"ಹಳೆಯ ನಿಘಂಟುಗಳಲ್ಲಿ ಇಲ್ಲದಿರಬಹುದು, ಆದರೆ ನಿಘಂಟುಗಳೇನು ನಿಂತ ನೀರಾಗ ಬೇಕಿಲ್ಲವಲ್ಲ, ಹಳೆ ಪದಗಳನ್ನು ತಪ್ಪಲ್ಲದ ರೀತಿಯಲ್ಲಿ ಹೊಸ ಅರ್ಥದಲ್ಲಿ ಬರುವಂತೆ ನಾವೇಕೆ ಬಳಸಬಾರದು."
ಸುನಿಲ್,
ನೀವು ಹೇಳೋದು ಸರಿ. ನಿಘಂಟುಗಳು ಪ್ರಯೋಗವಾಗಿರತಕ್ಕ ಭಾಷೆಯನ್ನಷ್ಟೇ ದಾಖಲಿಸುತ್ತವೆ ಹೊರತು ಭಾಷೆ ಹೀಗೇ ಇರಬೇಕು ಎಂದೇನೂ ಹೇಳುವುದಿಲ್ಲ.

ನಾನು ಈ ವೇದಿಕೆಯಲ್ಲಿ ಪದಗಳನ್ನು ಕನ್ನಡ ಸಾಹಿತ್ಯ ಪರಿಷತ್ತಿನವರು ಪ್ರಕಟಿಸಿರುವ ಬೃಹತ್ ನಿಘಂಟು ಸಂಪುಟಗಳಿಂದ ಆಯ್ದು ನೀಡುತ್ತಿದ್ದೇನೆ. ಇದರಲ್ಲಿ ನನ್ನ ಹೇರಿಕೆ ಏನೇನೂ ಇಲ್ಲ. ಈ ಪದಗಳು ಹಿಂದೆ ಎಲ್ಲೆಲ್ಲಿ ಬಳಕೆಯಾಗಿವೆ ಎಂಬುದನ್ನು ತಜ್ಞರ ಸಮಿತಿ ನೀಡಿದೆ.

ನಿಮಗೆ ತಿಳಿದಂತೆ ಬೇರೆ ನಿಘಂಟುಗಳಲ್ಲಾಗಲೀ ಜನಪದದಲ್ಲಾಗಲೀ ಇವು ಇನ್ನೊಂದು ಬಗೆಯಲ್ಲಿ ಪ್ರಯೋಗವಾಗಿದ್ದರೆ ಆ ಕುರಿತು ಚರ್ಚಿಸಿದರೆ ಚೆನ್ನಾಗಿರುತ್ತೆ ಎಂದು ಭಾವಿಸಿದ್ದೇನೆ.

ಪ್ರೀತಿಯಿಂದ
ಸಿ ಮರಿಜೋಸೆಫ್

"ಮಳಯಾಳ = ೩೦% ಹಳದಮಿಳು + ೭೦% ತತ್ಸಮ ಸಂಸ್ಕ್ರುತ.. ಅದೊಂದು ದ್ರಾವಿಡ ಬಾಶೆ ಅನ್ನಿಸಿಕೊಳ್ಳಕ್ಕೆ ನಾಲಾಯಕ್ಕು ಅಂತ ಹಲವರು ಹೇಳುವುದೂ ಉಂಟು."

ಅವರು ರೈತನನ್ನು ರೈತ ಅನ್ನೊಲ್ಲ. ಕರ್ಷಕ ಅನ್ತಾರೆ. (ಕೃಷಿ ಮಾಡುವವನು ಕರ್ಷಕ). ಅವರ ಭಾಷೆ ಬಲು ಸಂಸ್ಕೃತಭೂಯಿಷ್ಟ. ಇರಲಿ ಬಿಡಿ ನಮಗೇನಾಗ್ಬೇಕಿದೆ.
ಆದರೆ ನಮ್ಮ ಈ ನನ್ನಿ ಯನ್ನು ಹೆಚ್ಚಾಗಿ ಸತ್ಯಕ್ಕೆ ಸಂವಾದಿಯಾಗಿಯೇ ಹಿಂದಿನವರು ಬಳಸಿದ್ದಾರೆ. ನನ್ನಿಯನ್ನು ಪ್ರೀತಿವಿಶ್ವಾಸಕ್ಕೆ ಸಮನಾಗಿ ಕಾಣಬೇಕೆಂಬ ನಿಮ್ಮ ಆಶಯ ಒಳ್ಳೆಯದೇ. ಅದನ್ನು ತುಂಡರಿಸಲೆಂದು ನಾನು ಈ ಪದವನ್ನು ಒರೆಗೆ ಹಚ್ಚಿಲ್ಲ. ತಪ್ಪು ತಿಳಿಯಬಾರದು. ವೃಥಾ ಯಾಕೆ ಎಲ್ಲೆಲ್ಲೋ ಗುರಿಯಿಡಬೇಕು ಅನ್ತೀನಿ.
ಕವಿ ಕುವೆಂಪು ಅವರೂ "ಕದ್ದಿಂಗಳು ಕಗ್ಗತ್ತಲು ಕಾರ್ಗಾಲದ ರಾತ್ರಿ" ಎಂದಂದು ಕದ್ದಿಂಗಳು ಪದವನ್ನು ಪ್ರಯೋಗಕ್ಕೆ ತೇಲಿಬಿಟ್ಟರಾದರೂ ಆ ಪ್ರಯೋಗ ಸೋತಿತೆಂದು ಬಲ್ಲವರು ಹೇಳುತ್ತಾರೆ. ಜನ ಸ್ವೀಕರಿಸದಿದ್ದರೆ ಮಹಾಕವಿಯ ಪದವೂ ಸೋಲುತ್ತದೆಂದಾಯಿತು ಅಲ್ಲವೇ?Smiling
ಇಲ್ಲೊಂದು ಅಜ್ಞಾತಕವಿಯ ಶಾಸನಪಠ್ಯವಿದೆ ನೋಡಿ. "ಬೀರದಳವಿಯ ನನ್ನಿಯ ಚಾಗದ ಶಾಸನಂ ಚಂದ್ರಾರ್ಕತಾರಂಬರಂ . ."

ಪ್ರೀತಿಯಿಂದ
ಸಿ ಮರಿಜೋಸೆಫ್

>> "ನನ್ಱಿ ಅಂದರೆ "ಧನ್ಯವಾದ" ಎಂದಲ್ಲ..
>> ತ್ಯಾಂಕ್ಸ್ ಎಂದು ಹೇಳೋ ವಾಡಿಕೆ ನಮ್ಮಲ್ಲಿ ಇರಲಿಲ್ಲ.. ಹಾಗೆ ಗುಡ್ ಮಾರ್ನಿಂಗೂ, ಗುಡ್ ಇವನಿಂಗು ಮುಂ..."

ಇದೆ ನಂಗೆ ಬೇಕಾಗಿದ್ದು...

ನನ್ನಿ!