ಹಾಗೆ ಇಟ್ಟುಕೊಂಡ ಪುಸ್ತಕ ಒಂದು ದಿನ ಯಾರಿಗೋ ಉಪಯೋಗಕ್ಕೆ ಬರುತ್ತದೆ. ಕೆಲವೇ ದಿನಗಳ ಹಿಂದೆ HTML ಕಲಿಯಬೇಕೆಂದು ನೆಂಟರೊಬ್ಬರು ನನ್ನ ಬಳಿ ಇದ್ದ HTML ಕುರಿತ ಪುಸ್ತಕಗಳನ್ನು ಕೇಳಿ ತೆಗೆದುಕೊಂಡು ಹೋದರು.

ಕಂಪ್ಯೂಟರ್ ಕುರಿತ ಪುಸ್ತಕಗಳೆಲ್ಲ ನೀವು ಇಲ್ಲಿ ತಿಳಿಸಿದಂತೆಯೇ. ಆದರೆ, ಬೇರೆ ದಾರಿಯೇ ಇಲ್ಲ, ಪುಸ್ತಕ ಬೇಕೆಂದಾಗ ಕೊಳ್ಳಲೇ ಬೇಕು. ಬೇಡದಿದ್ದಾಗ ಗುಜರಿಗೆ ಹಾಕೋದಕ್ಕೆ ಮನಸ್ಸಾಗೋದಿಲ್ಲ - ಅದನ್ನಿಟ್ಟುಕೊಳ್ಳಲು ದುಡ್ಡೇನೂ ಖರ್ಚಾಗೋದಿಲ್ವಲ್ಲ!

ಮನೆ ಬದಲಾಯಿಸುವಾಗ ಮಾತ್ರ nuisance ಆಗತ್ತೆ. ಬೇಡದಿದ್ದನ್ನೆಲ್ಲ ಹೊತ್ತಿಕೊಂಡು ಹೋಗೋದಲ್ಲದೆ, ಹೊಸ ಮನೆ ತಲುಪಿದ ಮೇಲೆ ಅದನ್ನು sort out ಮಾಡಿಕೊಳ್ಳೋದು ತಲೆ ನೋವು ಕೆಲಸವೇ!

ಶಿವಮೊಗ್ಗೆಯಿಂದ ಮನೆ ಬದಲಾಯಿಸುವಾಗ ಅಕ್ಕ ಪಕ್ಕದ ಮನೆಯ, ಗುರುತ್ತಿದ್ದ, ಪುಸ್ತಕ ಪ್ರೇಮಿಗಳಿಗೆ ಬಾಲಮಂಗಳ, ಟಿಂಕಲ್, ಚಂಪಕ್, ಅಮರ ಚಿತ್ರಕತೆ, 'ಇದು ನಮ್ಮ ಭಾರತ' ಮುಂತಾದ ಪುಸ್ತಕಗಳನ್ನೆಲ್ಲ ಕೊಟ್ಟು ಖಾಲಿ ಮಾಡಿದ್ದೆ. ಈಗ ಆ ಪುಸ್ತಕಗಳು ನನ್ನ ಬಳಿಯೇ ಇದ್ದರೆ ಚೆನ್ನಾಗಿರುತ್ತಿತ್ತಲ್ಲ ಎಂದನಿಸುತ್ತದೆ!

ನಿಜವೇ. ಆದರೆ, ಇದು ಪುಸ್ತಕಗಳಿಗೆ ಮಾತ್ರ ಸೀಮಿತವಲ್ಲ.

well, ಈ phenomenon ಬದಲಾಗುತ್ತಲೇ ಇರುತ್ತದೆ. ಎಲ್ಲರಿಗೂ ತಮ್ಮದೇ ಆದ ಟೇಸ್ಟ್ ಇರುತ್ತದಾದ್ದರಿಂದ 'ಪ್ರಯಾರಿಟಿ' ಇದ್ದೇ ಇರುತ್ತದೆ - ಅದು ಜೆನರೇಶನ್ ಗ್ಯಾಪಿನಿಂದ ಆಗಲೇಬೇಕೆಂದೇನಿಲ್ಲ.

