ಅರವಿಂದ,ಅಶೋಕ,ಚೂತ,ಮಲ್ಲಿಕಾ, ನೀಲೋತ್ಪಲ-ಇವು ಮನ್ಮಥನ ಪಂಚ ಬಾಣಗಳು.

ನೀಲೋತ್ಪಲಂಚ ಪಂಚೈತೆ ಪಂಚ ಬಾಣಸ್ಯ ಸಾಯಕಾ:
ಅರವಿಂದಂ ಅಶೋಕಂ ಚ ಚೂತಂ ಚ ನವಮಲ್ಲಿಕಾ
-ಅಮರಕೋಶ

ಉತ್ತರಿಸಿದ ಎಲ್ಲರಿಗೂ ನನ್ನಿ. ಪಂಚಬಾಣ -> ಐದು ಬಾಣ -> ಅವುಗಳನ್ನು ಹೊಂದಿರತಕ್ಕ ಮನ್ಮಥ ಅಂತೇನೋ ಆಯ್ತು.

ಆದರೆ ಈ "ಮನ್ಮಥ ಹಾಗು ರತಿಯಿಂದ ಸಂಭಾವಿತಳಾದವಳು" ಅಂತ ಶ್ಯಾಮಲೆಯನ್ನು ಏಕೆ ಕರೆದಿದ್ದಾರೆ ?

ಇದು ಸ್ವಲ್ಪ ವೈದಿಕ ತಂತ್ರಶಾಸ್ತ್ರಕ್ಕೆ ಸಂಬಂಧಿಸಿದ್ದು!

"ಪಂಚಬಾಣೇನ ರತ್ಯಾ ಚ ಸಂಭಾವಿತೇ"
ಎಂದರೆ, ಕನ್ನಡಕಂದರು ಹೇಳಿದಂತೆ, ಮದನ ಹಾಗೂ ಅವನ ಸತಿ-ರತಿ ಇಬ್ಬರಿಂದಲೂ ಸಂಭಾವಿತಳು ಈ ದೇವಿ.

ಆದರೆ 'ಸಂಭಾವಿತಾ' ಎಂಬುದಕ್ಕೆ ಟೀಕಾಕಾರರು 'ಸಂಭವಿಸುವವಳು' ಎಂಬರ್ಥ ನೀಡಿದಾಗ ಬೇರೆಯೇ ಅರ್ಥ ಬರುತ್ತದೆ!
ಅಂದರೆ ರತಿ-ಮದನರಿಂದ 'ಸಂಭವಿಸುವವಳು', ಪ್ರತ್ಯಕ್ಷವಾಗುವವಳು, ಅಥವಾ ಕನ್ನಡದಲ್ಲಿ ಮೈದೋರುವವಳು, ಮೈದಳೆಯುವವಳು!
ಇದೇ ಸಂಸ್ಕೃತಭಾಷೆಯ ನಾನಾರ್ಥ ವೈಶಿಷ್ಟ್ಯ!
ಶಾಕ್ತರು ಅಥವಾ ದೇವಿಯ ಉಪಾಸಕರು ಅತ್ಯಂತ ಶಕ್ತಿಶಾಲಿಯೆಂದು ನಂಬುವ ಮಂತ್ರವೊಂದಿದೆ; ಅದೇ ಪಂಚದಶಾಕ್ಷರೀ - ಹದಿನೈದಕ್ಕರದ ಶ್ರೀವಿದ್ಯಾ ಮಂತ್ರ. ಇದರಲ್ಲಿ ೬೪ ವಿಧಗಳಿದ್ದು, ಅವುಗಳಲ್ಲಿಯೂ ಮಹತ್ತರವಾದ ಹನ್ನೆರಡು [ಮನು, ಚಂದ್ರ, ಕುಬೇರ, ಲೋಪಾಮುದ್ರಾ, ಮನ್ಮಥ,ಅಗಸ್ತ್ಯ, ಅಗ್ನಿ, ಸೂರ್ಯ,ಇಂದ್ರ, ಸ್ಕಂದ, ಶಿವ, ಕ್ರೋಧಭಟ್ಟಾರಕ(ದೂರ್ವಾಸ)] ಪ್ರಸಿದ್ಧವಾಗಿವೆ. ಆ ಒಂದೊಂದೂ ಒಬ್ಬೊಬ್ಬ ಋಷಿ, ಮುನಿ, ದೇವತೆಗಳಿಂದ ಉಪಾಸಿಸಲ್ಪಟ್ಟು, ಅವರದೇ ಹೆಸರಿನಿಂದ ಪ್ರಸಿದ್ಧ ಕೂಡ. ಅವುಗಳಲ್ಲಿ 'ಮದನ' ಹಾಗೂ 'ರತಿ' ಕೂಡ ಸೇರಿದ್ದು, "ಪಂಚಬಾಣೇನ ರತ್ಯಾ ಚ ಸಂಭಾವಿತೇ" ಎಂದರೆ, ಆ ಎರಡು ಮಂತ್ರಗಳಿಂದ ಸಾಕ್ಷಾತ್ಕಾರಗೊಳ್ಳುವವಳೇ, ಎಂದರ್ಥ!

ಕಾದಿ(ಮದನ)ವಿದ್ಯೆಯಲ್ಲಿ ಹಯಗ್ರೀವ, ಅಗಸ್ತ್ಯ, ಶಂಕರಾಚಾರ್ಯ, ಮುತ್ತುಸ್ವಾಮಿ ದೀಕ್ಷಿತರು ಖ್ಯಾತರು.
ಹಾದಿ(ಲೋಪಾಮುದ್ರಾ)ವಿದ್ಯೆಯಲ್ಲಿ ಲೋಪಾಮುದ್ರಾ, ಕಾಲತಾಪನಾನಂದನಾಥರು ಖ್ಯಾತರು.
ಸಾದಿ(ಕ್ರೋಧಭಟ್ಟಾರಕ)ವಿದ್ಯೆಯಲ್ಲಿ ದೂರ್ವಾಸ, ಧರ್ಮಾಚಾರ್ಯರು ಖ್ಯಾತರು.

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.