ನನಗೇಕೋ ೞ್ ಬಳಸಲು ಹಿಂಜರಿಕೆಯೇ. ಆ ಪದಗಳನ್ನೆಲ್ಲ ’ಳ’ ಬಳಸಿಯೇ ಹೇಳುವುದು ನನಗೆ ಸುಲಭ.

ಆದರೂ ಕನ್ನಡ ಕಂದರು ಒಳ್ಳೆ ಕನ್ನಡ ಹೇಳಿಕೊಡುವವರಲ್ಲಿ ನೆಗಳ್ಪಟ್ಟವರು ಅಂತ ಹೇಳಲು ಸಂತೋಷವಾಗುತ್ತೆ :)

-ಹಂಸಾನಂದಿ
ಹರಿದಾಸ ಸಂಪದ:- http://haridasa.in/

’ಅದೇ ನನ್ನ ನೆಗೞ್ತೆ (ಕೆಲಸ)’ ಎಂದುಂ ಕೆಲರ್ ಪೇೞ್ವರ್.

ನೀವು ಹೇಳಿದ್ದರಲ್ಲಿ ಒಂದು ತಪ್ಪಿತು ಕನ್ನಡ ಕಂದರೆ.

ನಾನು ಕನ್ನಡಿಗ - ಆದರೆ ಸ್ವಲ್ಪ ತಮಿಳೂ ಬರುತ್ತೆ.

ಮತ್ತೆ ನಿಗೞ್ಚಿ ಅನ್ನುವುದನ್ನು ತಮಿಳಲ್ಲಿ ಕಾರ್ಯಕ್ರಮ ಅನ್ನುವ ರೀತಿ ಬಳಸುವುದನ್ನು ಮಾತ್ರ ನೋಡಿದ್ದೇನೆ. ಪ್ರಖ್ಯಾತ, ಕೀರ್ತಿ ಅನ್ನೋ ಬಳಕೆ ನಾನು ಕಂಡಿಲ್ಲ. ಇದರ ಒಳಗುಟ್ಟೇನು ಗೊತ್ತೇ ನಿಮಗೆ?

-ಹಂಸಾನಂದಿ
ಹರಿದಾಸ ಸಂಪದ:- http://haridasa.in/

ಕಂದಮಿಳ್ ಅಂದರೇನು?
ಕಂಪಿನ ತಮಿಳೇ?

ಅದು ಕಂಗನ್ನುಡಿಗನ್ನಡದಮಿಳ್

ನಡುವಿನ ಕನ್ನುಡಿ ಕನ್ನಡ ಎಲ್ಲಿ ಎಗರಿಸಿದಿರಿ?

ನೆಗೞ್=ಪ್ರಸ್ತುತದಲ್ಲಿ ಉಪಯೋಗಕ್ಕೆ ಬರುವ ಕೆಲಸಕ್ಕೆ ಬರುವ ಚಾಲ್ತಿಯಲ್ಲಿರುವ ವಿಷಯ. ಹಾಗಾಗಿ ಪ್ರಸಿದ್ಧ, ಉದ್ಯೋಗದಲ್ಲಿರು, ಚಾಲ್ತಿಯಲ್ಲಿರು ಎಲ್ಲಾ ಅರ್ಥಗಳು ಬರುತ್ತವೆ.

ಪಂಪನ ಈ ಪದ್ಯ ನೋಡಿ

ಎನೆಯೆನೆ ಬಾಷ್ಪವಾರಿ ಪುಳಕಂಬೆರಸೊರ್ಮೆಯೆ ಪೊಣ್ಮೆ ಮುನ್ನೆ ನೀ-
ಮೆನಗಿದನೇಕೆ ಪೇೞ್ದಿರೊ ನೆಗೞ್ತೆ ಪೊಗೞ್ತೆಯನಾಂಪಿನಂ ಸುಯೋ-
ಧನನೆನಗೊಳ್ಳಿಕೆಯ್ದ ಕೃತಮಂ ಪೆಱಗಿಕ್ಕಿ ನೆಗೞ್ತೆ ಮಾಸೆ ನ-
ಣ್ಪಿನ ನೆವದಿಂದೆ ಪಾಂಡವರನಾನೊಳವೊಕ್ಕೊಡೆ ನೀಮೆ ಪೇಸಿರೇ||

ಕೃಷ್ಣನು ಕರ್ಣನನ್ನು ಪಾಂಡವರ ಕಡೆ ಸೆಳೆಯಲು ದುರ್ಯೋಧನನು ನಿನ್ನನ್ನು ಮುಳ್ಳನ್ನು ಮುಳ್ಳಿನಿಂದಲೇ ತೆಗೆಯಬೇಕೆಂದು ಅವನ ಬಗ್ಗೆ ಸುಳ್ಳು ಕತೆ ಕಟ್ಟಿ ಹೇೞಿದಾಗ ಕರ್ಣನು ನನಗೆ ಉದ್ಯೋಗವನ್ನು (ಅಂಗಾಧಿಪತಿಯ ಪಟ್ತ) ಕೀರ್ತಿಯನ್ನು ಕೊಟ್ಟ ದುರ್ಯೋಧನನನ್ನು ನಂಟುತನವೆಂದು ಪಾಂಡವರೊಡನೆ ಸೇರಿದ ಮೇಲೆ ನನ್ನ ಕೀರ್ತಿ(ಚಾಲ್ತಿಯಲ್ಲಿರುವ ಅಂಗಾಧಿಪತ್ಯ) ಮಾಸಿದಾಗ ನೀವೇ ನನ್ನ ಮೇಲೆ ಹೇಸಿಕೊಳ್ಳುವುದಿಲ್ಲವೇ ಎಂದು ಮಱು ಪ್ರಶ್ನಿಸುತ್ತಾನೆ.