hmm... ಯಾವ ಕ್ಲಾಸಿಕ್ ಅನ್ನೋದರ ಮೇಲೆ depend ಆಗುತ್ತೆ. ಬಿ ಜಿ ಎಲ್ ಸ್ವಾಮಿಯವರ ಕೆಲವು ಕೃತಿಗಳನ್ನ ನಾನು ಹಲವಾರು ಬಾರಿ ಓದಿರುವೆ (ಮತ್ತೆ ಮತ್ತೆ ಓದುವಾಗ ಬೇಜಾರೂ ಆಗಿಲ್ಲ). Asterix, Tintin ಮುಂತಾದ ಕಾಮಿಕ್ಸ್ ಗಳನ್ನು ಲೆಕ್ಕವಿಲ್ಲದಷ್ಟು ಬಾರಿ ಮತ್ತೆ ಮತ್ತೆ ಓದಿರುವೆ

ನಿಜ. ಮೊದಲ ಬಾರಿ ಓದಿದ ಅನುಭವ ಚಿರಕಾಲ ಉಳಿಯುವಂತದ್ದು.

ಇದಕ್ಕೆ ಮಾತ್ರ ನನ್ನ ಬಳಿ ಉತ್ತರವಿಲ್ಲ. ಕೆಲವರು ತಮ್ಮ 'ಯಾದೇಂ' ಖಾಯಂ ಆಗಿ ಇಟ್ಟುಕೊಳ್ಳೋದಕ್ಕೆ ಹಳೆಯ ಕಸುಬಿನ ಪುಸ್ತಕಗಳನ್ನು ಇಟ್ಟುಕೊಂಡಿರುತ್ತಾರೆ. (ಸಣ್ಣವನಿದ್ದಾಗ ಸಂಸ್ಕೃತ ಕಲೆಯುವಾಗ ಬಳಸಿದ ಪುಸ್ತಕಗಳು ಇನ್ನೂ ನನ್ನ ಬಳಿ ಇವೆ. ಶಾಲೆಯಲ್ಲಿ, ಸಂಸ್ಕೃತ ಓದಲು ಪ್ರಾರಂಭಿಸಿದಾಗ ಅವನ್ನೊಮ್ಮೆ "revisit" ಮಾಡಿದ್ದೆ. ಈಗ, ಅದರ ಉಪಯೋಗವೇನು ಎಂಬುದು ತಿಳಿದಿಲ್ಲ. ಮುಂದೊಮ್ಮೆ ಮತ್ತಷ್ಟು ಸಂಸ್ಕೃತ ಓದಲು ಸಾಧ್ಯವಾಗುತ್ತದೆಯೋ ಅದೂ ಗೊತ್ತಿಲ್ಲ)

ನಿಜ. ಕೆಲವರು ಈ ವ್ಯಾಮೋಹಕ್ಕೇ ಬಲಿಯಾಗಿ ತಮ್ಮ ಬಳಿ ಇರುವ 'ಓದಿದ', ಮತ್ತೊಮ್ಮೆ ಓದಲು ಬೇಕಿಲ್ಲದ ಪುಸ್ತಕಗಳನ್ನೂ ಬೇರೆಯವರಿಗೆ ಕೊಡುವುದಿರಲಿ, ಅವರೊಂದಿಗೆ share ಕೂಡ ಮಾಡಿಕೊಳ್ಳೋದಿಲ್ಲ. ಪ್ರತಿಯೊಬ್ಬರೂ ಎಲ್ಲವನ್ನೂ ಕೊಳ್ಳುವುದು ಪ್ರಕಾಶಕರಿಗೆ ಒಳ್ಳೆಯದೆ, ಆದರೆ ನೀವು ಈ ಲೇಖನಗಳಲ್ಲಿ ಹೇಳುತ್ತಿರುವಂತೆ ಅದು ಮನೆಯಲ್ಲೊಂದು 'ಪುಸ್ತಕರಾಶಿ'ಗೆ ಎಡೆ ಮಾಡಿಕೊಡುತ್ತದೆ. ನನ್ನ ಮಟ್ಟಿಗೆ, ಪುಸ್ತಕವನ್ನು ಕೊಳ್ಳುವುದು ಮತ್ತು ಬೇರೆಯವರಿಂದ 'ಓದಿದ' ಪುಸ್ತಕಗಳನ್ನು ಪಡೆಯುವುದು - ಇವೆರಡನ್ನೂ ಜೊತೆಜೊತೆಯಾಗಿ ರೂಢಿಸಿಕೊಂಡು ಒಂದು ಬ್ಯಾಲೆನ್ಸ್ ಸ್ಟ್ರೈಕ್ ಮಾಡಬೇಕು.

