ಈ ದಿನ ಎರಡು ಬರಹ ಓದಿದೆ. SEZ ಕವನ ಮತ್ತೊಂದು ಭಾರತ ಒಲಿಂಪಿಕ್ಸ್ ಆಯೋಜಿಸಬೇಕೇ?. ಎರಡನೆಯದರಲ್ಲಿ "ಸಾಮಾಜಿಕ ನ್ಯಾಯದ ಮರೀಚಿಕೆ" ಎಂಬ ಪುಂಜವನ್ನು ಬಳಕೆ ಮಾಡಿದೆ. ಅದನ್ನು ಬಳಸುತ್ತಿದ್ದಾಗ ನಿಮ್ಮೆಲ್ಲರಿಗೂ ಇದನ್ನು ಕೇಳಲೇಬೇಕೆನಿಸಿತು.

೧. ಈಗ ನೋಡಿ, ಒಬ್ಬ ರೈತನ ಹತ್ತಿರ ಪೊಗದಸ್ತಾದ ಕೃಷಿ ಭೂಮಿ ಇದೆ ಅಂತಿಟ್ಕೊಳ್ಳೋಣ.
೨. ಸರ್ಕಾರ ಅಲ್ಲಿ ಆ ರೈತನ ಭೂಮಿಯನ್ನು ಒಳಗೊಂಡಂತೆ SEZ ಮಾಡಲು ಮನಸ್ಸಾಗತ್ತೆ.
೩. ಸರ್ಕಾರ ಆ ಭೂಮಿಯನ್ನು ತನ್ನ ತೆಕ್ಕೆಗೆ ತೊಗೊಳತ್ತೆ.
೪. ರೈತನಿಗೆ ಪರಿಹಾರ ಅಂತ ಒಂದಷ್ಟು ದುಡ್ಡು ಕೊಡತ್ತೆ.
೫. ಜನ ಗಲಾಟೆ ಮಾಡಿದ್ರು ಅಂತ ಆ sezನಲ್ಲಿ ಆ ಕುಟುಂಬದ ಒಬ್ಬರಿಗೆ ಕೆಲಸ ಕೊಡುವ ಭರವಸೆ ನೀಡತ್ತೆ.

ಈಗ ನೋಡಿ ಎಲ್ಲವೂ ಪೊಲಿಟಿಕಲಿ ಕರೆಕ್ಟಾಗಿಯೇ ಇದೆ. ಆದರೆ ೫ನೇ ಪಾಯಿಂಟ್ ಗಮನಿಸಿ, ಆ ಕುಟುಂಬದ ಒಬ್ಬರಿಗೆ ಕೆಲಸ. ಏನು ಕೆಲಸ. ಕಸಗುಡಿಸೋದು, ಟಾಯ್ಲೆಟ್ ಕ್ಲೀನ್ ಮಾಡೋದು ಹೀಗಾ !!!!! ಭೂಮಿಯ ಒಡೆನಾಗಿದ್ದ ಒಬ್ಬ ರೈತನಿಗೆ ನೀನು ಸಾಧಿಸಿದ್ದು ಸಾಕು ಇನ್ನು ಮುಂದೆ ಕಸಗುಡಿಸಿಕೊಂಡಿರು ಅಂದ್ರೆ ಹೊಟ್ಟೆ ಉರಿಯಲ್ವಾ. ನಿಯತ್ತಿದ್ರೆ, ಒಕ್ಕಲೆಬ್ಬಿಸಲಾದವರಿಗೆ, ಆ ಕ್ಷಣದ ಪರಿಹಾರವಲ್ಲದೆ, ಅವರಿಂದ ವಶಪಡಿಸಿಕೊಳ್ಳಲಾದ ಭೂಮಿಗೆ ತಕ್ಕನಾಗಿ ಆಯಾ sezಇನ ಆದಾಯದ ಶೇರ್ ಹೋಲ್ಡರುಗಳನ್ನಾಗಿ ಮಾಡಬೇಕು. ಈ ವಿಚಾರದಲ್ಲಿ ನಿಮ್ಮ ಅನಿಸಿಕೆ ಏನು ?