ಪುಸ್ತಕಗಳನ್ನು ಸ್ವಂತದ ಲೈಬ್ರೆರಿಯಂತೆ ಇಟ್ಟುಕೊಳ್ಳುವುದು 'convention'. ಹಾಗೆ ನೋಡಿದರೆ ನಾವು ಕಂಪ್ಯೂಟರಿನಲ್ಲಿ ಸ್ಟೋರ್ ಮಾಡಿಟ್ಟುಕೊಳ್ಳುವ ಒಮ್ಮೆ ಬಳಸಿದ ಎಷ್ಟೋ‌ ಫೈಲ್ಸು ಕೂಡ ಇದೇ ವರ್ಗಕ್ಕೆ ಸೇರುತ್ತವೆ. ನಾವು ಮುಂದೆ ಅದನ್ನು ಬಳಸುತ್ತೀವೋ ಇಲ್ವೋ, ಹಾಗೇ ಇಟ್ಟುಕೊಂಡಂತೂ ಇರುತ್ತೇವೆ.

ಎಲ್ಲ ಪುಸ್ತಕಗಳೂ‌ ಸಿಗೋದಿಲ್ವಲ್ಲ. ಹಲವು ತಾಂತ್ರಿಕ ಪುಸ್ತಕಗಳು ಆನ್ಲೈನ್ ಸಿಗೋದಿಲ್ಲ (ನನ್ನ ಬಳಿ ಇರುವ ಪುಸ್ತಕಗಳಲ್ಲಿ ಸುಮಾರು ೮೦% ತಾಂತ್ರಿಕ ಪುಸ್ತಕಗಳೇ). ಅಲ್ಪ ಸ್ವಲ್ಪ ಮಾಹಿತಿ ಮಾತ್ರ ಇಂಟರ್ನೆಟ್ಟಿನಲ್ಲಿ ಜಾಲಾಡಿ ಪಡೆದುಕೊಳ್ಳಬಹುದು - ಆದರೆ ಡೀಟೇಯ್ಲಾಗಿ ಓದಬೇಕಾದರೆ ಪುಸ್ತಕಗಳೇ ಚೆನ್ನ. ರೆಫರೆನ್ಸಿಗೆ ಮತ್ತೆ ಮತ್ತೆ ಮತ್ತೊಬ್ಬರಿಂದ ಕೇಳಿ ತರುವುದು ಕಷ್ಟದ ಕೆಲಸ. ಸ್ವಲ್ಪ ದುಡ್ಡು ಖರ್ಚಾದರೂ ಸ್ವಂತದ ಕಾಪಿ ಇದ್ದರೆ ಕೆಲಸ ಸುಲಭ. ಆದರೂ ತಾಂತ್ರಿಕ ಪುಸ್ತಕಗಳ ತೊಂದರೆ ಏನೆಂದರೆ, ಅದರಲ್ಲಿ ಹಲವು ಸ್ವಲ್ಪ ದಿನಗಳ ನಂತರ outdate ಆಗಿಬಿಡುತ್ವೆ. (php ಬಗ್ಗೆಯೇ ಒಂದು ವರ್ಷದಲ್ಲಿ ೬ ಪುಸ್ತಕಗಳನ್ನು ನಾನು ಕೊಂಡಿರುವೆ).

asterix adventures, Tintin, ಇಂದ್ರಜಾಲ, ಅಮರ ಚಿತ್ರ ಕಥೆ ಮುಂತಾದ ಕಾಮಿಕ್ ಪುಸ್ತಕಗಳು ಹಲವು ನನ್ನ ಬಳಿ ಸುಮಾರು ವರ್ಷಗಳಿಂದ ಇವೆ. ಅವನ್ನು ಎಷ್ಟು ಬಾರಿ ಓದಿದರೂ ಬೇಜಾರು ಮೂಡುವುದಿಲ್ಲ.

ಇನ್ನು ಕನ್ನಡ ಮತ್ತು ಇಂಗ್ಲಿಷ್ ಸಾಹಿತ್ಯ ಪುಸ್ತಕಗಳು ಮಾತ್ರ - ಒಮ್ಮೆ ಓದಿದ ಮೇಲೆ ಮತ್ತೊಮ್ಮೆ ಓದುವುದು ಬರಿಯ ವೊಕ್ಯಾಬ್ಯುಲರಿ ಇಂಪ್ರೂವ್ ಮಾಡಿಕೊಳ್ಳೋದಕ್ಕೋ ಅಥವಾ (ಕೃತಿ ಬಹಳ ಚೆನ್ನಾಗಿದ್ದರೆ) ಅದರ ನಿರೂಪಣೆಯ ಶೈಲಿಯ ಬಗ್ಗೆ ಮತ್ತಷ್ಟು ತಿಳಿಯಲು ಬಹುಶಃ ಮತ್ತೆ ಓದ್ತೀವಿ.

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"