ನನಗನ್ನಿಸಿದಂತೆ ಭಾವ ಅಚ್ಚಾದರೂ, ಚಿತ್ರಣ ಬಹುಶಃ ಮೂಲರೂಪದಲ್ಲಿ, ಶಬ್ಧರೂಪದಲ್ಲಿ ಅಚ್ಚಾಗದು. ಕೆಲವು ಕವನಗಳಿಗೆ, ಕೃತಿಯ ಕೆಲವು ಭಾಗಗಳಿಗೆ ಅದು ಆದೀತು, ಆದರೆ context enjoy ಮಾಡಬೇಕೆನಿಸಿದಾಗ ಮತ್ತೊಮ್ಮೆ ಆ ಹಾಳೆಗೇ, ಆ ಪುಸ್ತಕಕ್ಕೇ ಮೊರೆ ಹೋಗಬೇಕಾಗಬರಬಹುದು.

ಓದುವುದರಿಂದ ವಿಚಾರಗಳನ್ನು ಕಲೆಯುವುದಕ್ಕಿಂತ "ಹೀಗೂ ಉಂಟು" ಎನ್ನುವುದನ್ನು ಅರಿಯುತ್ತೇವಲ್ಲವೆ? ಅನುಭವಗಳಿಂದ ಹೆಚ್ಚು ಕಲಿಕೆ ಎಂಬುದು ನಿಜವೆ, ಆದರೆ ಪುಸ್ತಕಗಳಿಲ್ಲದ ಕಲಿಕೆ ಬಾವಿಯಲ್ಲಿ ಕೂಡಿ ಹಾಕಿದ ಕಪ್ಪೆಯ ಅನುಭವದಂತೆ!
ಚಿಂತನೆಯನ್ನು ಪರಿಶೀಲಿಸಿ ಮರುಚಿಂತನೆ ಮಾಡುವ ಗುಣ ಬರುವುದು ಓದಿನಿಂದಲೇ ಅಲ್ವೆ? ಹಾಗೆ ಮಾಡುವಾಗ ಈ ಹಿಂದೆ ಆಲೋಚಿಸಗೋಜಿಗೂ ಹೋಗದ ಹಲವು ವಿಚಾರಗಳು ಮನದ ಮುಂದೆ ಸುಳಿದು ಚಿಂತನೆಯನ್ನು broaden ಮಾಡುತ್ತದಲ್ಲವೆ?

ಕಲಿಕೆಯಿಂದ, ವಿಜ್ಞಾನದಿಂದ, ಕೊನೆಗೆ ಚಿಂತನೆಯಿಂದ ಒಳಿತು - ಕೆಡುಕು ಜೊತೆಜೊತೆಯಾಗಿ ಬರುವಂತದ್ದಲ್ವೆ?

ಓದಿನಿಂದ ಜಗತ್ತು ಬದಲಾಗುತ್ತದೆ ಎನ್ನುವ notion ತಪ್ಪು ಎಂದು ನನ್ನ ಅನಿಸಿಕೆ. ಯಾರನ್ನೂ ಯಾರೂ ಬಹುಶಃ ಬದಲಾಯಿಸಲು ಸಾಧ್ಯವಿಲ್ಲ. ಹೀಗಿರುವಾಗ ಬರಿಯ ಓದು ಯಾರನ್ನಾದರೂ ಬದಲಾಯಿಸಬಹುದು ಎಂಬುದು ನಂಬಲು ಕಷ್ಟಕರವಾದ ವಿಷಯ. ಯಾರಲ್ಲಾದರೂ ಬದಲಾವಣೆ ಆಗಬೇಕಿದ್ದರೆ ಅದು ಅವರಿಂದಲೇ ಆಗಬೇಕು. ಪುಸ್ತಕಗಳು, ಮಾತುಗಳು ಮತ್ತಿನ್ನೆಲ್ಲವೂ ಬರಿಯ influence ಮಾತ್ರಕ್ಕಷ್ಟೆ. ಯಾವ ರೀತಿಯ influence ಆಗುತ್ತದೆಂಬುದೂ ಪ್ರತಿಯೊಬ್ಬರ ಟೆಂಪರ್ಮೆಂಟ್ ಹಾಗೂ ಪರ್ಸನಾಲಿಟಿಯ ಮೇಲೆ ಅವಲಂಭಿಸಿರುತ್ತೆ.

- h.p.

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"