ಇದರ ಬಗ್ಗೆ ನನ್ನ ಬಲಾಗಿನಲ್ಲೊಮ್ಮೆ ಬರೆದಿದ್ದೇನೆ(http://obbakannadiga.blogspot.com). 'ಬೆಳಗಾವಿ' ಎಂಬ ಹೆಸರಲ್ಲಿ 'ಬೆಳ' ಎಂಬುದು ಅಪ್ಪಟ ಕನ್ನಡ ಒರೆ. 'ಬೆಳ' ಇರುವ ಇತರ ಕನ್ನಡ ಹೆಸರುಗಳು ತುಂಬಾ ಸಿಗುತ್ತವೆ. ಬೆಳಗಲಿ, ಶ್ರವಣ ಬೆಳಗೊಳ, ಬೆಳಂದೂರು, ಬೆಳಗೆರೆ,.. ಹೀಗೆ. 'ಗಾವಿ' ಮತ್ತು 'ಗಾಂವ್' ಇವೆರಡೂ 'ಗ್ರಾಮ'ದ ತದ್ಭವಗಳಿದ್ದಿರಬಹುದು. ಕನ್ನಡಗರು ಬೆಳಗಾವಿಯನ್ನು ಬೆಳಗಾವಿಯೆಂದೇ ಕರೆಯುತ್ತಾರೆ. ಮರಾಟಿಗರನ್ನು ಕಂಡು ಕೆಲ ಕಡೆ ಬೆಳಗಾಂವ್ ಅಂತಿರಬಹುದು, ಆದರೆ ನಾವು ಬೆಳಗಾವಿ ಅಂತನೇ ಅನ್ನುವದು. ಇದರಂತೆ ಇನ್ನೂ ಊರುಗಳ ಹೆಸರುಗಳಿವೆ. ಮಾದರಿಗೆ ಸೊರಗಾವಿ, ಸಿಗ್ಗಾವಿ ಹಲವಾರು. ಇವಕ್ಕಿನ್ನೂ ಮರಾಟಿಗರ 'ಗಾಂವ್' ಸೋಂಕು ತಗುಲಿಲ್ಲ.