ನಂಗೆ ಮೊನ್ನೆ ಒಂದು ಕೆಟ್ಟ(??) ಜೋಕು ಮೊಬೈಲಿಗೆ ಬಂದಿತ್ತು. ಕೊರಿಯಾ ಗಣರಾಜ್ಯ ಕನ್ನಡದ ಒಂದು ಹಾಡಿನಿಂದ ಪ್ರೇರಿತವಾಗಿ ತನ್ನ ನಾಡಗೀತೆಯನ್ನು ಬದಲಾಯಿಸಿಕೊಂಡಿದೆ ಅಂತ. ಅದು ಈ ರೀತಿ ಇದೆಯಂತೆ----ಕೊರಿಯಾ ಐ ಲವ್ ಯೂ..

ಅಂದ ಹಾಗೆ, ನಮ್ಮ ಮೇಷ್ಟ್ರು ಒಮ್ಮೆ ಹೇಳಿದ್ರು ಕಪ್ಪು ರಹಸ್ಯಸೂಚಕವಂತೆ. ಜತುನದಿಂದ ಕಾಪಿಡಬೇಕಾದಂತಹ ಸಂದರ್ಭದಲ್ಲಿ ಕಪ್ಪಿನ ಪ್ರಸ್ತಾಪ ಆಗುತ್ತಂತೆ.

ಕಾರ್ಮೋಡ, ಕಾರ್ಮುಗಿಲು, ಕೃಷ್ಣಮೃಗ, ಕೃಷ್ಣವೇಣಿ, ಹಾಗೆಯೇ ಕರಿಕಲ್ಲುಗುಡ್ಡ ಅಂತಲೂ ಇರಬೇಕಲ್ವೇ. ನಮ್ಮ ಬೇಲೂರು ಶಿಲಾಬಾಲಿಕೆಯರ ಜೀವವಿರುವುದೂ ಕಪ್ಪುಶಿಲೆಯಲ್ಲಿ ಅಲ್ವಾ..