ಕ್ಲಾಸಿಕಲ್ ಲಾಂಗ್ವೇಜ್ ಅನ್ನೋದಕ್ಕೆ ಕನ್ನಡದಲ್ಲಿ ಕನ್ನುಡಿ ಎನ್ನಬಹುದು ಎಂಬುದಾಗಿ, ನಾನು ಈಗ್ಗೆ ಸುಮಾರು ಒಂದೂವರೆ ವರ್ಷದ ಹಿಂದೆ ಪ್ರಸ್ತಾಪಿಸಿದ್ದೆ. ಅದನ್ನು ಮತ್ತೊಮ್ಮೆ ಹಾಕಬೇಕಾಗಿ ಬಂದಿದೆ.

=========ಹಿಂದಿನ ಲೇಖನದಿಂದ=========
ಈಗ ನೋಡಿ, Classical Language'u, Classical Language'u ಅಂತ ಬಡ್ಕೋತಾರಲ್ಲ, Classical Language ಎನ್ನುವುದಕ್ಕೆ ಕನ್ನಡದಲ್ಲಿ ಏನಂತ ಕರೆಯುತ್ತಾರೆ ಎಂದು ಕೇಳಿ ನೋಡಿ. ಎಲ್ಲ ಜನರೂ, ಎಲ್ಲ ರಾಜಕಾರಣಿಗಳೂ, ಎಲ್ಲ ಪತ್ರಿಕೆಯವರೂ, ಅಷ್ಟೇ ಏಕೆ ಎಲ್ಲ ಕನ್ನಡ ವಿದ್ವಾಂಸರೂ ಮುಂದಾಲೋಚನೆ ಇಲ್ಲದೆ ಬಳಸುವ ಪದ ಶಾಸ್ತ್ರೀಯ ಭಾಷೆ. .....Classical ಎನ್ನುವುದಕ್ಕೆ ಕನ್ನಡದಲ್ಲಿ ಏನಂತ ಕರೆಯಬೇಕು ಎಂಬ ಪ್ರಯತ್ನವನ್ನೂ ಮಾಡುವುದಿಲ್ಲ ನಾವುಗಳು, so called ಕನ್ನಡಿಗರು. ಈ ವಿಷಯವಾಗಿ, ನಾನು ಕಿಟ್ಟೆಲ್ ನಿಘಂಟನ್ನು ನೋಡಿದೆ. ಎಷ್ಟೋ ಪುಟಗಳನ್ನು ತಿರುವಿದ ನಂತರ ಕಡೆಗೆ ಸಿಕ್ಕಿತು ನೋಡಿ. ಎಂಥಹ ಸೊಗಸಾದ ವಿವರಣೆ ನೀಡುತ್ತದೆ ಗೊತ್ತೇ ಅದು.

ಕರ್ ಕರು ಎಂಬ ಪದ -

ಕನ್ನಡದಲ್ಲಿ ಕರ್(ಕರು) ಎಂದರೆ embossed.

1. To mold or carve in relief: emboss a design on a coin.
2. To decorate with or as if with a raised design: emboss leather.
3. To adorn; decorate.

mold(ಸ್ವರೂಪ ಪಡೆದಿರುವ, ಪಕ್ವವಾದ), decorate(ಸುಂದರವಾದ), adorn(To enhance or decorate with or as if with ornaments - ಸಾಲಂಕೃತ),

ಹಾಗಾಗಿ ಕರ್ + ನುಡಿ -> ಕರ್ನುಡಿ -> ಕನ್ನುಡಿ. ಚೆನ್ನಾಗಿಲ್ಲವೇ ಇದು, ಆದರೆ ನಾನು ಇದನ್ನು ನನ್ನ ಗೆಳೆಯರಿಗೆ ಹೇಳಿದಾಗ, ನಗೆಪಾಟಲಿಗೀಡಾದೆ. ನಮಗೆ ಕನ್ನುಡಿಗಿಂತ ಸಂಸ್ಕೃತದ ಶಾಸ್ತ್ರೀಯ ಭಾಷೆ ಎಂಬ ಬಳಕೆಯೇ ಬೇಕು. ಅದು ತಪ್ಪು ಎಂದು ತಿಳಿದಿದ್ದರೂ.
=============ಮುಗಿದುದು====

ಇಷ್ಟಲ್ಲದೆ, ಶಂ.ಬಾ.ಜೋಶಿಯವರು "ಕಂನ" ಜನಾಂಗದ ಹಿನ್ನೆಲೆಯಿಂದ ಕನ್ನುಡಿ ಎಂಬ ಪದದ ಬಗ್ಗೆ ಒಳ್ಳೆಯ ವಿವರಣೆಯನ್ನು ನೀಡಿದ್ದಾರೆ. ಅವರು ಸಾವಿರಾರು ವರ್ಷದ ಇತಿಹಾಸವಿರುವ ಒಂದು ಜನಾಂಗದ ಹಿನ್ನೆಲೆಯಿಂದ ಕಂನ, ಕಂನುಡಿ, ಕಂನಾಡು, ಮುಂತಾದ ಪದಗಳನ್ನು ವಿಶ್ಲೇಷಿಸುತ್ತಾರೆ. ಶಂ.ಬಾ ಜೋಶಿಯವರ ಈ ಜನಾಂಗೀಯ ಹಿನ್ನೆಲೆಯಿಂದ "ಕನ್ನುಡಿಯ" ಪದದ ಬಗ್ಗೆ ನೀಡಿರುವ ವಿವರಣೆಯನ್ನು ಓದಿದ ಮೇಲೆ ಕ್ಲಾಸಿಕಲ್ ಲಾಂಗ್ವೇಜ್ ಅನ್ನೋದಕ್ಕೆ "ಕನ್ನುಡಿ" ಒಂದು ಸಮರ್ಥವಾದ ಪದ ಅಂತ ನನಗೆ ಅನ್ನಿಸಿದೆ. ಈಚೆಗೆ ಗೆಳೆಯರು "ಚೆನ್ನುಡಿ" ಅಂತಲೂ ಹೇಳಬಹುದು ಎಂದಿರುವರು, ಆದರೆ "ಚೆನ್ನುಡಿ" ಪದವು, "ಕನ್ನುಡಿಯ" ಒಂದು attribute ಅಷ್ಟೇ.

ಲಿಂಗ್ವಿಸ್ಟಿಕಲಿ, ಕನ್ನುಡಿಯೆಂಬುದು ಚೆನ್ನುಡಿಯೂ ಹೌದು. ಆದರೆ ಚೆನ್ನುಡಿಯು ಕನ್ನುಡಿಯಾಗುವುದಿಲ್ಲ.