂದು parallel ಕೊಡಬೇಕಾದರೆ - ಕನ್ನಡ ತಮಿಳಿನಿಂದ ಬಂದಿತು ಎಂದು ಹೇಳಿದರೆ ಹೇಗಾಗುತ್ತದೋ, ಹಾಗೆ. ತಮಿಳಿದ್ದಷ್ಟು ಕಾಲವೂ ಕನ್ನಡವೂ ಇತ್ತು ಎನ್ನುವಾದ, ಒಂದರಿಂದ ಒಂದು ಬಂತು ಎಂಬುದನ್ನು ಬಿಟ್ಟು ಇವೆರಡಕ್ಕೂ ಮೂಲ ಇನ್ನೂ ಹಳೆಯ ಭಾಷೆಯೊಂದು ಎಂದು ಹೇಳದೇ ಬೇರೆ ದಾರಿಯಿಲ್ಲ. ಅವೆಸ್ಟನ್ ಮತ್ತು ವೇದ ಸಂಸ್ಕೃತಗಳದ್ದೂ ಇಂತೇ.

-ಹಂಸಾನಂದಿ