ಪೂರ್ಣ ಹೆಸರು
ನವಿಲುಗರಿ ಸೋಮು

ಪರಿಚಯ

ಎಲ್ಲಾರು ಬರಿತಾರೆ ಅಂತ ನಾನು ಬರಿಲಿಕ್ಕೆ ಹೊರಟೆ. ಇದು ಹೇಗಾಯ್ತು ಅಂದ್ರೆ.. “ಎಲ್ಲಾರು ಮದುವೆ ಮಾಡಿಕೊತರಂತ ನಾನು ಮದುವಿ ಮಾಡಿಕೊಂಡೆ” ಅನ್ನುವ ಒಂದು ಜನಪದ ಗೀತೆಯ ತರ ಆಗಿ ಹೋಯ್ತು. ಇಲ್ಲಿರುವ ಯಾವುದೇ ಕವಿತೆಗಳಿಗೆ ಮತ್ತು ಹಾಳುಮೂಳು ಬರಹಗಳಿಗೆ ಒಂದು ದೃಷ್ಟಿಕೋನ ಒಂದು ಗುರಿ,ಧ್ಯೇಯ ಯಾವುದು ಇಲ್ಲ.ಇಲ್ಲಿರುವ ಪದಗಳಿಗೆ ಕವಿತೆ ಅನ್ನುವ ಚಂದದ ಹೆಸರಿನಿಂದ ಕರೆಯಬೇಕ? ಅದೂ ತೋಚುತ್ತಿಲ್ಲ.ಕೊನೆಗೆ ಈ ಪದಗಳ ಮೂಲಕ ನಾನು ಏನು ಹೇಳಲಿಕ್ಕೆ ಹೊರಟಿದ್ದೇನೆ ಅಂತ ಕೆಲವೊಂದು ಸಲ ನನಗೂ ಅರ್ಥವಾಗುವುದಿಲ್ಲ. ಇಲ್ಲಿರುವುದೆಲ್ಲ ಕೇವಲ ಹುಚ್ಚು ಮನಸ್ಸಿನ ಭೋರ್ಗರೆತಗಳು ಮಾತ್ರ. ಇವನ್ನ ಕವಿತೆ ಮತ್ತು ಅದ್ಭುತ ಬರಹ ಅಂತ ಓದುವ ನಿಮಗೆ ಮತ್ತು ನಿಮ್ಮ ಸಹನೆಗೆ ಮತ್ತು ಅತ್ಯಮೂಲ್ಯ ಸಮಯಕ್ಕೆ ನಾನು ಅಭಾರಿ…..ಇಂತಿ ನಿಮ್ಮ ಪ್ರೀತಿಯ ನವಿಲುಗರಿ ಹುಡುಗ

ನಮ್ಮೂರು ಮಲೆನಾಡಿನ ಶಿವಮೊಗ್ಗದ ಸಾಗರ. ಕುಣಿಯೋಕೆ ಬಾರದವನಿಗೆ ನೆಲ ಡೊಂಕು ಅನ್ನುವ ಗಾದೆಯ ಮಾತಿನಂತೆ, ಕೆಲವು ಕಾರಣಾಂತರಗಳಿಂದ SSLC ಯ ವರೆಗೆ ಮಾತ್ರ ವಿಧ್ಯಾಭ್ಯಾಸ ಮಾಡೋಕೆ ಸಾದ್ಯವಾಯ್ತು.ಮತ್ತೆ ಕೆಲವು ಕಾರಣಾಂತರಗಳಿಂದ ಊರು ಬಿಟ್ಟು ಬೆಂಗಳೂರೆಂಬ ಮಹಾನಗರಿಗೆ ಬಂದು, ಹೊಟ್ಟೆಪಾಡಿಗಾಗಿ ಸದ್ಯಕ್ಕೆ ನವಿಲುಗರಿಯಷ್ಟೆ ಚಿಕ್ಕದಾದ ಪುಟಾಣಿ ಕೆಲಸದಲ್ಲಿದ್ದೀನಿ. ಇಷ್ಟೆಲ್ಲ ಟಾಮ್ ಟಾಮ್ ಹೊಡೆದುಕೊಳ್ಳುವ ನಾನು ಇಲ್ಲಿಯವರೆಗೆ ಅಂತದ್ದೇನು ಮಹಾನ್ ಸಾಹಿತ್ಯ ಕೃಷಿ ಮಾಡಿದ್ದಿಲ್ಲ. ಕೆಲವೇ ಕೆಲವು ಕವನಗಳು ಪತ್ರಿಕೆಯಲ್ಲಿ ಮತ್ತೆ ಅಲ್ಪ ಸ್ವಲ್ಪ ಕವನಗಳು website ಗಳಲ್ಲಿ ಬಂದಿವೆ. ಸದ್ಯಕ್ಕೆ ಕತ್ತೆ ವಯಸ್ಸಾಗುತ್ತ(23) ಬಂದಿದೆ.ಕನ್ನಡದ ಬಗ್ಗೆ ನವೆಂಬರ್ ಕನ್ನಡಿಗರಿಗಿಂತಲೂ ಸ್ವಲ್ಪ ಹೆಚ್ಚಿನ ಅಭಿಮಾನವಂತು ಇದ್ದೇ ಇದೆ…ನನ್ನ ಬಗ್ಗೆ ಇಷ್ಟು ಸಾಕು ಅಂತ ಕಾಣುತ್ತೆ ಉಳಿದ ವಿವರಗಳನ್ನ ಹೇಳೊಕೆ ನನಗೂ ಸಂಕೋಚ ಮತ್ತೆ ಕೇಳೊ ದರ್ದು ಕೂಡ ನಿಮಗಿಲ್ಲ ಅಂತ ಗೊತ್ತಿದೆ

somu
navilagari@gmail.com